ACCIDENT: ખેડાના ખાત્રજ પાસે હિટ એન્ડ રનની ઘટના સામે આવી છે. ખાત્રજ હેબ્રોનપુરા પાસે થયેલા આ અકસ્માતમાં બે યુવકોના મોત નીપજ્યા છે. મોકવા ગામના વિજય અને તેનો મિત્ર ભરત બાઈક લઈને પસાર થતા હતા તે સમયે વાહન ચાલકે તેમને ટક્કર મારી હતી. અજાણ્યો વાહન ચાલક ટક્કર મારી ફરાર થઈ ગયો હતો. અકસ્માતમાં ગભીર રીતે ઘાયલ થયેલા બંને યુવાનોના ઘટના સ્થળે જ મોત નીપજ્યા હતા. બંને મૃતક યુવકોના મૃતદેહને સરકારી હોસ્પિટલ ખાતે પીએમ માટે લઈ જવામાં આવ્યા છે. પોલીસે ઘટના સ્થળ પર પહોંચી અજાણ્યા વાહન ચાલક સામે ગુનો નોંધી વધુ તપાસ હાથ ધરી છે.
અમરેલીમાં 16 વર્ષની તરૂણીની લાશ મળી આવી
રાજુલાના નવી માંડરડી ગામની ધાતરવડી નદી કાંઠેથી લાશ મળતા ચકચાર મચી છે. 16 વર્ષની તરૂણીની લાશ મળી આવી પોલીસ ઘટના સ્થળે દોડી આવી હતી. આ અંગે સામે આવેલી વિગતો અનુસાર તરુણીના શરીર પર પથ્થરના ઘા મારેલા નિશાન અને બ્લેડ મળી આવતા હત્યા થઈ હોવાની આશંકા વ્યક્ત કરવામાં આવી છે. પોલીસે હત્યાની આશંકાએ તપાસ શરૂ કરી છે. રાજુલા પોલીસ, LCB, SOG સહિતના પોલીસ કર્મચારીઓ ઘટના સ્થળે પહોંચ્યા હતા. પોલીસ દ્વારા પ્રથમ પરિવારના નિવેદન લેવાની કામગીરી શરૂ કરવામાં આવી છે. કિશોરીના મોતને લઈને સમગ્ર વિસ્તારમાં ખળભળાટ મચી ગયો છે.
ખેડાના કઠલાલ રોડ પર ભયંકર અકસ્માત
ખેડાના મહુધા કઠલાલ રોડ પર કોઇ અજાણ્યા વાહને બાઇકને ટક્કર મારી હતી. જેમાં બંને આશાસ્દ યુવકના ઘટનાસ્થળે જ મોત થયા છે.બંને યુવક બાઇક પર સવાર હતા. ખેડાના કઠલાલ રોડ પર મહુધાના વડથલ નહેર પાસે અકસ્માત સર્જાયો હતો. અહીં કોઇ અજાણ્યા વાહને બાઇકને એવી ટક્કર મારી હતી કે બાઇકમાં સવાર બંને યુવક બંનેને ગંભીર ઇજા થઇ હતી. અકસ્માત એટલો ભયંકર હતો કે આસપાસના લોકો દોડી આવ્યા હતા. પરંતુ અજણ્યા વાહનની ટક્કર એટલી જોરદાર હતી કે બંને બાઇક સવાર યુવકને ગંભીર ઇજા પહોંચતાં બંને ઘટના સ્થળે જ મૃત્યુ પામ્યા હતા.
સુરતમાં પિતાએ જ સગા પુત્રનું કર્યું આ કારણે અપહરણ
સુરતમાં એક અનોખો કિસ્સો સામે આવ્યો છે. અહીં અન્ય કોઇએ નહિ પરંતુ તેના પિતા એજ તેના પુત્રનું અપહરણ કર્યું છે. બાદ બાળકની માતાએ કડોદરા પોલીસ સ્ટેશનાં ફરિયાદ નોંધાવી છે. સુરતમાં એક અનોખો કિસ્સો સામે આવ્યો છે. અહીં અન્ય કોઇએ નહિ પરંતુ તેના પિતા એજ તેના પુત્રનું અપહરણ કર્યું છે. બાદ બાળકની માતાએ કડોદરા પોલીસ સ્ટેશનાં ફરિયાદ નોંધાવી છે. સમગ્ર ઘટના વિશે વાત કરીએ તો પતિના ત્રાસથી પરણિતા પિયર તેના બાળક સાથે આવીને રહેતી હતી. આ દરમિયાન પિતાએ તેના પુત્રનું મદરેસામાંખથી અપહરણ કર્યું છે. આ અપહરણની ઘટનાના સીસીટીવી ફૂટેજ પણ સામે આવ્યાં છે. બાળકના અપહરણ બાદ બાળકની માતાએ તેના પતિ વિરૂદ્ધ જ ફરિયાદ નોંધાવી છે. કામરેજ પોલીસમાં ગુનો નોંધીને વધુ તપાસ હ થધરી છે.