Beauty Tips: લીમડાના તેલમાં અનેક ઔષધીય ગુણો છે. તેમાં ફેટી એસિડ, એન્ટી-બેક્ટેરિયલ, એન્ટી ફંગલ અને એન્ટીઓક્સીડેન્ટ ગુણ હોય છે. આ સાથે તેમાં વિટામીન E પણ ભરપૂર માત્રામાં હોય છે. આ ફાયદાઓને કારણે લોકો સદીઓથી લીમડાના તેલનો ઉપયોગ કરતા આવ્યા છે.
ઉનાળો આવતા જ દરેકના ચહેરા પર પિમ્પલ્સ દેખાવા લાગે છે, પછી તે છોકરીઓ હોય કે છોકરાઓ. આ સિઝનમાં ચહેરા પર વધુ ધૂળ જમા થાય છે. જેના કારણે પિમ્પલ્સની સમસ્યા અટકતી નથી. ઉનાળાની ઋતુમાં ત્વચાની કાળજી ન રાખવાને કારણે ચહેરા પર પિમ્પલ્સના નિશાન પડી જાય છે. અહીં અમે તમને કેટલીક એવી ટિપ્સ જણાવી રહ્યા છીએ જેની મદદથી તમે ત્વચા પરના પિમ્પલ્સના નિશાન ઘટાડી શકો છો.
લીમડાના તેલનો ઉપયોગ કરો
લીમડાના તેલમાં અનેક ઔષધીય ગુણો છે. તેમાં ફેટી એસિડ, એન્ટી-બેક્ટેરિયલ, એન્ટી ફંગલ અને એન્ટીઓક્સીડેન્ટ ગુણ હોય છે. આ સાથે તેમાં વિટામીન E પણ ભરપૂર માત્રામાં હોય છે. આ ફાયદાઓને કારણે લોકો સદીઓથી લીમડાના તેલનો ઉપયોગ કરતા આવ્યા છે. ત્વચામાંથી પિમ્પલ્સ દૂર કરવાની સાથે તમે શુષ્ક ત્વચા, કરચલીઓ, ત્વચા પર ફોલ્લીઓ, ખંજવાળ અને એલર્જી જેવી સમસ્યાઓથી પણ છુટકારો મેળવી શકો છો. તે તમારી ત્વચામાં કોલેજનનું ઉત્પાદન પણ વધારે છે જે ત્વચાને સ્વસ્થ અને ચમકદાર રાખવા માટે જરૂરી છે. ત્વચાની ઘણી સમસ્યાઓ દૂર કરવા માટે તમે લીમડાના તેલનો ઉપયોગ કરી શકો છો.
લીમડાના તેલનો ઉપયોગ કેવી રીતે કરવો
તેલ લગાવતા પહેલા ચહેરાને સારી રીતે સાફ કરી લો. આ પછી એક બાઉલમાં 2 થી 3 ચમચી લીમડાનું તેલ લો અને તેને કોટન બોલની મદદથી અસરગ્રસ્ત જગ્યા પર લગાવો. હવે તેને સારી રીતે લગાવો અને આખી રાત ચહેરા પર રહેવા દો. સવારે ઉઠ્યા પછી, તમારા ચહેરાને ગરમ પાણીથી ધોઈ લો, તેનાથી પિમ્પલ્સ અને તેના ડાઘ થોડા જ સમયમાં દૂર થઈ જશે. જો લીમડાનું તેલ ઘણું ઘટ્ટ હોય તો તમે તેમાં એલોવેરા જેલ ઉમેરી શકો છો.
વિટામિન ઇ કેપ્સ્યુલ મિક્સ કરી અપ્લાય કરો
આ સિવાય તમે તમારા ચહેરાને લીમડાના તેલથી મસાજ પણ કરી શકો છો. તેનાથી તમારી ત્વચામાં રક્ત પરિભ્રમણ વધશે અને તમારો ચહેરો અંદરથી ચમકી ઉઠશે. જો તમે ઈચ્છો તો લીમડાના તેલને વિટામીન E કેપ્સ્યુલ સાથે મિક્સ કરીને પણ લગાવી શકો છો. આ માટે વિટામિન E કેપ્સ્યૂલમાં અડધી ચમચી લીમડાનું તેલ મિક્સ કરીને ચહેરા પર લગાવો. આને નહાવાના અડધા કલાક પહેલા ચહેરા પર લગાવો. આ પછી, તમારા ચહેરાને વોશ કરી લો. ડાઘ ખીલ બંનેથી રાહત મળશે