women health :લગભગ દરેક કપલ લગ્નના થોડા વર્ષોમાં જ બાળકનું પ્લાનિંગ કરવાનું શરૂ કરી દે છે, પરંતુ ઘણી વખત પ્લાનિંગ શરૂ કર્યા પછી પણ મહિલાઓને ગર્ભધારણ કરવામાં મુશ્કેલીનો સામનો કરવો પડે છે. તેની પાછળ જીવનશૈલી સંબંધિત ઘણા કારણો હોઈ શકે છે. ખાવાની ખોટી આદતો ગર્ભધારણની તમારી યોજનાઓને બગાડી શકે છે. તેથી, જો તમે ગર્ભધારણ કરવા માંગો છો, તો સૌ પ્રથમ તમારા આહારમાં ફેરફાર કરો. આ લેખમાં, અમે તમને કેટલીક એવી વસ્તુઓ ખાવાનું ટાળવાની સલાહ આપવા જઈ રહ્યા છીએ, જેના કારણે તમને ગર્ભધારણ કરવામાં મુશ્કેલી થઈ શકે છે. ચાલો જાણીએ કે ગર્ભ ધારણ કરવા માટે શું ન ખાવું જોઈએ?

પ્રોસેસ્ડ અને જંક ફૂડથી દૂર રહો

જો તમે બેબી પ્લાનિંગની તૈયારી શરૂ કરી દીધી હોય, તો સૌથી પહેલા પ્રોસેસ્ડ ફૂડ અને જંક ફૂડથી દૂર રહો. જો તમે દરરોજ પીઝા, બર્ગર, પેકેટ સ્નેક્સ, ફ્રેન્ચ ફ્રાઈસ જેવા ખોરાકનું સેવન કરો છો, તો આનાથી તમારા શરીરમાં ટ્રાન્સ ફેટ અને વધારાનું મીઠું પ્રવેશે છે, જે ઓવ્યુલેશનને અસર કરી શકે છે અને હોર્મોનલ સંતુલનને ખલેલ પહોંચાડે છે. આનાથી ગર્ભધારણમાં સમસ્યા થઈ શકે છે.

સોફ્ટ ડ્રિંક્સ અને કેફીન

જો તમે ગર્ભ ધારણ કરવાની યોજના બનાવી રહ્યા છો, તો સૌ પ્રથમ સોફ્ટ ડ્રિંક્સ અને કેફીનયુક્ત પીણાંનું સેવન ન કરો. આ પ્રજનન ક્ષમતાને અસર કરી શકે છે. આ સિવાય, કેફીન ગર્ભાશયના રક્ત પ્રવાહને ઘટાડી શકે છે, જે મહિલાઓને ગર્ભધારણ કરવામાં સમસ્યા ઊભી કરી શકે છે.

સિગારેટ અન્ય વ્યસનથી દૂર રહો

આલ્કોહોલ અને સિગારેટ બંને માત્ર મહિલાઓની ગર્ભધારણ કરવાની ક્ષમતાને જ અસર કરતા નથી, પરંતુ પુરુષોની પ્રજનન ક્ષમતાને પણ ઘટાડે છે. આ ઇંડાની ગુણવત્તા અને શુક્રાણુઓની સંખ્યા બંનેને અસર કરે છે. તેથી આવી વસ્તુઓથી દૂર રહો

રેડ મીટ અને સેચુરેટેડ ફેટ

વધુ પડતું ઓઇલી ફૂડ અને ભારે નોન-વેજ ખાવાથી શરીરમાં સોજો  વધી શકે છે, જેનાથી ઓવ્યુલેશન અને હોર્મોનલ પ્રોબ્લેમ વધે છે. તેથી બેબીપ્લાનિંગના પિરિયડ્સ  દરમિયાન ખાસ કરીને જંકફૂડ ફાસ્ટ ફૂડ સાથે  આવું ફૂડ લેવાનું પણ ટાળવું.

ગર્ભ ધારણ કરવા માટે આહાર શું હોવો જોઈએ?

  • જો તમે બેબી પ્લાનિંગ કરી રહ્યાં છો તો પછી તમારી ડાયટ પર મહત્તમ ધ્યાન આપો.
  • સૌ પ્રથમ, તમારા આહારમાં વધુ પ્રોટીનયુક્ત ફૂડનો સમાવેશ કરો.
  • કેલ્શિયમ અને ફોલિક એસિડનું નિયમિત સેવન કરો.
  • લીલા પાંદડાવાળા શાકભાજી ખાઓ.
  • બને તેટલા ફળોનું સેવન કરો.
  • પૂરતી ઊંઘ લો અને પૂરતા પ્રમાણમાં પાણી પીવો.

Disclaimer: અહીં આપેલી માહિતી માત્ર ધારણાઓ અને માહિતી પર આધારિત છે. અત્રે એ ઉલ્લેખ કરવો જરૂરી છે કે, abp અસ્મિતા  કોઈપણ પ્રકારની ઓળખ, માહિતીની પુષ્ટિ કરતું નથી. કોઈપણ માહિતી અથવા માન્યતાને અમલમાં મૂકતા પહેલા, સંબંધિત નિષ્ણાતની સલાહ લો