કર્ણાટક ચૂંટણી: કૉંગ્રેસે જાહેર કરી 218 ઉમેદવારોની યાદી, જાણો કઈ બેઠક પરથી લડશે CM સિદ્ધરમૈયા

બેંગલૂરૂ: કર્ણાટકમાં યોજાનારી વિધાનસભાની ચૂંટણીને લઈને કૉંગ્રેસ પાર્ટીએ 218 ઉમેદવારોની પ્રથમ યાદી જાહેરા કરી છે. મુખ્યમંત્રી સિદ્ધરમૈયા ચામુંડેશ્વરી બેઠક પરથી ચૂંટણી લડશે. જ્યારે સિદ્ધરમૈયાના પુત્ર યતીન્દ્રને વરૂણા વિધાનસભા બેઠક પરથી ટિકીટ આપવામાં આવી છે. કૉંગ્રેસે રવિવારે કર્ણાટક વિધાનસભા ચૂંટણી માટે પ્રથમ યાદી જાહેર કરી છે. 6 ઉમેદવારોના નામની જાહેરાત અત્યારે નથી કરવામાં આવી. આ પહેલા ભાજપે પ્રથમ યાદી જાહેર કરી દિધી છે. આ યાદીમાં કુલ 72 ઉમેદવારોના નામની જાહેરાત કરવામાં આવી છે. ભાજપ તરફથી મુખ્યમંત્રી પદના ઉમેદવાર યેદિયુરપ્પા શિકારીપુરા બેઠક પરથી ચૂંટણી લડશે.