Ahmedabad Plane Crash Live Updates: એર ઈન્ડિયાના ક્રેશ થયેલા વિમાનનું બ્લેક બોક્સ અને વોઇસ રેકોર્ડર મળ્યું, સામે આવશે દુર્ઘટનાનું કારણ

તેઓ ઘટનાસ્થળે જઈને ત્યાંની પરિસ્થિતિનો તાગ મેળવશે અને અકસ્માતમાં ઘાયલ થયેલા લોકોની પણ મુલાકાત કરશે.

બ્રેકગ્રાઉન્ડ

Air India Plane Crash: અમદાવાદથી લંડન જતી એર ઇન્ડિયાની ફ્લાઇટ ગુરુવારે (12 જૂન, 2025) બપોરે ક્રેશ થઈ ગઈ હતી. વિમાનમાં સવાર 241 મુસાફરો અને ક્રૂ મેમ્બર્સના પણ મોત થયા છે. અકસ્માત બાદ વિમાન નજીકની મેડિકલ કોલેજના મેસ પર પડ્યું હતું જેમાં મેડિકલના ચાર વિદ્યાર્થી સહિત 7ના મોત થયા હતા. દુર્ઘટનાગ્રસ્ત થયેલા વિમાનનો મોટો હિસ્સો અતુલ્ય હોસ્ટેલની મેસ પર પડ્યો હતો.અમદાવાદમાં થયેલી એર ઇન્ડિયાના વિમાન દુર્ઘટના બાદ વડાપ્રધાન નરેન્દ્ર મોદી આજે શુક્રવારે સવારે અમદાવાદની મુલાકાત લેશે. તેઓ ઘટનાસ્થળે જઈને ત્યાંની પરિસ્થિતિનો તાગ મેળવશે અને અકસ્માતમાં ઘાયલ થયેલા લોકોની પણ મુલાકાત કરશે.  વડાપ્રધાન મોદીએ એક્સ પર લખ્યું હતું કે, "અમદાવાદમાં બનેલી દુર્ઘટનાએ આપણને આઘાત અને દુઃખ પહોંચાડ્યું છે. આ એક હૃદયદ્રાવક ઘટના છે જે શબ્દોમાં કહી શકાય નહીં. આ દુઃખદ ક્ષણમાં, મારી સંવેદનાઓ તેનાથી પ્રભાવિત તમામ લોકો સાથે છે. હું મંત્રીઓ અને અધિકારીઓના સંપર્કમાં છું જે અસરગ્રસ્ત લોકોને મદદ કરવા માટે કામ કરી રહ્યા છે.વિમાન દુર્ઘટનામાં એક સિવાય મોટાભાગના યાત્રી અને ક્રુ મેમ્બરના મોત થયા હતા. વિમાન દુર્ઘટનાના કારણે સિવિલ હોસ્પિટલની મેસમાં મોટી જાનહાનિ થઇ હતી. અતુલ્ય હોસ્ટેલની મેસમાં મેડિકલના ચાર વિદ્યાર્થી અને તબીબના પત્ની સહિત 7ના મોત થયા હતા. અતુલ્ય હોસ્ટેલમાં વિમાનનો કાટમાળ હટાવતા 25થી વધુ ઈજાગ્રસ્ત થયા હતા. ઈજાગ્રસ્ત હોસ્ટેલના પાંચ વિદ્યાર્થીઓને કેડી અને ઝાયડસ હોસ્પિટલ ખસેડાયા હતા. ટેક ઓફની એક જ મીનિટમાં એન્જિન બ્લોક થતા બ્લાસ્ટ થયાની શક્યતા છે. બોઈંગ 787 ડ્રીમ લાઈનરના બ્લેક બોક્સની શોધખોળ શરૂ કરાઇ હતી. હજુ સુધી વિમાનના બ્લેક બોક્સ મળી આવ્યું નથી.ડીએનએથી થશે ઓળખદુર્ઘટનામાં ભોગ બનેલા લોકોના પરિવારજનોના DNAના સેમ્પલ લેવાયા હતા. દુર્ઘટનામાં ભોગ બનેલા યાત્રી સહિતના લોકોના મૃતદેહને ઓળખવા મુશ્કેલ હોવાથી ડીએનએ ટેસ્ટ કરાઇ રહ્યા છે. DNA ટેસ્ટના રિપોર્ટ બાદ પરિવારજનોને મૃતદેહ સોંપાશે. વિમાન દુર્ઘટનામાં સુરત અને સંઘ પ્રદેશ દીવ દમણના 24 લોકોએ જીવ ગુમાવ્યા હતા. દુર્ઘટનામાં વિસનગરના પાંચ વ્યકિતએ જીવ ગુમાવ્યો છે. તે સિવાય પાલનપુર અને ધાનેરાના થાવર દંપતિનું મોત થયું છે. દુર્ઘટનામાં કચ્છ, સૌરાષ્ટ્રના 28 મુસાફરોના પણ મોત થયા હતા. દીવના 15 મુસાફરમાંથી એક મુસાફરનો ચમત્કારિક બચાવ થયો હતો.પ્લેન ટકરાતા 45થી વધુ લોકો ઈજાગ્રસ્ત થયા હતા. મોડીરાત્રે સાડા દસ વાગ્યે કાટમાળમાંથી એકનો મૃતદેહ મળ્યો હતો. ક્રેશ થયેલા વિમાનના એન્જિનમાં છ મહિનામાં બે વાર ખામી સર્જાયાના અહેવાલ છે. મૃતકોના પરિવારને એક કરોડ રૂપિયાના વળતરની એર ઈન્ડિયાએ જાહેરાત કરી હતી.

13/06/2025 14:58:39

વડાપ્રધાન મોદીએ વિજયભાઈ રૂપાણીના પરિવારજનોને મળી સાંત્વના પાઠવી

13/06/2025 14:09:52

Ahmedabad Plane Crash Live: ATS પ્લેન ક્રેશ કેસની તપાસ કરશે

અમદાવાદ એર ઈન્ડિયા પ્લેન ક્રેશ કેસની તપાસ એન્ટી ટેરરિસ્ટ સ્ક્વોર્ડ (ATS) કરશે. આ કેસમાં ક્રેશ સ્થળ પરથી એક DVR મળી આવ્યું છે, જેને ATS દ્ધારા કબજે કરવામાં આવ્યું છે. ગુજરાત ATS ટીમ આ કેસમાં સમાંતર તપાસ કરી રહી છે.  ફોરેન્સિક ટીમે ક્રેશ સ્થળ પરથી નમૂનાઓ એકત્રિત કર્યા છે, જેને તપાસ માટે મોકલવામાં આવશે.

13/06/2025 13:46:02

દિવંગત વિજય રૂપાણીની અંતિમ વિધીનો નિર્ણય પુત્રના આવ્યા બાદ લેવાશે

અમદાવાદમાં થયેલા વિમાન દુર્ઘટનામાં 241 મુસાફરોના મોત થયા હતા. આ પ્લેન ક્રેશમાં રાજ્યના પૂર્વ મુખ્યમંત્રી વિજયભાઈ રુપાણીનું પણ નિધન થયું છે.  દિવંગત વિજય રૂપાણીની અંતિમ વિધીનો નિર્ણય પુત્રના આવ્યા બાદ લેવાશે. પુત્ર ઋષભ અમેરિકાથી વતન પરત આવવા માટે રવાના થઈ ગયા છે. અંતિમ વિધી રાજકોટ કરવી કે ગાંધીનગર તે અંગે પુત્ર ઋષભ આવ્યા બાદ નિર્ણય કરાશે. 

ગુજરાતના ભૂતપૂર્વ મુખ્યમંત્રી અને ભાજપના નેતા વિજય રૂપાણીના પાડોશી કહે છે, "...મને હજુ પણ એવું લાગે છે કે જાણે તેઓ આપણી સાથે છે.  તેમની યાદો હંમેશા આપણી સાથે રહેશે.

13/06/2025 13:21:46

Ahmedabad Plane Crash Live: પીએમ મોદી દિલ્હી જવા રવાના થયા

અમદાવાદમાં વિમાન દુર્ઘટના સ્થળનું નિરીક્ષણ, ઘાયલોને મળ્યા અને વિજય રૂપાણીના પરિવારને મળ્યા બાદ પ્રધાનમંત્રી નરેન્દ્ર મોદી હવે દિલ્હી જવા રવાના થયા છે. આ પહેલા પીએમ મોદીએ અમદાવાદ એરપોર્ટ પર મુખ્યમંત્રી, મંત્રીમંડળ અને અધિકારીઓ સાથે બેઠક યોજી હતી.

13/06/2025 12:15:21

Ahmedabad Plane Crash Live: ફ્લાઇટનું એક બ્લેક બોક્સ મળ્યું

અમદાવાદમાં ક્રેશ થયેલા બોઇંગ 787 ડ્રીમલાઇનરનું એક બ્લેક બોક્સ મળી આવ્યું છે. બીજા બ્લેક બોક્સની શોધ ચાલુ છે. આ બ્લેક બોક્સથી ખબર પડશે કે ટેકઓફ પછી તરત જ આટલો મોટો અકસ્માત કેવી રીતે થયો.

13/06/2025 12:15:03

Ahmedabad Plane Crash Live: એર ઇન્ડિયા ફ્લાઇટ ડેટા રેકોર્ડર મળ્યું

અમદાવાદમાં ક્રેશ થયેલી ફ્લાઇટનુ ડેટા રેકોર્ડર અને કોકપીટ વોઇસ રેકોર્ડર બંને મળી ગયા છે. ટૂંક સમયમાં એર ઇન્ડિયા પ્લેન ક્રેશનું કારણ પણ બહાર આવશે.

13/06/2025 11:32:41

PM મોદીએ અંજલિબેન રૂપાણી સાથે કરી મુલાકાત

ગુજસેલ ખાતે PM મોદીએ અંજલિબેન રૂપાણી સાથે મુલાકાત કરી હતી. અંજલિબેન રૂપાણીને મળી PM મોદીએ સાંત્વના પાઠવી હતી. PM મોદીએ ગુજસેલ ખાતે ઉચ્ચ અધિકારીઓ સાથે સમીક્ષા બેઠક કરી હતી. મુખ્યમંત્રી, ગૃહરાજ્યમંત્રી, આરોગ્યમંત્રી સાથે બેઠક કરી હતી. બેઠકમા સિવિલ હોસ્પિટલના તબીબો અને આરોગ્ય અધિકારીઓ હાજર રહ્યા હતા. 

13/06/2025 11:30:39

વિજય રૂપાણીના પત્ની સાથે વડાપ્રધાને કરી મુલાકાત

13/06/2025 11:27:13

વડાપ્રધાન મોદીએ અધિકારીઓ સાથે બેઠક કરી હતી

13/06/2025 11:20:32

વડાપ્રધાને ઘટનાસ્થળની મુલાકાતની તસવીરો શેર કરી હતી

13/06/2025 11:03:55

ભરૂચની ભૂમિ ચૌહાણ ફ્લાઇટ ચૂકી જતા તેનો બચાવ થયો હતો.

13/06/2025 10:27:54

Ahmedabad Plane Crash Live: 4 મૃતદેહો સંબંધીઓને સોંપવામાં આવ્યા

પ્લેન ક્રેશમાં જે મૃતકોની ઓળખ ડીએનએ વિના થઇ ગઇ હતી તેમના પરિવારજનોને મૃતદેહો સોંપવામાં આવી રહ્યા છે. ચાર મૃતદેહો  પરિવારજનોને સોંપવામાં આવ્યા હતા. 

13/06/2025 10:23:15

Ahmedabad Plane Crash Live: પીએમ મોદીએ દુર્ઘટનામાં જીવિત રહેલા વિશ્વાસકુમાર રમેશ સાથે મુલાકાત કરી હતી

વડાપ્રધાન નરેન્દ્ર મોદીએ શુક્રવારે એર ઈન્ડિયા AI-171 દુર્ઘટનામાં બચી ગયેલા લોકોને મળવા અમદાવાદ સિવિલ હોસ્પિટલની મુલાકાત લીધી હતી. તેમની સાથે ગુજરાતના મુખ્યમંત્રી ભૂપેન્દ્ર પટેલ, કેન્દ્રીય નાગરિક ઉડ્ડયન મંત્રી રામ મોહન નાયડુ, કેન્દ્રીય રાજ્યમંત્રી મુરલીધર મોહોલ અને રાજ્યના ગૃહમંત્રી હર્ષ સંઘવી પણ હતા. ઘાયલો સાથે સમય વિતાવ્યા બાદ અને ચાલી રહેલી સારવારની સમીક્ષા કરી હતી.  

13/06/2025 10:19:36

વડાપ્રધાન મોદીએ ઘટનાસ્થળની મુલાકાત લીધી હતી.

13/06/2025 10:13:41

Ahmedabad Plane Crash Live: પીએમ મોદી વિશ્વાસ કુમાર રમેશને મળ્યા

વડાપ્રધાન નરેન્દ્ર મોદીએ અમદાવાદ વિમાન દુર્ઘટનામાં બચી ગયેલા વિશ્વાસ કુમાર રમેશને પણ મળ્યા છે. તેમણે સિવિલ હોસ્પિટલમાં સારવાર લઇ રહેલા ઇજાગ્રસ્તોના ખબરઅંતર પૂછ્યા હતા.

13/06/2025 09:47:07

Ahmedabad Plane Crash Live: NSG અમદાવાદ વિમાન દુર્ઘટના સ્થળ પર પહોંચ્યું

NSG ટીમ અમદાવાદમાં AI-171 વિમાન દુર્ઘટના સ્થળે પહોંચી ગઈ છે. અકસ્માતના કારણની તપાસ શરૂ થશે.

 

13/06/2025 09:37:28

વડાપ્રધાન મોદીએ સિવિલ હોસ્પિટલમાં ઇજાગ્રસ્તોની મુલાકાત લીધી

વડાપ્રધાન મોદીએ સિવિલ હોસ્પિટલમાં ઇજાગ્રસ્તોની મુલાકાત લીધી હતી. તેઓ ટ્રોમા સેન્ટરની પણ મુલાકાત લઇ શકે છે.

13/06/2025 09:29:21

પોલીસ આ તમામ પરિવારજનોની ખાસ સંભાળ રાખી રહી છે

પ્લેન ક્રેશ દુર્ઘટનામાં સ્વજન ગુમાવનાર પરિવારજનો અમદાવાદ સિવિલ હોસ્પિટલ ખાતે છે. ત્યાં DNA ઓળખ પ્રક્રિયાનું કામ ચાલી રહ્યું છે. પોલીસ આ તમામ પરિવારજનોની ખાસ સંભાળ રાખી તેમની સેવા કરી રહી છે. આ મુશ્કેલ સમયમાં પરિવારજનોને સાંત્વના આપવાની સાથે પોલીસ પોતે જ તેમને ચા, પાણી અને નાસ્તો પીરસી રહી છે.

13/06/2025 09:20:26

વડાપ્રધાન મોદી અમદાવાદ સિવિલ હોસ્પિટલ પહોંચ્યા

13/06/2025 09:12:00

PM મોદી ઘટનાસ્થળે પહોંચ્યા

13/06/2025 08:39:59

પ્લેન ક્રેશ દુર્ઘટનામાં મૃતદેહ સોંપવાની પ્રક્રિયા શરૂ

પ્લેન ક્રેશ દુર્ઘટનામાં મૃતદેહ સોંપવાની પ્રક્રિયા શરૂ કરવામાં આવી હતી. પોસ્ટમોર્ટમ રૂમથી એક મૃતદેહ પરિવારજનને સોંપાયો હતો. મૃતકની ઓળખ થયા બાદ પરિવારને મૃતદેહ સોંપાયો હતો

13/06/2025 08:37:59

Ahmedabad Plane Crash News Live: વડાપ્રધાન મોદી અમદાવાદ એરપોર્ટ પહોંચ્યા

પ્રધાનમંત્રી નરેન્દ્ર મોદી અમદાવાદ એરપોર્ટ પહોંચ્યા છે. તેઓ ટૂંક સમયમાં ઘાયલોને મળવા જશે. પીએમ મોદીના આગમન પહેલા સ્નિફર ડોગ્સની એક ટુકડીને અકસ્માત સ્થળે બોલાવવામાં આવી હતી. અહીં કડક સુરક્ષા વ્યવસ્થા છે.

13/06/2025 08:36:52

Ahmedabad Plane Crash News Live: અકસ્માત સ્થળ પછી પીએમ મોદી ટ્રોમા સેન્ટરની મુલાકાત લેશે

વડાપ્રધાન નરેન્દ્ર મોદી અમદાવાદની મુલાકાત લેશે. તેઓ પહેલા અકસ્માત સ્થળ અને પછી ટ્રોમા સેન્ટરની મુલાકાત લેશે. ઘાયલ ડોક્ટરોની અહીં સારવાર કરવામાં આવી રહી છે. પીએમ મોદી દુર્ઘટનામાં જીવિત બચેલા વ્યક્તિને પણ મળી શકે છે.

13/06/2025 08:36:24

Ahmedabad Plane Crash News Live: લોકો ડીએનએ સેમ્પલ આપવા માટે હોસ્પિટલ પહોંચ્યા

અમદાવાદ પ્લેન ક્રેશ પછી મૃતકોના સંબંધીઓ સિવિલ હોસ્પિટલની બહાર ઉભા છે. મોટાભાગના લોકો ડીએનએ સેમ્પલ આપવા માટે આવ્યા છે. તેમને 72 કલાક રાહ જોવાનું કહેવામાં આવ્યું છે.

13/06/2025 08:34:50

વિજય રૂપાણીના પત્ની ગાંધીનગર પહોંચ્યા

13/06/2025 08:33:50

એર ઈન્ડિયાએ મૃતકોના પરિવારજનોના સપોર્ટ માટે સેન્ટર શરૂ કર્યું

13/06/2025 08:25:42

Ahmedabad Plane Crash News Live: પીએમ મોદી સમીક્ષા બેઠક કરશે

પીએમ મોદી અમદાવાદ પહોંચ્યા બાદ સમીક્ષા બેઠક પણ કરશે. નાગરિક ઉડ્ડયન મંત્રી રામ મોહન નાયડુ પણ તેમાં હાજરી આપી શકે છે. અકસ્માત સ્થળને સંપૂર્ણપણે સીલ કરી દેવામાં આવ્યું છે. પોલીસની સાથે NDRF ટીમ પણ ઘટનાસ્થળે હાજર છે.

13/06/2025 07:54:45

વિજયભાઈ રૂપાણીનો પરિવાર પહોંચ્યો અમદાવાદ

વિજયભાઈ રૂપાણીનો પરિવાર અમદાવાદ પહોંચ્યો હતો. અંજલિબેન રૂપાણી અમદાવાદ પહોંચ્યા હતા. પીએમ મોદી વિજયભાઈ રૂપાણીના પરિવાર સાથે મુલાકાત કરી શકે છે. અંજલિબેન રૂપાણીની સાથે ધનસુખ ભંડેરી અને નીતિન ભારદ્વાજનો પરિવાર જોવા મળ્યો હતો. લંડનથી અંજલિબેન રૂપાણી સહિત સાત લોકો અમદાવાદ પહોંચ્યા હતા. વિજયભાઈ રૂપાણીના પુત્ર ઋષભ રૂપાણી અમેરિકાથી અમદાવાદ આવવા રવાના થયો હતો.

13/06/2025 07:33:01

મૃતકોની ઓળખ માટે ડીએનએ નમૂનાઓની વ્યવસ્થા

વિમાન દુર્ઘટનામાં ઘણા લોકોના મોત થયા હોવાના અહેવાલ છે. મૃતકોની ઓળખ ડીએનએ ટેસ્ટ દ્વારા કરવામાં આવશે. આ સાથે ઘાયલોની યાદી પણ જાહેર કરવામાં આવી છે.

 

13/06/2025 07:32:45

વિમાન દુર્ઘટનામાં એક મુસાફર બચી ગયો, સારવાર ચાલુ છે

વિમાન દુર્ઘટનામાં બચી ગયેલા એક મુસાફરના સમાચાર બહાર આવી રહ્યા છે. મુસાફરનું નામ રમેશ વિશ્વાસ કુમાર છે. ઘાયલ હોસ્પિટલમાં સારવાર હેઠળ છે. રમેશ વિશ્વાસે જણાવ્યું કે અકસ્માત પછી જોરદાર વિસ્ફોટ થયો, ચારે બાજુ આગ લાગી ગઈ. મને એમ્બ્યુલન્સ દ્વારા હોસ્પિટલમાં લાવવામાં આવ્યો. મને વિશ્વાસ નથી થઈ રહ્યો કે હું જીવિત છું, આ કોઈ ચમત્કારથી ઓછું નથી.

13/06/2025 07:32:22

જીવ ગુમાવનારાઓના પરિવારજનોને 1 કરોડ રૂપિયાનું વળતર

ટાટા સન્સના ચેરમેન એન. ચંદ્રશેખરને વિમાન દુર્ઘટના પર ઊંડી સંવેદના વ્યક્ત કરી છે. તેમણે કહ્યું કે આ દુ:ખદ ઘટનાથી આપણે બધા દુઃખી છીએ. તેમણે જાહેરાત કરી કે ટાટા ગ્રુપ આ દુર્ઘટનામાં જીવ ગુમાવનારા દરેક વ્યક્તિના પરિવારને 1 કરોડ રૂપિયાની આર્થિક સહાય આપશે. ઉપરાંત કંપની તમામ ઘાયલોની સારવારનો સંપૂર્ણ ખર્ચ ઉઠાવશે અને તેમને જરૂરી તમામ સંભાળ અને સહાય પૂરી પાડવામાં આવશે.

13/06/2025 07:32:06

ગુજરાતના ભૂતપૂર્વ સીએમ વિજય રૂપાણીનું વિમાન દુર્ઘટનામાં અવસાન

ગુજરાત ભાજપ પ્રમુખ સીઆર પાટીલે પુષ્ટી કરી હતી કે ભૂતપૂર્વ સીએમ વિજય રૂપાણીનું વિમાન દુર્ઘટનામાં અવસાન થયું છે. ભાજપ પરિવાર પણ ખૂબ દુઃખી છે.

13/06/2025 07:31:50

ડીએનએ ટેસ્ટ બાદ જ મૃત્યુઆંક કહી શકાશે: અમિત શાહ

કેન્દ્રીય ગૃહમંત્રી અમિત શાહે કહ્યું કે ભારત સરકાર અને ગુજરાત સરકારના તમામ વિભાગો સાથે મળીને રાહત અને બચાવ કાર્યમાં રોકાયેલા છે. દેશ-વિદેશના કુલ 230 મુસાફરો, 12 ક્રૂ સભ્યો આ વિમાનમાં હતા. માહિતી મળી છે કે આ મુસાફરોમાંથી એક બચી ગયો છે. હું તેમને મળ્યો છું. ડીએનએ ટેસ્ટ અને ઓળખ પછી જ મૃત્યુઆંક સત્તાવાર રીતે કહી શકાય. ડીએનએ નમૂના લેવાની પ્રક્રિયા પણ ટૂંક સમયમાં પૂર્ણ થશે. 1 હજારથી વધુ ડીએનએ ટેસ્ટ કરાવવા પડશે અને તે બધા ગુજરાતમાં જ કરવામાં આવશે.

13/06/2025 07:31:37

વિમાન બીજે મેડિકલ કોલેજના મેસ બિલ્ડિંગ સાથે અથડાયું

વિમાન ટેકઓફ કર્યાની થોડીવાર પછી જ ક્રેશ થયું અને પહેલા મેઘાણી નગરમાં બીજે મેડિકલ કોલેજના મેસ બિલ્ડિંગ સાથે અથડાયું, પછી અતુલ્યમ હોસ્ટેલ સાથે અથડાયું હતુ. આ કારણે વિમાન આગના ગોળામાં ફેરવાઈ ગયું. ચારે બાજુ ધુમાડો અને કાટમાળ ફેલાયેલો હતો. વિમાન દુર્ઘટનાના મુખ્ય અપડેટ્સ વાંચો.

13/06/2025 07:31:01

ટેકઓફ કર્યા પછી તરત જ ક્રેશ થઈ ગયું

અમદાવાદથી લંડનના ગેટવિક જઈ રહેલું એર ઈન્ડિયાનું બોઈંગ 787 ડ્રીમલાઈનર વિમાન AI-171 ગુરુવારે ટેકઓફ કર્યા પછી તરત જ ક્રેશ થઈ ગયું. આ ફ્લાઇટમાં કુલ 242 લોકો સવાર હતા, જેમાં 230 મુસાફરો અને 12 ક્રૂ સભ્યોનો સમાવેશ થાય છે. ગુજરાતના ભૂતપૂર્વ મુખ્યમંત્રી વિજય રૂપાણી પણ આ વિમાનમાં સવાર હતા. રડાર ડેટા અનુસાર, વિમાને સરદાર વલ્લભભાઈ પટેલ આંતરરાષ્ટ્રીય એરપોર્ટથી બપોરે 1:39 વાગ્યે ઉડાન ભરી હતી, પરંતુ સમુદ્ર સપાટીથી 625 ફૂટની ઊંચાઈએ પહોંચ્યા પછી, તેમાં ટેકનિકલ ખામી સર્જાઈ અને એર ટ્રાફિક કંટ્રોલ સાથેનો સંપર્ક તૂટી ગયો હતો.

13/06/2025 07:17:48

એર ઈન્ડિયાના CEO પહોંચી ચૂક્યા છે અમદાવાદ

એર ઈન્ડિયાના CEO અમદાવાદ પહોંચ્યા હતા. અમદાવાદમાં DGCAના ઉચ્ચ અધિકારીઓ અમદાવાદ પહોંચ્યા હતા. એક મુસાફરનો આબાદ બચાવ થયો હતો. તમામ ક્રુ મેમ્બરના મૃત્યુ થયાની આશંકા છે. વિમાનના પાયલોટ, કો- પાયલોટના મૃતદેહની ઓળખ થઇ છે.

13/06/2025 07:15:36

એર ઈન્ડિયા પ્લેન ક્રેશમાં 241ના મોત થયા હતા

13/06/2025 07:11:35

મેડિકલના 10 વિદ્યાર્થીઓના મૃતદેહની ઓળખ થઇ હતી.

વિમાન દુર્ઘટનામાં પાયલોટ અને કો- પાયલોટનું મોત થયું હતું. પાયલટ, કો-પાયલોટ અને એક ક્રુ મેમ્બરના મૃતદેહની ઓળખ થઇ હતી. મેડિકલના 10 વિદ્યાર્થીઓના મૃતદેહની ઓળખ થઇ હતી.

13/06/2025 07:06:36

આજે અમદાવાદ પહોંચશે વડાપ્રધાન મોદી