વિધાનસભા પેટાચૂંટણી MPની બેઠકોનું પરિણામ આજે, મુંગાવલીમાં ભાજપ, કોલારસમાં કોંગ્રેસ આગળ

બીજીતરફ ભાજપે આ બન્ને બેઠકો માટે પુરેપુરી તાકાત અજમાવી દીધી હતી, જ્યોતિરાદિત્ય સિંધિયાની સરખામણીમાં ફોઇ યશોધરા રાજે સિંધિયાને પ્રચારમાં ઉતાર્યા હતા, સીએમે અહીં 45 સભાઓ કરી હતી.

મુંગાવલી બેઠકઃ- 2013માં આ બેઠક પર કોંગ્રેસના મહેન્દ્ર સિંહ કાલુખેડા જીત્યા હતા, સપ્ટેમ્બર 2017માં તેનું નિધન થવાથી આ બેઠક ખાલી પડી હતી, કોંગ્રેસે વૃજેન્દ્ર સિંહ યાદવ અને ભાજપે બાઇ સાહબ યાદવને પોતાના ઉમેદવાર બનાવ્યા હતા.

ભોપાલઃ મધ્યપ્રદેશના અશોકનગર જિલ્લાની મુંગાવલી અને શિવપુરી જિલ્લાન કોલારસ વિધાનસભા બેઠક પર થયેલી પેટાચૂંટણીના પરિણામ માટે મતગણતી શરૂ થઇ ચૂકી છે. પહેલા રાઉન્ડમાં મુંગાવલીમાં ભાજપ અને કોંગ્રેસને મામુલી લીડ મળી છે. આને ડિસેમ્બરમાં યોજાનારી વિધાનસભા ચૂંટણીની સેમિફાઇનલ માનવામાં આવે છે. બન્ને બેઠકો પર 24 ફેબ્રુઆરીએ મતદાન થયું હતું, કોલારસમાં 70.40% અને મુંગાવલીમાં 77.05% મતદાન થયું હતું.

નોંધનીય છે કે, મુંગાવલી અને કોલારસ બેઠક ગુના લોકસભા હેઠળ આવે છે, અહીંથી જ્યોતિરાદિત્ય સિંધિયા સાંસદ છે. બન્ને બેઠક પર કોંગ્રેસના ઉમેદવાર જ્યોતિરાદિત્ય સિંધિયાના નજીકના છે. સિંધિયાએ બન્ને ઉમેદવારો માટે જબરદસ્ત પ્રચાર કરતાં તાબડતોડ 75 રેલીઓ કરી હતી.

કોલારસ બેઠકઃ- કોલારસ કોંગ્રેસની પરંપરાગત બેઠક છે, પાર્ટીના ધારાસભ્ય રામસિંહ યાદવનું નિધન થતા આ બેઠક ખાલી પડી હતી, કોંગ્રેસે રામસિંહના પુત્ર મહેન્દ્ર સિંહને મેદાનમાં ઉતાર્યા, જ્યારે ભાજપે દેવેન્દ્ર કુમારને પોતાના ઉમેદવાર બનાવ્યા છે.