અમદાવાદ: અમદાવાદના વસ્ત્રાલ અને આસપાસના વિસ્તારમાં દીપડાના ફૂટમાર્ક જોવા મળતા વનવિભાગની ટીમ એલર્ટ બની છે. આ વિસ્તારમાં દીપડાની હાજરીની આશંકાના પગલે વનવિભાગે અમદાવાદની જનતાને સતર્ક કરી છે. .વનવિભાગની ટીમે વસ્ત્રાલ અને આસપાસના વિસ્તારમાં લોકોને બહાર નહીં સુવા અપીલ કરી છે.



રાત્રી દરમિયાન અવરજવર સમયે પણ સાવચેતી રાખવા અપીલ કરવામા આવી છે. અગત્યના કામ માટે બહાર જવાનું થાય તો સાથે ટોર્ચ અને અવાજ થાય તેવી વસ્તુ સાથે રાખવા અપીલ કરાઈ છે. આ વિસ્તારમાં દીપડાની હાજરી જોવા મળે તો તાત્કાલીક ફોરેસ્ટ વિભાગને જાણ કરવા અપીલ કરવામા આવી છે.

મહત્વનું છે કે, રાજયમાં 33માંથી 17 જેટલા જિલ્લાઓમાં દીપડાઓ દેખા દઈ ચૂક્યા છે. થોડા સમય પહેલા ગાંધીનગર સચિવાલય સુધી પણ દીપડો પહોંચ્યો હતો.