Natural Painkiller For Headache: શું આપ પણ માથાના દુઃખાવાથી પરેશાન છો તો અમે તમને કેટલાક હર્બલ ઓઈલ વિશે જણાવી રહ્યા છીએ. જેનાથી મસાજ કરવાથી દુખાવામાં તરત જ રાહત રહે છે.
માથાનો દુખાવો એ ખૂબ જ સામાન્ય સમસ્યા છે, જેના કારણે લોકો ઘણીવાર પરેશાન રહે છે. આ દુખાવો તણાવ, ટેન્શન, ઓછી ઊંઘના કારણે થાય છે. ક્યારેક દુખાવો એટલો વધી જાય છે કે કામકાજ અને દિનચર્યા પ્રભાવિત થવા લાગે છે. આવી સ્થિતિમાં, દવા લેતા પહેલા, તમારે કેટલાક હર્બલ તેલનો ઉપયોગ કરવો જોઈએ. આ એક પ્રકારની પ્રાકૃતિક પેઈનકિલર છે, જેના કારણે તમને કોઈ આડઅસર થતી નથી અને તમારા માથાના દુઃખાવાથી પણ રાહત મળે છે. ચાલો જાણીએ નેચરલ ઓઇલ વિશે.
આ હર્બલ તેલ માથાનો દુખાવો દૂર કરી શકે છે
ફુદીનાનું તેલ- માથાના દુઃખાવાથી છુટકારો મેળવવા માટે તમે ફુદીનાનું તેલ લગાવીને માથામાં માલિશ કરી શકો છો. ફુદીનામાં મેન્થોલ હોય છે જે સ્નાયુઓને આરામ આપે છે. તે ચેતાને ઉત્તેજિત કરીને પીડાને સુન્ન કરે છે. આ સાથે, તેની ખાસ વાત એ છે કે, તે સ્ટ્રેસ લેવલને પણ ધટાડે છે અને તમે તણાવ ફ્રી રહી શકો છો. આપ નર્વસ સિસ્ટમને શાંત કરીને માથાનો દુખાવો દૂર કરી શકો છો. તમને જણાવી દઈએ કે ફુદીનામાં લગભગ 44% મેન્થોલ હોય છે, જેના કારણે તે માઈગ્રેનનો દુખાવો પણ ઓછો કરી શકે છે. જો તમે પણ માથાના દુઃખાવાથી પરેશાન છો તો તમે ફુદીનાનું તેલ, ફુદીનાની ચા પી શકો છો. તેનાથી તમને ઘણી રાહત મળી શકે છે.
કેમોમાઈલ તેલ- થાક, ચિંતાથી માથાનો દુખાવો થાય છે. આ કિસ્સામાં, તમે કેમોલી તેલથી મસાજ કરી શકો છો. તેનાથી માથાનો દુખાવો ઓછો થઈ શકે છે. તે ચિંતા, અને અનિદ્રાના લક્ષણોને ઘટાડવામાં પણ મદદરૂપ છે. તે તમારા મનને આરામ આપે છે. જેના કારણે તમને ઊંઘ આવે છે અને તેનાથી માથાનો દુખાવો મટે છે. જો કે ગર્ભવતી મહિલાઓએ આ તેલનો ઉપયોગ ન કરવો જોઈએ.
લવંડર ઓઈલ- માથાના દુખાવામાં તમે લવંડર ઓઈલથી માલિશ પણ કરી શકો છો. તે તણાવ, ચિંતાના લક્ષણોને ઘટાડવામાં મદદ કરી શકે છે. આનાથી માઈગ્રેનના દુખાવામાં પણ રાહત મળે છે. તમને જણાવી દઈએ કે, લવંડર તેલમાં સોજા વિરોધી વિરોધી ગુણો છે.ય મગજના જ્ઞાનતંતુઓને શાંત કરે છે અને મૂડને પણ સુધારે છે. આ રીતે તે માથાનો દુખાવો ઓછો કરવામાં મદદરૂપ બને છે.
રોઝમેરી ઓઈલ- માથાના દુખાવામાં તમે રોઝમેરી ઓઈલથી માલિશ પણ કરી શકો છો. તેમાં હાજર એન્ટિ-ઇન્ફ્લેમેટરી અને એનાલજેસિક ગુણો તણાવ ઓછો કરીને દર્દમાં રાહત આપે છે. તે અનિદ્રાની સમસ્યા પણ ઘટાડે છે અને સ્નાયુઓને આરામ કરવામાં પણ મદદ કરે છે અને દુખાવો ઓછો થાય છે, જો તમને માથાનો દુખાવો કરતાં વધુ તકલીફ થઈ રહી હોય, તો તમારે તાત્કાલિક ડૉક્ટરની સલાહ લેવી જોઈએ.