UPમાં ભાજપને ફટકાનાં એંધાણ, લોકસભાની યોગી મૌર્યે ખાલી કરેલી બંને બેઠકો પર ભાજપ પાછળ, જાણો વિગત

ભાજપ માટે આ બંને બેઠકો પ્રતિષ્ઠાની છે. ભાજપ આ બેઠકો હારી જાય તો ઉત્તર પ્રદેશમાં તેનું નાક વઢાઈ જાય એવી હાલત છે.

ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્યે ખાલી કરેલી ફુલપુર બેઠક પર સમાજવાદી પાર્ટીને નગેન્દ્ર પ્રતાપ સિંહ ભાજપના કુશલેન્દ્ર સિંહ કરતાં 8000 કરતાં વધારે મતે આગળ છે.

લખનૌઃ ઉત્તર પ્રદેશમાં લોકસબાની બે બેઠકો માટે યોજાયેલી પેટાચૂંટણીમાં આજે મતગણતરી થઈ રહી છે ત્યારે આ બંને બેઠકો પર બપોરના 11.40 કલાક સુધી થયેલી મતગણતરી ભાજપ માટે ચિંતાજનક છે.

ઉત્તર પ્રદેશમાં ગોરખપુર અને ફુલપુર એ બે બેઠકો પર પેટાચૂંટણી થઈ હતી. છેલ્લી માહિતી પ્રમાણે બંને બેઠોક પર સમાજવાદી પાર્ટીના ઉમેદવાર આગળ છે.

ઉત્તર પ્રદેશના મુખ્યમંત્રી યોગી આદિત્યનાથે ખાલી કરેલી ગોરખપુર બેઠક પર સમાજવાદી પાર્ટીના ઉમેદવાર પ્રવીણ કુમાર નિશાદ ભાજપના ઉમેદવાર ઉપેન્દ્રદત્ત શુકલાથી નજીવી સરસાઈથી આગળ છે.