સમગ્ર અહેવાલ વાંચવા માટે અહીં ક્લિક કરો

27/08/2022 19:22:05

અટલ બ્રિજનું લોકાર્પણ

વડાપ્રધાન નરેંદ્ર મોદીએ કહ્યું, અટલ બ્રિજ માત્ર સાબરમતી નદીના બે કાંઠાને જોડતો નથી, પરંતુ તે ડિઝાઇન અને નવીનતામાં પણ અભૂતપૂર્વ છે. ડિઝાઇનમાં ગુજરાતના પ્રખ્યાત પતંગ મહોત્સવનું પણ ધ્યાન રાખવામાં આવ્યું છે.

27/08/2022 18:31:20

PM મોદીએ અટલ ફુટ ઓવરબ્રીજનું લોકાર્પણ કર્યું

પ્રધાનમંત્રી મોદીએ રિવરફ્રંટ પર અટલ ફુટ ઓવરબ્રીજનું લોકાર્પણ કર્યું હતું.

27/08/2022 18:28:53

અમદાવાદ રિવરફ્રન્ટ પર પીએમ મોદીની હાજરીમાં ખાદી ઉત્સવ યોજાયો. ખાદી ઉત્સવમાં રેકોર્ડ સર્જાયો છે. આ ખાદી ઉત્સવમાં 7500 ખાદી કારીગરોએ ભાગ લીધો. વડાપ્રધાન મોદીએ 94 વર્ષ જેનો ખાદીનો ચરખો કાંત્યો. પીએમ મોદી સાથે 7500 ખાદી કારીગરો પણ ચરખા કાંત્યાં અને રેકોર્ડ સર્જાયો છે.

27/08/2022 15:32:31

પ્રધાનમંત્રીની પ્રથમ બેઠક શરૂ

મુખ્યમંત્રી ભુપેન્દ્ર પટેલ,પ્રદેશ પ્રમુખ સી.આર.પાટીલ,મંત્રી હર્ષ સંઘવી અને જગદીશ પંચાલ સાથે પીએમ મોદી બેઠક કરી રહ્યા છે. રાજ્યના મુખ્ય સચિવ પંકજકુમાર,આઈ.બી.ના વડા અનુપમસિંહ ગેહલોત પણ બેઠકમાં હાજર છે. ગ્રામીણ વિસ્તારમાં પક્કડ વધુ મજબૂત બનાવવા પ્રધાનમંત્રી ટાસ્ક આપી શકે છે.
વિરોધ પક્ષની ગતિવિધિઓ અંગે પણ પ્રથમ બેઠકમાં ચર્ચા કરાશે.

27/08/2022 15:10:04

પ્રધાનમંત્રી નરેન્દ્ર મોદીની ગુજસેલ ખાતે થશે મહત્વપૂર્ણ બેઠક

પ્રધાનમંત્રી નરેન્દ્ર મોદીની ગુજસેલ ખાતે મહત્વપૂર્ણ બેઠક કરશે. રાજ્ય સરકારના મંત્રીઓ સાથે પીએમ ગુજસેલ ખાતે બેઠક કરશે. રાજ્યની પ્રવર્તમાન સ્થિતિ અંગે મંત્રીઓ પાસેથી સ્થિતિનો તાગ મેળવાશે. અમદાવાદમાં બનવા જઈ રહેલા ગાંધી આશ્રમના નવીનીકરણ સહિતના પ્રોજેકટ મામલે પીએમ ચર્ચા કરશે. સેકટર 2 JCP ગૌતમ પરમાર ગુજસેલ એરપોર્ટ પહોંચ્યા છે. ગાંધી આશ્રમના નવીનીકરણમાં IPS અધિકારી ગૌતમ પરમારને જવાબદારી સોપાઈ છે. પીએમ રાજભવન નહિ જઈને એરપોર્ટ ઉપર જ બેઠક કરે તેવી સંભાવના છે.

27/08/2022 16:19:50

રાજ્યપાલ આચાર્ય દેવવ્રત સહિતના આગેવાનો પહોંચ્યા એરપોર્ટ

મુખ્યમંત્રી,રાજ્યના મુખ્ય સચિવ પંકજકુમાર, ડીજીપી આશિષ ભાટિયા, રાજ્યપાલ આચાર્ય દેવવ્રત સહિત નેતાઓ સ્વાગત માટે એરપોર્ટ પહોચ્યા છે. એરપોર્ટથી પ્રધાનમંત્રી ગાંધીનગર સ્થિત રાજભવન જવા રવાના થશે. રાજભવનથી 6 કલાકે અમદાવાદ સાબરમતી રિવરફ્રન્ટ પહોચશે પ્રધાનમંત્રી. આઝાદીના અમૃત મહોત્સવ હેઠળ 7500 મહિલાઓ ચરખા કાંતશે. વર્ષ 1920થી ઉપયોગમાં લેવામાં આવેલ ચરખા પણ સાબરમતી રિવરફ્રન્ટ ખાતે મુકવામાં આવ્યા છે. 75 જેટલા રાવણહથ્થા કલાકારો સાબરમતી રિવરફ્રન્ટ ઉપર કરશે પીએમનું સ્વાગત. રિવરફ્રન્ટ ઉપર બનેલા અટલ બ્રિજનું પણ ઇ લોકાર્પણ કરશે પીએમ.

27/08/2022 09:34:46

પીએમ મોદીના કાર્યક્રમની રૂપરેખા

વડાપ્રધાન 27 અને 28 ઓગસ્ટના રોજ ગુજરાતના પ્રવાસે રહેશે. 27 ઓગષ્ટે બપોરે 2.30 કલાકે અમદાવાદ એરપોર્ટ આવશે. જ્યાંથી અમદાવાદના સાબરમતી રિવરફ્રન્ટ ખાતે ‘ખાદી ઉત્સવ’ કાર્યક્રમમાં હાજરી આપશે. જે કાર્યક્રમ પૂરો કર્યા બાદ સાંજે રાજભવન અને રાત્રી રોકાણ કરશે. 28 ઓગસ્ટના રોજ અમદાવાદ એરપોર્ટ થઇ થી સવારે 8 વાગ્યે કચ્છ જવા નીકળશે.. વડાપ્રધાન ભુજ ખાતે વિવિધ વિકાસના પ્રોજેક્ટના ખાતમુહૂર્ત તથા લોકાર્પણ કરશે. સવારે 10 કલાકે કચ્છના ભુજ ખાતે વડાપ્રધાનના હસ્તે ‘સ્મૃતિ વન મેમોરિયલ’નું લોકાર્પણ થશે. સવારે 11.30 કલાકે શ્યામજી કૃષ્ણવર્મા યુનિવર્સિટી ગ્રાઉન્ડ ખાતે યોજાનાર જાહેર કાર્યક્રમમાં સંબોધન કરશે. ત્યારબાદ બપોરે 2.30 કલાકે પીએમ મોદી પરત અમદાવાદ એરપોર્ટ આવશે અને ત્યાંથી રાજભવન.જશે. બપોરે 3 થી 5 વાગ્યા સુધી રાજભવન ખાતે અનામત સમય છે. સાંજે 5.30 કલાકે મહાત્મા મંદિર, ગાંધીનગર ખાતે ‘ભારતમાં સુઝુકીની ૪૦ વર્ષ’ની સ્મૃતિમાં યોજાનાર કાર્યક્રમમાં હાજર રહેશે. તે કાર્યક્રમ પૂરો કર્યા બાદ સાંજે 7 વાગ્યે અમદાવાદ એરપોર્ટથી દિલ્હી જવા રવાના થશે.

27/08/2022 09:32:43

રિજિયોનલ સાયન્સ સેન્ટરનું લોકાર્પણ

પીએમ મોદી 28મી ઓગસ્ટે કચ્છ જિલ્લાની મુલાકાતે જશે. ત્યાં તેઓ ભૂજ ખાતેના રિજિયોનલ સાયન્સ સેન્ટરનું લોકાર્પણ કરશે. આ રિજિયોનલ સાયન્સ સેન્ટર કચ્છ જિલ્લાને વિજ્ઞાન અને પ્રવાસનક્ષેત્રે વધુ ઊંચાઈએ લઈ જશે. આ રિજિયોનલ સાયન્સ સેન્ટર10 એકરમાં ફેલાયેલ છે. આ સેન્ટરની વિજ્ઞાનના ક્ષેત્રમાં રસ ધરાવતા પ્રવાસીઓ માટે મહત્વનું બની રહેશે. કચ્છ જ નહીં પરતું ગુજરાત અને ભારતના પ્રવાસીઓને આકર્ષવાની ક્ષમતા ધરાવતા આ કેન્દ્રમાં મરિન નેવિગેશન, સ્પેસ સાયન્સ, એનર્જી સાયન્સ, નેનો ટેકનોલોજી, ફિલ્ડસ મેડલ અને બોસાઇ ગેલેરી જેવી કુલ છ થીમ આધારીત ગેલેરી બનાવવામાં આવી છે.

આ સેન્ટરની અન્ય કેટલીક સુવિધાઓ પર નજર કરીએ તો અહીં લેન્ડ સ્કેપિંગ ગાર્ડન, સબમરીન સિમ્યુલેટર, સોલાર ટ્રી, ટેલિસ્કોપ અને મુલાકાતીઓ માટે કાફેટેરિયાનીવ્યવસ્થા પણ કરવામાં આવી છે. આગામી સમયમાં આ સાયન્સ સેન્ટર બાળકો, યુવાનોને વૈજ્ઞાનિક બનવા પ્રેરિત કરશે અને ભાવિ પેઢીને વિજ્ઞાનની વધુ નજીક લઈ જશે.

27/08/2022 09:30:58

"અટલ બ્રિજ" ની વિશેષતા

- અમદાવાદનો આઈકોનિક અટલ બ્રિજ
- સાબરમતી નદી ઉપર રુપિયા 74 કરોડથી વધુના ખર્ચે બ્રિજનું નિર્માણ
- એન્જીનીયરીંગ અજાયબી તરીકે ઓળખાશે આઈકોનિક ફૂટઓવર બ્રિજ
- સાબરમતીના પુર્વ અને પશ્ચિમ કાંઠાને જોડતો બ્રિજ
- સાબરમતી નદીના લોઅર તથા અપર પ્રોમીનાડ ઉપરથી પ્રવેશ કરી શકાશે
- બ્રિજમાં વચ્ચેના ભાગે વુડન ફ્લોરીંગ
- બ્રિજની સ્ટેનલેસ સ્ટીલ અને ગ્લાસની રેલીંગ
- બ્રિજના વચ્ચેના ભાગે ફુડ કિઓસ્ક, બેસવાની તથા પ્લાન્ટેશનની વ્યવસ્થા
- ડાયનેમીક કલર ચેન્જ થઈ શકે તેવું એલ.ઈ.ડી. લાઈટીંગ
- લંબાઈ 300 મીટર છે જેનું 2600 મેટ્રીક સ્ટીલ વજન

PM Modi Gujarat Visit LIVE: PM મોદીએ રિવરફ્રંટ પર અટલ બ્રિજનું લોકાર્પણ કર્યું

બ્રેકગ્રાઉન્ડ