Valentines Day 2024: વેલેન્ટાઇન ડેની ક્યારે થઇ હતી શરૂઆત, શું છે ઇતિહાસ, જાણો પ્રથમ વખત કેવી રીતે મનાવવામાં આવ્યો
દર વર્ષે 14 ફેબ્રુઆરીએ યુગલો આ દિવસને ખૂબ જ હર્ષઉલ્લાસ સાથે ઉજવે છે. પરંતુ શું તમે જાણો છો કે વેલેન્ટાઈન ડે માત્ર 14 ફેબ્રુઆરીએ જ કેમ ઉજવવામાં આવે છે અને આ દિવસ પહેલીવાર ક્યારે ઉજવવામાં આવ્યો હતો.
ફેબ્રુઆરી મહિનો પ્રેમનો મહિનો કહેવાય છે. આ મહિનામાં વેલેન્ટાઈન ડે ઉજવવામાં આવે છે. યુગલો આ દિવસની આતુરતાથી રાહ જોતા હોય છે. આ દિવસે યુગલો પ્રેમનો એકરાર કરે છે. વેલેન્ટાઈન ડે એ વેલેન્ટાઈન વીકનો છેલ્લો દિવસ છે. દર વર્ષે 14 ફેબ્રુઆરીએ યુગલો આ દિવસને ખૂબ જ ધામધૂમથી ઉજવે છે. પરંતુ શું તમે જાણો છો કે, વેલેન્ટાઈન ડે માત્ર 14 ફેબ્રુઆરીએ જ કેમ ઉજવવામાં આવે છે. આજે અમે તમને જણાવીશું કે, 14 ફેબ્રુઆરીએ વેલેન્ટાઈન ડે કેમ ઉજવવામાં આવે છે અને તેનો ઈતિહાસ શું છે?
વેલેન્ટાઈન ડેની ઉજવણીની વાર્તા રોમના સંત વેલેન્ટાઈન સાથે સંબંધિત છે. એવું કહેવાય છે કે, રોમન રાજા ક્લાઉડિયસે પ્રેમ સામે સખત અવાજ ઉઠાવ્યો હતો. કારણ કે તેમનું માનવું હતું કે પ્રેમ અને લગ્ન પુરુષોની બુદ્ધિ અને શક્તિને અસર કરે છે. તેથી જ તેણે સૈનિકોને લગ્ન કરવાની મંજૂરી આપવાની પણ ના પાડી દીધી. સંત વેલેન્ટાઇને પ્રેમને પ્રોત્સાહન આપ્યું. તેના માટે પ્રેમ જ જીવન હતું, તે રાજાની વિરુદ્ધ ગયો અને ઘણા લોકોના લગ્ન કરાવ્યાં
મૃત્યુદંડ આપવામાં આવી હતી
સંત વેલેન્ટાઈન રાજાની વિરુદ્ધ ગયા અને ઘણા સૈનિકોના લગ્ન કરાવ્યા અને તેમની માન્યતા ખોટી સાબિત કરી. જેના કારણે રોમના રાજાએ તેને મોતની સજા સંભળાવી. રાજાના નિર્ણય બાદ 14 ફેબ્રુઆરીએ સંત વેલેન્ટાઈનને ફાંસી આપવામાં આવી અને તે દિવસથી વેલેન્ટાઈન ડે મનાવવામાં આવ્યો.
આ દિવસે પ્રથમ વેલેન્ટાઈન ડે ઉજવવામાં આવ્યો હતો
વેલેન્ટાઈન ડે સૌ પ્રથમ 496 માં સમગ્ર વિશ્વમાં ઉજવવામાં આવ્યો હતો. ત્યારબાદ, પાંચમી સદીમાં, રોમના પોપ ગેલેસિયસે જાહેર કર્યું કે 14 ફેબ્રુઆરીએ વેલેન્ટાઇન ડે ઉજવવામાં આવશે. આ જાહેરાત બાદથી, દર વર્ષે 14 ફેબ્રુઆરીએ સમગ્ર વિશ્વમાં વેલેન્ટાઇન ડે ઉજવવામાં આવે છે.