વધુ એક ગુજરાતની વિદેશમાં હત્યા, એક દિસ પહેલા થયો હતો ગુમ

દક્ષિણ આફ્રિકામાં ગુજરાતી યુવકોને ટાર્ગેટ કરવામાં આવી રહ્યા છે. આ પહેલા અંકલેશ્વરના રવિન્દ્રા ગામના યુવાનની ગોળી મારીને હત્યા કરી નાંખવામાં આવી હતી. આ સિવાય દક્ષિણ આફ્રિકાના જોહનિસબર્ગમાં ગુજરાતી યુવક સાજીદ સીદાતની પણ હત્યા કરવામાં આવી હતી.

નવી દિલ્હીઃ વિદેશમાં વસતા વધુ એક ગુજરાતની હત્યા કરવામાં આવી છે. દક્ષિણ આફ્રિકામાં રહેતા સાજીદ કેસવાણવાલાની હત્યા કરવામાં આવી છે. ભરુચના મનુબર ગામના યુવાનનો હત્યા કરાયેલી હાલતમાં મૃતદેહ મળ્યો છે.

છેલ્લાં દસ વર્ષથી સાઉથ આફ્રિકામાં સ્થાયી થયેલા સાજીદ 24 કલાકથી ગુમ થયા હતા. આજે રવિવારે તેમની જ કારમાંથી તેઓનો મૃતદેહ મળી આવ્યો હતો. પોલીસના જણાવ્યા અનુસાર, સાજીદના શરીરનો અમુક ભાગ સળગેલો હતો. જેથી આ હત્યાનો મામલો હોવાનું સ્પષ્ટ થાય છે.