Painkillers Side Effects: માથાનો દુખાવો દૂર કરવા માટે જો વધુ પ્રમાણમાં પેઈનકિલરનો ઉપયોગ કરવામાં આવે તો તેનાથી તકલીફો વધી શકે છે. આજે આપણે જાણીશું કે, માથાનો દુખાવો થવા પર તરત જ પેઇનકિલર્સ કેમ ન લેવી જોઈએ. ક્યારેક માથાનો દુખાવો એટલો તીવ્ર હોય છે કે એવું લાગે છે કે જાણે કોઈ હથોડા માથામાં અથડાતા હોય.
સામાન્ય રીતે 30-40 વર્ષની વયની સ્ત્રીઓ આ સમસ્યાથી વધુ પિડાય છે
માથાનો દુખાવો હોય ત્યારે બળતરા થાય છે. માથાના દુખાવાની સમસ્યા પુરૂષો કરતા મહિલાઓમાં વધુ જોવા મળે છે. પરંતુ તમારી માહિતી માટે, અમે તમને જણાવી દઈએ કે 30-40 વર્ષની વયની સ્ત્રીઓ જે માથાનો દુખાવોથી પીડાય છે તેમના માટે પેઇનકિલર્સનું સેવન ખૂબ જ નુકસાનકારક સાબિત થઈ શકે છે.
કેટલાક માથાના દુખાવા એવા હોય છે જે જાતે જ મટી જાય છે પરંતુ કેટલાક માથાના દુખાવા ઘણા ખતરનાક હોય છે. ક્યારેક માથાનો દુખાવો એટલો લાંબો ચાલે છે કે બેથી ત્રણ દિવસ બાદ હળવો થાય છે. કેટલાક અભ્યાસો દર્શાવે છે કે લગભગ 52 ટકા લોકોને દરરોજ માથાનો દુખાવો થાય છે.
પુરૂષો કરતાં સ્ત્રીઓને માથાનો દુખાવો વધુ થાય છે
માથાનો દુખાવો થવાના ઘણા કારણો હોઈ શકે છે. માઈગ્રેન, ગેસ, એસિડિટી, ડિપ્રેશન વગેરે, નેશનલ હેલ્થ સર્વિસ મુજબ, સમગ્ર વિશ્વમાં પાંચમાંથી એક મહિલા અને 15માંથી એક પુરૂષ માથાના દુખાવાથી પીડાય છે. માથાનો દુખાવો અને ખાસ કરીને માઇગ્રેનથી પીડિત દર્દીઓ પેઇનકિલર્સનું સેવન વધુ કરે છે. માથાનો દુખાવો ની સમસ્યા આનુવંશિક પણ હોઈ શકે છે. પરંતુ માથાનો દુખાવો દરમિયાન પેઇનકિલર્સ ન લેવી જોઈએ.
પેઇન કિલર લેવાના નુકસાન
જો માથાના દુખાવામાં આપ વારંવાર પેઇન કિલર લો છો તો તેનાથી એક નહિ અનેક આડઅસર થાય છે.પેટમાં ઇન્ફેકશનની સમસ્યા થઇ શકે છે. વધુ પેઇનકિલરનું સેવન આંતરડાને પણ ડેમેજ કરે છે. અલ્સરનું કારણ પણ પેઇનકિલર બની શકે છે. વધુ પેઇનકિલરનું સેવન કિડનીને પણ ડેમેજ કરી શકે છે.