વિશ્વ આદિવાસી દિનની ઉજવણીમાં ઢોલ, ટીમલીના તાલે ઝુમ્યા આદિવાસીઓ

જ્યારે ગુજરાતમાં દાંતાથી લઇને ડાંગ સુધીના પૂર્વ પટ્ટીના અલગ અલગ વિસ્તારના આદિવાસીઓ નાચ-ગાનના કર્યોક્રમો સાથે આ દીવસ ઉજવતા હોય છે. તેમાં દાહોદ અને છો઼ટા ઉદેપુરમાં આદિવાસીઓ પંરાગત લોકનૃત્ય કરી આ દિવસ ઉજવે છે.

સુરત: વિશ્વ આદિવાસી દિવસે દરવર્ષની જેમ આ વર્ષે પણ આજે આદિવાસી વિસ્તારમાં ધામધૂમથી વિશ્વ આદિવાસી દીનની ઉજવણી કરવામાં આવી હતી. સમગ્ર વિશ્વમાં 9મી ઓગષ્ટે વિશ્વ આદિવાસી દિન તરીકે ઉજવવામાં આવે છે. જે સમગ્ર વિશ્વના આદિવાસીઓ આ દિનની ઉજવણી હર્ષો ઉલ્લાસથી કરતા હોય છે.

સંયુક્ત રાષ્ટ્ર દ્વારા વર્ષ 1993માં 9મી ઓગષ્ટે વિશ્વ આદિવાસી દિવસ તરીકે નક્કી કરવામાં આવ્યો હતો.

દક્ષિણ ગુજરાતમાં નર્મદા, ભરુચ, તાપી, ડાંગ જીલ્લાના અનેક સ્કુલો તથા જિલ્લા અને તાલુકા કક્ષાએ વિવિધ કાર્યક્રમો કરવામાં આવ્યા હતા તથા અનેક સ્થળોએ રેલીઓ યોજવામાં આવી હતી.

નર્મદા જીલ્લાના ડેડિયાપાડા તાલુકામાં આ દિનની વિશેષ ઉજવણી કરવામાં આવી હતી તેમાં આદિવાસીએ પોતાની પરંપરા પ્રમાણે વાજીત્ર, ઢોલ, નગારા સાથે લોકનૃત્ય સાંસ્કૃતિક કાર્યક્રમો તથા દેશી ગીતો, ટીમલી, રોડાલીના તાલે નાચી ગાઇને ઉજવણી કરવામાં આવી હતી.