આ પ્રતિબંધના કારણે સ્મિથ બાકી રહેલી વિમેન્સ સિઝનમાંથી બહાર થઈ ગઈ છે. જેમાં વિમેન્સ બિગ બેશ લીગ અને 50 ઓવરની વિમેન્સ નેશનલ ક્રિકેટ લીગનો પણ સમાવેશ કરવામાં આવે છે.
સ્મિથે વિમેન્સ બિગ બેશ લીગમાં સિડની થંડર્સ સામે રમાયેલી મેચના થોડાં સમય પહેલા જ હોબાર્ટ હરિકેન્સની લાઈનઅપ સહિત કેટલીક વિગતો જણાવતો એક વીડિયો પોતાના ઈન્સ્ટાગ્રામ પર પોસ્ટ કર્યો હતો.
જેના કારણે ક્રિકેટ ઓસ્ટ્રેલિયાએ તેની સામે પગલાં લેતાં તેના પર પ્રતિબંધ મુકી દેવામાં આવ્યો છે. મેચ અગાઉ ટીમની વિગતો જાહેર કરવાથી સટ્ટાબાજો તેનો ઉપયોગ કરી શકે છે અને તેથી ક્રિકેટ ઓસ્ટ્રેલિયાએ આકરો નિર્ણય લીધો છે.