હળવદઃ ટ્રકે બસને મારી ભયંકર ટક્કર, એક આખી સાઈડ ચીરી નાંખતાં કંટક્ટર સહિત 4નાં મોત

માળીયા હળવદ નેશનલ હાઇવે પર અણીયારી ટોલનાકા પાસે આ ભયંકર અકસ્માત સર્જ્યો હતો. બસ નખત્રાણાથી બડોલી તરફ જતી હતી. અકસ્માતમાં 20થી વધુને ઈજા થતાં સારવાર માટે હળવદ, સુરેન્દ્રનગર અને ધાંગધ્રા ખસેડ્યા હતા. ઘાયલો પૈકી કેટલાંકની હાલત ગંભીર હોવાનું કહેવાય છે.

આજે ભાઈ બહેનનો પવિત્ર તહેવાર હોવાથી ભુજથી બોડેલી જવા નીકળેલી બસને મધ્યરાત્રીએ અકસ્માત થયો હતો. મુસાફરો ઘોર નિંદ્રામાં હતા ત્યારે અચાનક અકસ્માત સર્જાયો હતો. જેમાં ઘટનાસ્થળે જ 4 લોકોનાં જીવ ઉડી ગયા હતા. ઘાયલોને નજીકની હોસ્પિટલ ખાતે સારવાર માટે ખસેડવામાં આવ્યા હતા.

મોડી રાત્રે અકસ્માત થતાં હાઈવે પર ટ્રાફિક જામ સર્જાયો હતો. આ અંગે જાણ કરતાં પોલીસ તાત્કાલિક ઘટનાસ્થળે આવી પહોંચી હતી. આ ઘટનામાં 4 વ્યક્તિનાં મોત નિપજ્યા હતાં, જ્યારે 20થી વધારે લોકોને ઈજા પહોંચી હતી. રક્ષાબંધન હોવાથી લોકો પોતાનાં સ્વજનોને મળવા જતાં હતાં તેથી બસમાં ભારે ભીડ હતી.

હળવદ: રક્ષાબંધનના તહેવારના દિવસે જ હળવદ પાસે ટ્રેક અને એસ.ટી. બસ વચ્ચે અકસ્માત થતાં 4 લોકોનાં કરૂણ મોત નિપજ્યાં છે. હળવદથી 27 કિ.મી.ના અંતરે ટ્રક અને ગુજરાત એસટી બસ વચ્ચે આ અકસ્માત સર્જાયો હતો. ટ્રકે કંડક્ટર સાઈડનો આખો ભાગ ચીરી નાંખતાં કંડક્ટર સહિતના લોકો ભોગ બન્યા હતા.