કોંગ્રેસ છોડીને ભાજપમાં આવેલા એક ધારાસભ્ય રીપીટ, એકની કપાઈ ટિકિટ, જાણો વિગત

ભાજપે માણસ બેઠક પરથી આંજણા પાટીદાર નેતા અને ધારાસભ્યપદેથી રાજીનામું આપીને ભાજપમાં જોડાયેલા અમિત ચૌધરીને ટિકિટ આપી છે. 2012માં અમિત ચૌધરી કોંગ્રેસની ટીકિટ પરથી ચૂંટાયા હતા. અમિત ચૌધરી શંકરસિંહ વાઘેલાના ખાસ ગણાતા હરિભાઈ ચૌધરીના પુત્ર છે.

ભાજપે વિજાપુર બેઠક પરથી પાટીદાર નેતા અને ધારાસભ્યપદેથી રાજીનામું આપીને ભાજપમાં જોડાયેલા પ્રહલાદભાઈ પટેલને ટિકિટ નથી આપી. 2012માં પ્રહલાદભાઈ પટેલ કોંગ્રેસની ટીકિટ પરથી ચૂંટાયા હતા. વિજાપુર બેઠક પર ભાજપે ઉદ્યોગપતિ એવા રમણભાઈ પટેલને ટિકિટ આપી છે.

અમદાવાદઃ ભાજપે આજે વધુ 13 ઉમેદવારોની યાદી જાહેર કરી છે. ઉત્તર ગુજરાત અને મધ્ય ગુજરાતની આ 13 બેઠકો પૈકી બે બેઠકો કોંગ્રેસ પાસે હતી પણ તેના ધારાસભ્યો પક્ષપલટો કરીને ભાજપમાં આવ્યા હતા. આ પૈકી ભાજપે એક વર્તમાન ધારાસભ્યને ફરી ટિકિટ આપી છે જ્યારે એક ધારાસભ્યની ટિકિટ કાપી નાંખી છે.