સુરેન્દ્રનગરઃ ચાલુ જીપમાં યુવતી પર બળાત્કાર, યુવકની કરાઇ ધરપકડ

પાટડી: સુરેન્દ્રનગરમાં એક યુવતી પર બોલેરો જીપમાં બળાત્કાર ગુજારવાની ઘટના બની હતી. સુરેન્દ્રનગરમાં જ સરકારી તંત્રમાં ફરજ બજાવતી એક યુવતી પર ફતેપુરા ગામમાં રહેતા એક યુવકે ચાલુ બોલેરો જીપમાં રેપ કરતા ખળભળાટ મચી ગયો છે.

મળતી વિગતો અનુસાર, પાટડી તાલુકાના ફત્તેપુરા ગામનો વતની ભરતભાઇ તલાજી ઠાકોરે યુવતીને વણોદ લઇ જવાનું કહીને બોલેરો જીપમાં બેસાડી હતી. ત્યારબાદ એછવાડા ગામના બોર્ડ પાસે રાતના અંધારામાં એકલતાનો લાભ ભઇને તેના પર રેપ ગુજાર્યો હતો અને ત્યારબાદ રસ્તામાં ઉતારી નાસી છૂટ્યો હતો. બાદમાં પીડીતા એકથી દોઢ કલાક સુધી કણસતી રહી હતી.

આ ઘટના અંગે યુવતીએ દસાડા પોલીસ મથકે રેપ આચર્યાની ફરીયાદ નોંધાવતા પોલીસે ગણતરીના કલાકોમાં જ આરોપીને ઝડપી પાડ્યો હતો. પોલીસ સ્ટાફે ફત્તેપુરાના આરોપી ભરતભાઇ તલાજી ઠાકોરને ઝડપી પીડિતાને મેડીકલ તપાસ માટે સરકારી હોસ્પિટલે મોકલી આપી હતી.