અમદાવાદઃ શહેરના કૃષ્ણનગરમાં વેપારીને કૂર્તિ બતાવવાના બહાને યુવતીએ ઘરે મળવા બોલાવી હનીટ્રેપમાં ફસાવવાનો પ્રયાસ કર્યો હોવાની ઘટના સામે આવતાં ભારે ચકચાર મચી ગઈ છે. જોકે, વેપારીએ કૃષ્ણનગર પોલીસને જાણ કરતાં હાલ બે આરોપીઓને પકડી લેવામાં આવી છે. જ્યારે યુવતી ફરાર છે.
આ અંગેની વિગતો એવી છે કે, કૃષ્ણનગર પોલીસ સ્ટેશનમાં વેપારીએ 19મીએ નોંધાવેલી ફરિયાદ પ્રમાણે, થોડા દિવસ પહેલા એક યુવતીનો વેપારીને મિસ્ડકોલ આવ્યો હતો. આથી વેપારીએ ફોન કરતાં યુવતીએ કહ્યું, તેને સુરતમાં કુર્તિનો વ્યવસાય શરૂ કરવો છે. આથી કુર્તી બતાવવા આવવાનું કહ્યું હતું. જોકે, વેપારીએ સમય ન હોવાનું જણાવ્યું અને પછી આવવા કહ્યું હતું. પરંતુ યુવતીએ વારંવાર ફોન કરતા તેઓ કૂર્તી બતાવવા ગયા હતા. અહીં વેપારીને યુવતી ફ્લેટમાં લઈ ગયા અને દરવાજો બંધ કર્યો હતો.
વેપારી ઘરમાં ગયાના થોડીવારમાં જ એક વ્યક્તિ આવી પહોંચ્યો હતો અને વેપારી સાથે ધોલ-ધપાટ કરી હતી. થોડીવારમાં અન્ય વ્યક્તિ પણ આવી પહોંચ્યો હતો અને તેણે અમદાવાદ ક્રાઇમ બ્રાન્ચમાં હોવાનું જણાવ્યું હતું. વેપારીને માર મારી 10 લાખની માંગ કરી હતી. મિત્રો ક્રાઈમ બ્રાન્ચમાં છે તેમ કહી બે શખ્સોને બોલાવ્યા હતા. વેપારી 4 લાખ આપવાનું કહીને દુકાને ગયા. જોકે, વેપારીએ પૈસાની સગવડ કરું તેમ કહી કૃષ્ણનગર પોલીસનો સંપર્ક કર્યો હતો. પોલીસે બે આરોપીઓની ધરપકડ કરી વધુ તપાસ હાથ ધરી છે.
Mehsana : કોલેજિયન યુવતીને કેફી પીણું પીવડાવી બંધ મકાનમાં માણ્યું શરીરસુખ ને પછી.....
મહેસાણાઃ ઘરેથી કોલેજ જવા નીકળેલ યુવતીનું અપહરણ કરીને કેફી પીણું પીવડાવી પરાણે શારીરિક સંબંધ બાંધ્યા હોવાની ઘટના સામે આવતાં ખળભળાટ મચી ગયો છે. નંદાસણ પુલ નીચે ઉભેલ યુવતીને કારમાં આવેલ ચાર યુવાન અપહરણ કરીને લઈ ગયા હતા. એટલું જ નહીં, યુવતીને કેફી પીણું પીવડાવી તેની સાથે પરાણે શારીરિક સંબંધ બાંધ્યા હતા.
પાલાવાસણા નજીક બંધ મકાનમાં યુવતી સાથે દુષ્કર્મ કરી તેને રોડ પર મૂકી યુવાનો ફરાર થઈ ગયા હતા. 108 દ્વારા સિવિલ હોસ્પિટલમાં પહોંચ્યા બાદ યુવતીએ સમગ્ર ઘટનાક્રમ પોલીસને જણાવ્યો હતો. સમગ્ર મામલે પોલીસે ચાર યુવકો સામે ગુનો નોંધી તપાસ શરૂ કરી છે. યુવતી ઘરે કડીમાં કોલેજ ખાતે જવાનું કહીને મંગળવારે સવારે 10-30 વાગ્યે નીકળી હતી.
બલોલ રોડ પરના નંદાસણના બ્રિજ નીચે ઉભી હતી તે દરમિયાન 4 યુવકો સફેદ કલરની કાર લઈને આવ્યા હતા. કારમાં યુવતીને બેસાડ્યા બાદ કેફી પીણું પીવડાવતા તેણી બેભાન થઈ હતી. આ પછી યુવકો બંધ મકાનમાં લઈ જઈ યુવતી ઉપર 4 પૈકી એક યુવકે બળાત્કાર કર્યો હતો. ત્યારબાદ યુવતીને મહેસાણાના બાયપાસ રોડ ઉપર કરશનપુરાના પાટીયા નજીક ઉતારીને ભાગી ગયા હતા. પોલીસે યુવતીના નિવેદનના આધારે બળાત્કારી યુવક અને 3 અજાણ્યા યુવકો સામે ગુનો નોંધ્યો છે. મહેસાણા સિવિલમાં યુવતીનું મેડીકલ કરાવીને દુષ્કર્મના સ્થળની ઓળખ માટે કાર્યવાહી શરૂ કરી છે.