ગાંધીનગર: હવામાન વિભાગની આગાહીના પગલે શુક્રવારે ગુજરાતના અનેક વિસ્તારોમાં ભારે વરસાદ ખાબક્યો હતો. શુક્રવારે ગુજરાતમાં સૌથી વધુ વરસાદ દ્વારકાના કલ્યાણપુર તાલુકામાં આવેલા મોટા આસોટા ગામે ખાબક્યો હતો. મોટા આોસાટા ગામે ત્રણ કલાકમાં 13 ઈંચથી વધુ વરસાદ ખાબક્યો હતો. જોકે આગાહી ત્રણ દિવસ ભારે વરસાદની આગાહી હવામાન વિભાગે કરી છે. આગામી 24 કલાકમાં ગુજરાતમાં ભારે વરસાદની હવામાન વિભાગે આગાહી કરી છે. જેને પગલે નવસારી, વલસાડ, દમણ, દાદરાનગર હવેલી, જૂનાગઢ અને ગીર સોમનાથ સહિતના વિસ્તારોમાં રેડ એલર્ટ કરી દેવામાં આવ્યું છે. આ ઉપરાંત આગામી ત્રણ દિવસ સુધી માછીમારોને દરિયો ન ખેડવાની સૂચના આપવામાં આવી છે. હવામાન વિભાગે ભારેથી અતિભારે વરસાદ પડવાના દિવસોમાં વધારો કરતાં 9 સપ્ટેમ્બર સુધીની આગાહી કરી છે. આમ, હજુ આગામી 3 દિવસ ભારેથી અતિભારે વરસાદ પડવાની હવામાન વિભાગે આગાહી કરી છે. ગુજરાતના અનેક વિસ્તારોમાં 7, 8 અને 9 તારીખે પણ ભારેથી અતિભારે વરસાદ પડવાની સંભાવના હવામાન વિભાગે વ્યક્ત કરી છે અને સાથે જ તંત્રને એલર્ટ રહેવા પણ જણાવ્યું છે. ગુજરાતમાં આ વખતે સિઝનનો કુલ વરસાદ 100 ટકા કરતાં પણ વધારે પહોંચી ગયો છે.