પ્રાપ્ત માહિતી અનુસાર, અમદાવાદના રામોલ કોલેજની વિદ્યાર્થીની સાથે ગેંગરેપની ઘટનાના નાસતા ફરતા બે આરોપીમાંથી રાજેશ નામના આરોપીને ઝડપી પાડવામાં પોલીસને સફળતા મળી છે. પોલીસ સૂત્રો પાસેથી મળતી માહિતી અનુસાર, રાજેશ અમદાવાદના રાણીપ વિસ્તારનો છે. જોકે પોલીસે તેને કઈ જગ્યાએ ઝડપી પાડ્યો તે હજુ જણાવાયું નથી.
નોંધનીય છે કે, રામોલ ગેંગરેપ કેસમાં અત્યાર સુધીમાં કુલ ત્રણ આરોપીઓની ધરપકડ કરવામાં આવી છે. હજુ એક હાર્દિક નામનો આરોપી ફરાર છે જેની શોધખોળ પોલીસ કરી રહી છે.
ઉલ્લેખનીય છે કે, પોલીસે શનીવારે અન્ય બે મુખ્ય આરોપીઓની ધરપકડ કરી હતી. પોલીસે શનિવારે બંને આરોપીઓના ડીએનએ ટેસ્ટ કરવાની પણ તજવીજ હાથધરી હતી. જોકે, આ કેસમાં અન્ય એક આરોપી પણ હજી ફરાર રહેતા તેને વોન્ટેડ જાહેર કરાયો છે.