Fruits for Pregnant Women: ગર્ભાવસ્થા દરમિયાન દરેક મહિલાએ પોતાના સ્વાસ્થ્યનું ખાસ ધ્યાન રાખવું જોઈએ. કારણ કે એક નાની ભૂલ પણ માતા અને બાળકને નુકસાન પહોંચાડી શકે છે. દરેક સ્ત્રીને એ વાતની જાણ હોવી જોઈએ કે તેણે ગર્ભાવસ્થા દરમિયાન શું ખાવું જોઈએ અને શું ન ખાવું જોઈએ. મોટાભાગની સગર્ભા સ્ત્રીઓ સ્વસ્થ રહેવા માટે ફળ ખાવાનું પસંદ કરે છે. પરંતુ શું તમે જાણો છો કે કેટલાક એવા ફળ છે જેને તમારે ગર્ભાવસ્થા દરમિયાન ખાવાનું હંમેશા ટાળવું જોઈએ. કારણ કે તેઓ તમારા આ મહત્વપૂર્ણ સમયને મુશ્કેલ બનાવી શકે છે.
પ્રેગ્નેન્ટ મહિલાઓએ આટલી બાબતોનું રાખવું ધ્યાન
એમાં કોઈ શંકા નથી કે ફળોના સેવનથી શરીરમાં ઘણા જરૂરી પોષક તત્વોની ઉણપને સરળતાથી દૂર કરી શકાય છે અને તેને ખાવાથી સારું સ્વાસ્થ્ય પણ પ્રાપ્ત કરી શકાય છે. પરંતુ તમારે જાણવું જ જોઈએ કે કયા ફળ કયા સમયે અને કયા સમયગાળા દરમિયાન ન ખાવા જોઈએ. આજે અમે એવા બે ફળો વિશે જણાવવા જઈ રહ્યા છીએ, જે દરેક ગર્ભવતી મહિલાએ ખાવાનું ટાળવું જોઈએ. કારણ કે આ ફળો તમારા ગર્ભાવસ્થાના સમયગાળાને મુશ્કેલ બનાવવાનું કામ કરી શકે છે.
ગર્ભાવસ્થા દરમિયાન કયા ફળ ન ખાવા જોઈએ?
પપૈયાની વાત કરીએ તો તમે ઘણી વાર સાંભળ્યું હશે કે ગર્ભવતી મહિલાઓએ આ ફળનું સેવન ન કરવું જોઈએ. ભલે પપૈયુ ઘણા જરૂરી પોષક તત્વોથી ભરપૂર હોય છે. પરંતુ ગર્ભાવસ્થા દરમિયાન આ ફળ ખાવાથી શરીરમાં ગરમી વધી શકે છે. શરીરનું તાપમાન વધી શકે છે અને બાળકના સ્વાસ્થ્યને અસર થઈ શકે છે. પપૈયામાં લેટેક્સ પણ જોવા મળે છે, જે ગર્ભાશયના સંકોચન અને રક્તસ્રાવની સમસ્યાનું કારણ બની શકે છે. આટલું જ નહીં તેનાથી કસુવાવડ પણ થઈ શકે છે. આ જ કારણ છે કે ગર્ભાવસ્થા દરમિયાન દરેક મહિલાએ પપૈયું ખાવાનું ટાળવું જોઈએ, પછી ભલે તે કાચું હોય કે પાકું.
પ્રેગ્નેન્ટ મહિલાએ ના ખાવું જોઈએ અનાનસ
ગર્ભાવસ્થા દરમિયાન મહિલાઓએ પણ અનાનસ ખાવાનું ટાળવું જોઈએ. કારણ કે તેને ખાવાથી ઘણી સમસ્યાઓ થઈ શકે છે. અનાનસમાં બ્રોમેલેન નામનું એન્ઝાઇમ હોય છે, જે પ્રોટીનને તોડી શકે છે અને સર્વિક્સને વધુ નરમ બનાવી શકે છે, જે અકાળે ડિલિવરી તરફ દોરી શકે છે. આ જ કારણ છે કે ગર્ભાવસ્થા દરમિયાન મહિલાઓએ પાઈનેપલ ખાવાનું ટાળવું જોઈએ.
Disclaimer: અહીં, આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે abp અસ્મિતા કોઈપણ પ્રકારની માન્યતા, માહિતીને સમર્થન આપતું નથી. કોઈપણ માહિતી અથવા ધારણા લાગુ કરતાં પહેલાં સંબંધિત નિષ્ણાતની સલાહ લો