Fatty liver remedies: આજે વિશ્વની ઘણી મોટી વસ્તી હિપેટાઇટિસ, ફેટી લિવર ડિસીઝ અને લિવર સિરોસિસ જેવા લીવરના રોગોથી પીડિત છે. લીવર આપણા શરીરનું એક અતિ મહત્વનું અંગ છે, જે પાચન, ચયાપચય અને શરીરમાંથી ઝેરી તત્વોને દૂર કરવામાં મદદ કરે છે. ફેટી લિવર રોગમાં લીવરમાં ચરબી જમા થવા લાગે છે, જે તેની કાર્યક્ષમતાને અસર કરે છે. જે લોકો વધુ તેલ, ખાંડ અને કેલરીવાળો ખોરાક લે છે તેઓને ફેટી લિવર થવાની શક્યતા વધી જાય છે.
ફેટી લિવરથી બચવા માટે યોગ્ય આહાર ખૂબ જ જરૂરી છે. કેટલાક શાકભાજીના રસ ફેટી લિવરને નિયંત્રિત કરવામાં ખૂબ મદદરૂપ સાબિત થઈ શકે છે. અહીં આવા જ કેટલાક રસ અને તેના ફાયદાઓ વિશે માહિતી આપવામાં આવી છે:
પાલકનો રસ: પાલકનો રસ લીવરમાં જમા થયેલી ચરબીને ઘટાડે છે અને લીવરની કાર્યક્ષમતામાં સુધારો કરે છે. તે લીવરના કોષો સુધી પહોંચીને શરીરમાંથી ચરબી અને ઝેરી તત્વોને દૂર કરે છે. પાલકનો રસ લીવર માટે ડિટોક્સિફાઇંગ એજન્ટ તરીકે કામ કરે છે. તે પેટ માટે પણ ફાયદાકારક છે અને કબજિયાત તથા આંતરડાની સમસ્યાઓમાં રાહત આપે છે.
લીંબુનો રસ: લીંબુનો રસ લીવરને ડિટોક્સ કરવા અને તેની કાર્યક્ષમતા વધારવા માટે ઉત્તમ છે. તેમાં એન્ટીઓક્સીડેન્ટ અને વિટામિન સી ભરપૂર માત્રામાં હોય છે, જે લીવરના સ્વાસ્થ્ય માટે ખૂબ જરૂરી છે. લીંબુનો રસ પાચન સુધારવામાં અને બળતરા ઘટાડવામાં પણ મદદ કરે છે.
ગાજરનો રસ: ગાજરમાં બીટા કેરોટીન હોય છે, જે શરીરમાં વિટામિન એમાં રૂપાંતરિત થાય છે. વિટામિન એ લીવરને નુકસાનથી બચાવવામાં મદદ કરે છે, જે લીવરના સ્વાસ્થ્ય માટે ખૂબ મહત્વનું છે. ગાજરનો રસ પાચન અને ડિટોક્સિફિકેશનમાં પણ મદદરૂપ છે.
બીટનો રસ: બીટરૂટનો રસ લીવરને ડિટોક્સ કરવાની શ્રેષ્ઠ રીતોમાંનો એક છે. તેમાં એન્ટીઓક્સીડેન્ટ્સ ભરપૂર માત્રામાં હોય છે અને તે લોહીને શુદ્ધ કરવામાં મદદ કરે છે, સાથે જ શરીરમાંથી ઝેરી તત્વોને પણ દૂર કરે છે. લીવરના સારા સ્વાસ્થ્ય માટે બીટરૂટનો રસ નિયમિત પીવો જોઈએ.
પીવાની રીત અને સમય
આ રસને સવારે ખાલી પેટ અથવા ભોજન પહેલાં પીવાથી વધુ ફાયદો થાય છે. તમે આ રસને એકલા અથવા અન્ય ફળો અને શાકભાજી સાથે મિક્સ કરીને પણ પી શકો છો.
Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.