રાજ્યમાં આગામી 24 કલાકમાં ભારે વરસાદની આગાહી, જાણો ક્યાં પડી શકે છે ભારે વરસાદ

ઉત્તર ગુજરાતમાં લાંબા વિરામ બાદ મેઘરાજાનું આગમન થયું હતું. બનાસકાંઠાના દિયોદરમાં ધીમીધારે વરસાદ પડ્યો હતો. લાંબા વિરામ બાદ વરસાદનું આગમન થતા ખેડૂતોમાં ખુશીનો માહોલ જોવા મળ્યો હતો.

અમદાવાદ: હવામાન વિભાગે સૌરાષ્ટ્ર અને દક્ષિણ ગુજરાતના કેટલાક વિસ્તારમાં ભારે વરસાદની કરી આગાહી કરી છે. સુરેંદ્રનગર, ડાંગ, તાપી સહિતના જિલ્લામાં મન મુકીને મેધરાજા વરસી શકે છે.

સુરતના અઠવાગેટ, મજુરા સહિતના વિસ્તારમાં વરસાદી ઝાપટા પડ્યા હતા.

વલસાડ જિલ્લામાં વરસાદી માહોલ જોવા મળ્યો હતો. વાપી ,કપરાડા, ધરમપુર સહિતના વિસ્તારોમાં છૂટોછવાયો વરસાદ પડતા વાતાવરણમાં ઠંકક પ્રસરી હતી.

લાંબા વિરામ બાદ આજે સૌરાષ્ટ્રમાં મેધરાજા મહેરબાન થયા હતા. રાજકોટ સહિત ધોરાજી અને જામનગરમાં ધોધમાર વરસાદ પડ્યો હતો. વરસાદના કારણે ખેડૂતોમાં ખૂશીનો માહોલ છે.