હવે હાર્દિક પટેલ કરશે રોડ શો, જાણો ક્યારથી અને ક્યાં યોજાશે રોડ શો
પાસના ગોડંલ તાલુકાના કન્વીનર મહેશભાઈ ખૂંટના જણાવ્યાનુસાર દેરડી (કુંભાજી)માં જાહેરસભા બાદ આગામી દિવસોમાં ગોંડલ તાલુકાનું મોવિયા અને કોલીથડમાં પણ હાર્દિક પટેલની જાહેર સભા યોજાશે. હાર્દિક પટેલની જાહેર સભા અને રોડ શો માટે સૌરાષ્ટ્રના પાસના કન્વીનર લલીત વસોયાની આગેવાનીમાં તડામાર તૈયારીઓ કરવામાં આવી રહી છે.
આ રોડ શો ગોમટાથી શરૂ થઇને, નીલાખા, સુલ્તાનપુર, રાણસીકી થઇને દેરડી (કુંભાજી) પહોંચશે. સાંજે 4 કલાકે હાર્દિક પટેલ દેરડી (કુંભાજી) ખાતે જાહેર સભાનું સંબોધન કરશે. જેમાં 35થી વધુ ગામોના લોકો જોડાશે. હાર્દિક પટેલ પાટીદાર અનામત આંદોલન, ખેડુતોને પાકવિમો તથા દેવું માફ કરવા સહિતના મુદ્દે સરકાર સામે ચાબખા મારશે.
ગોંડલ તાલુકા 'પાસ'ના કન્વીનર મહેશ ખૂંટના જણાવ્યા મુજબ આગામી તારીખ 8ને શનિવારે બપોરે 2 વાગ્યે ગોંડલ તાલુકાના ગોમટાથી હાર્દિક પટેલના રોડ શોની શરૂઆત થશે. રોડ શોમાં અસંખ્ય વાહનો, બાઇક સહિત મોટી સંખ્યામાં પાટીદાર સમાજના લોકો જોડાશે.
રાજોકટઃ રાજકોટમાં મોદીના ભવ્ય રોડ શો બાદ હવે પાટીદાર અનામત આંદોલન સમિતિ (પાસ)ના કન્વીનર હાર્દિક પટેલનો ભવ્ય રોડ શો આગામી શનિવારે ગોંડલના ગ્રામ્ય વિસ્તારોમાં યોજવામાં આવશે. ભવ્ય રોડ શો બાદ દેરડી(કુંભાજી)માં જાહેરસભાનું પણ આયોજન કરવામાં આવ્યુ છે.