High Blood Pressure: આજે, અમે તમને હાઈ બ્લડ પ્રેશર સૂચવતા કેટલાક લક્ષણો વિશે જણાવીશું. જો તમને હાઈ બ્લડ પ્રેશર હોય તો ડાયટમાં થોડો ફેરફાર કરવો જોઇએ, હાઇ બ્લડ પ્રેશરને સાયલન્ટ કિલર કહેવાય છે, કારણ કે, કેટલાક સામાન્ય લક્ષણોને લોકો સમાન્ય રીતે અવગણતા હોય છે પરંતુ તે હાઇ બ્લડ પ્રેશરના સંકેત હોઇ શકે છે.
હાઈ બ્લડ પ્રેશરનું તાત્કાલિક નોર્મલ કરવું ખૂબ જ મહત્વપૂર્ણ છે, નહીં તો તમારે ગંભીર પરિણામોનો સામનો કરવો પડી શકે છે. જો તમને આ સ્થિતિ સાથે સંકળાયેલા લક્ષણોની જાણ હોય તો જ તમે હાઈ બ્લડ પ્રેશરને નિયંત્રિત કરી શકો છો. જો તમને સવારે આ લક્ષણોનો અનુભવ થાય છે, તો સંભવ છે કે તમારું બ્લડ પ્રેશર વધી ગયું છે. જો આ લક્ષણો એકસાથે દેખાય છે, તો તમારે તાત્કાલિક સતર્ક રહેવું જોઈએ અને વિલંબ કર્યા વિના તમારી જાતને તપાસવી જોઈએ.
માથાનો દુખાવો અથવા ચક્કર - જો તમને સવારે ઉઠ્યા પછી માથાનો દુખાવો થાય છે, તો શક્ય છે કે તમારું બ્લડ પ્રેશર વધી ગયું હોય. ચક્કર આવવા અથવા માથાનો દુખાવો જેવા લક્ષણો પણ હાઈ બ્લડ પ્રેશર સૂચવી શકે છે. આરોગ્ય નિષ્ણાતોના મતે, હાઈ બ્લડ પ્રેશર થાક, સુસ્તી અથવા ઉર્જાનો અભાવ પણ પેદા કરી શકે છે.
શ્વાસ લેવામાં તકલીફ - જો તમને શ્વાસ લેવામાં તકલીફ થાય તો તમારે સાવધ રહેવું જોઈએ. હાઈ બ્લડ પ્રેશરના લક્ષણોમાં શ્વાસ લેવામાં તકલીફ અને છાતીમાં દુખાવો શામેલ છે. સવારે ઝાંખી દ્રષ્ટિ પણ હાઈ બ્લડ પ્રેશરની નિશાની હોઈ શકે છે. તમારી માહિતી માટે, હાઈ બ્લડ પ્રેશરથી પીડાતા દર્દીઓને પણ ઝાંખી દ્રષ્ટિનો સામનો કરવો પડી શકે છે.
બ્લડ પ્રેશરને કેવી રીતે નિયંત્રિત કરવું - હાઈ બ્લડ પ્રેશરને નિયંત્રિત કરવા માટે સફરજન અથવા કેળાનું સેવન કરી શકાય છે. પાલક અને બીટરૂટમાં રહેલા પોષક તત્વો પણ હાઈ બ્લડ પ્રેશરને ઘટાડવામાં અસરકારક સાબિત થઈ શકે છે. વધુમાં, તમે દહીંનું સેવન કરીને બ્લડ પ્રેશરને પણ નિયંત્રિત કરી શકો છો. જો તમે હાઈ બ્લડ પ્રેશરથી પીડાતા હોવ, તો તમારે તમારી ડાટમાં મીઠાનું સેવન ઓછું કરી દેવું જોઈએ.