Black Coffee Side Effects: ઘણા લોકો તેમના દિવસની શરૂઆત કોફીથી કરે છે. કેટલાકને દૂધ સાથે કોફી પીવી ગમે છે તો કેટલાક બ્લેક કોફી પસંદ કરે છે. જ્યારે આપણે કામ દરમિયાન સુસ્તી અનુભવીએ છીએ ત્યારે એક કપ કોફી આપણને આ સમસ્યામાંથી બચાવવામાં ઘણી મદદ કરે છે. તે ન માત્ર આપણો મૂડ સારો રાખે છે. પરંતુ કામ દરમિયાન આવતી ઉંઘને પણ દૂર કરે છે. મોટાભાગના લોકો બ્લેક ટીને ખૂબ જ હેલ્ધી માને છે. તેઓ વિચારે છે કે તેને પીવાથી માત્ર ફાયદો થાય છે. નુકસાન નહીં. જો કે આ બિલકુલ નથી.
એવું માનવામાં આવે છે કે બ્લેક કોફી સ્વાસ્થ્ય માટે ફાયદાકારક છે. પરંતુ તેનું વધુ પડતું સેવન કરવાના ઘણા ગેરફાયદા છે. જેમાંથી તમે કદાચ અજાણ હશો. આરોગ્યપ્રદ વસ્તુઓ પણ જ્યાં સુધી તેનું મર્યાદામાં સેવન કરવામાં આવે ત્યાં સુધી તે સ્વસ્થ રહે છે. કેફીનની હાજરીને કારણે બ્લેક કોફી પણ શરીર માટે હાનિકારક સાબિત થાય છે. ચાલો જાણીએ બ્લેક કોફીની આડ અસર વિશે...
બ્લેક કોફીની આડ અસરો
1. તણાવ અને ચિંતા: મર્યાદિત માત્રામાં બ્લેક કોફી પીવાથી તમને ઘણા ફાયદા થઈ શકે છે. પરંતુ જો તમે તેનું વધુ પડતું સેવન કરો છો તો તેનાથી તણાવ અને ચિંતા થઈ શકે છે. વધુ પડતી બ્લેક કોફી પીવાથી તમારા શરીરમાં વધુ સ્ટ્રેસ હોર્મોન્સ રિલિઝ થાય છે, જે ચિંતા અને તણાવ પેદા કરે છે. જ્યારે તમે વધુ પડતી કેફીનનું સેવન કરો છો ત્યારે ચીડિયાપણું અનુભવવાનું જોખમ વધી જાય છે.
2. ઊંઘમાં ખલેલ: વધુ પડતી કોફી પીવાથી તમારી ઊંઘની પેટર્નમાં ખલેલ પડી શકે છે. જો તમારે રાત્રે સારી ઉંઘ લેવી હોય તો સૂવાના થોડા કલાક પહેલા કોફીનું સેવન બિલકુલ ન કરો.
3. પેટ અપસેટઃ બ્લેક કોફીમાં ભરપૂર માત્રામાં કેફીન અને એસિડ હોય છે. આ જ કારણ છે કે તેનું વધુ સેવન કરવાથી તમારા પેટમાં એસિડિટીની સમસ્યા થઈ શકે છે. તમે પેટમાં ખેંચાણ પણ અનુભવી શકો છો, જે પેટમાં અસ્વસ્થતા દર્શાવે છે.
4. પોષક તત્વોને શોષી શકતા નથી: વધુ કોફી પીવાથી, તમે ખોરાકમાંથી આયર્ન, કેલ્શિયમ અને ઝિંક જેવા ખનિજોને શોષી શકતા નથી, જે શરીર માટે ખૂબ જ મહત્વપૂર્ણ માનવામાં આવે છે. હેલ્થલાઇનના અહેવાલ મુજબ, તંદુરસ્ત લોકોએ દરરોજ માત્ર 400 મિલિગ્રામ કેફીનનું સેવન કરવું જોઈએ, જે લગભગ 4 કપ કોફી (960 એમએલ) જેટલું છે.