Ahmedabad News: રાજકોટ ગેમઝોન આગ બાદ SIT ટીમ લઈને AAP નેતા ગોપાલ ઇટાલિયા તેમજ આમ આદમી પાર્ટી ના પ્રમુખ ઇસુદાન ગઢવીએ પ્રહાર કર્યા છે. ઈસુદાન ગઢવીએ કહ્યું, આવી ઘટના વારંવાર બની રહી છે. 2 મહિના બાદ ભાજપ આ દુર્ઘટના ભુલાવી દેવાનું ષડ્યંત્ર રચવામાં આવ્યું છે. ભાજપના કારણે ગુજરાતમાં આવી ઘટના બની રહી છે. ગુજરાતમાં બનેલી ઘટનામાં ભાજપના નેતા અને અધિકારી ભ્રષ્ટાચાર કરવામાં આવે છે.
ભાજપના નેતાને બચાવવા માટે SITની રચના કરવામાં આવે છે. બોટાદ, મોરબી, વડોદરા, સુરતમાં SIT રચના કરવામાં આવી હતી, તેમ છતાં તે લોકોને હજુ સુધી ન્યાય નથી મળ્યો. સરકાર દ્વારા અનેક ઘટનામાં સિટની રચના કરવામાં આવી હોવા છતાં કોઈ સામે કાર્યવાહી કરવામાં આવી નથી. ગુજરાતમાં નકલી સરકારી કચેરી ઝડપાઈ તેમાં પણ SIT રચના કરવામાં આવી હતી કોઈ કાર્યવાહી કરવામાં આવી નથી.
ગુજરાતમાં આવી 500 જેટલી SIT રચના કરવામાં આવી છે
ગુજરાતમાં ભાજપના નેતા કારણે અને અધિકારી કારણે કોઈ ઘટના બને ત્યારે બીજા દિવસ જ SIT રચના કરવામાં આવે છે. ભાજપ દ્વારા સીટ નામનું નાટક કરવામાં આવ્યું છે. ગુજરાતમાં આવી 500 જેટલી SIT રચના કરવામાં આવી છે, એકપણ ઘટના પણ કડક કાર્યવાહી કરવામાં આવી નથી.
ભાજપના માનીતા છે સુભાષ ત્રિવેદી
બોટાદ બાદ જે SIT રચના કરવામાં આવી તેમાં ચોકવાનાર ઘટના સામે આવી છે. ભાજપના માનીતા સુભાષ ત્રિવેદી નિમણુક કરવામાં આવી છે. ગુજરાતમાં 156 સીટ આપી તેમ છતા SIT ના નામે છેતરવામાં આવી રહ્યા છે. આમ આદમી પાર્ટી દ્વારા હવે ગુજરાતમાં બનેલી ઘટના ભોગ બનનાર લોકોને મળશે. ગુજરાતના તમામ નેતા અને કાર્યકરો મળવા જશે.
રાજકોટના ટીઆરપી ગેમ ઝોનના અગ્નિકાંડની આંચ સરકારી બાબુઓ સુધી પણ પહોંચી છે. રાજયભરને હચમચાવનાર આ અગ્નિકાંડ અંગે રાજકોટ તાલુકા પોલીસ મથકમાં સાપરાધ મનુષ્યવધ સહિતની કલમો હેઠળ નોંધાયેલા ગુનાની તપાસ કરતી સિટે રાજકોટ મનપાના પૂર્વ ટાઉન પ્લાનીંગ ઓફિસર મનસુખ સાગઠીયા, બે આસિસ્ટન્ટ ટાઉન પ્લાનીંગ ઓફિસર મુકેશ મકવાણા અને ગૌતમ જોષી ઉપરાંત ફાયર સ્ટેશનના ઓફિસર રોહિત વીગોરા સહિત ચારની ધરપકડ કરી હતી. જેની સાથે જ આ અગ્નિકાંડમાં આરોપીઓની ધરપકડનો આંક 9 પર પહોંચ્યો છે.