Biparjoy live Update: ઉત્તર-ઉત્તરપૂર્વ તરફ આગળ વધી રહ્યું છે વાવાઝોડુ, આ રાજ્યને થશે સૌથી વધુ અસર, જાણો વધુ અપડેટ

Biparjoy Latest Update: બિપરજોય સાયક્લોનને હવે દિશા બદલી છે. હવે આ ચક્રવાત દિશા બદલીને વાવાઝોડું જખૌ તરફ ફંટાયું છે. 9 કિ.મી પ્રતિ કલાકની ઝડપે દરિયામાં આગળ વધી રહ્યું છે.

બ્રેકગ્રાઉન્ડ

Biparjoy Latest Update: બિપરજોય ઝડપી ગતિએ વધી રહ્યો છે અને તેની અસર દરિયાકાંઠાના વિસ્તારોમાં જોવા મળી શકે છે. હવામાન વિભાગે 'અત્યંત ગંભીર' ચક્રવાતી તોફાન બિપરજોયને લઈને ચેતવણી આપી છે.ચક્રવાતી તોફાન 'બિપરજોય' આગામી 24 કલાકમાં વધુ તીવ્ર બને તેવી શક્યતા છે. તોફાન ઉત્તર-ઉત્તરપૂર્વ તરફ આગળ વધી રહ્યું છે. જેના કારણે અરબી સમુદ્ર કિનારે વલસાડના તિથલ બીચ પર ઉંચા મોજા ઉછળી રહ્યા છે જેના કારણે તિથલ બીચને 14 જૂન સુધી પ્રવાસીઓ માટે બંધ કરી દેવામાં આવ્યો છે.ઉત્તરપૂર્વ અને દક્ષિણ ભારતમાં ભારે વરસાદ પડશેIMD અનુસાર, આજે પૂર્વોત્તર ભારતના મણિપુર, મિઝોરમ અને ત્રિપુરામાં ભારે વરસાદ થઈ શકે છે. આસામ અને મેઘાલયમાં સોમવાર અને મંગળવારે ભારે વરસાદની શક્યતા છે. દક્ષિણ ભારતમાં આગામી ત્રણ દિવસ દરમિયાન કેરળ, કોસ્ટલ કર્ણાટક અને લક્ષદ્વીપમાં ભારે વરસાદની શક્યતા છે. સબ-હિમાલયન પશ્ચિમ બંગાળ અને સિક્કિમમાં રવિવારથી મંગળવાર સુધી ભારે વરસાદની અપેક્ષા છે.

10/06/2023 17:10:52

CISFના જવાનો દ્વારા સુરતના સુવાલી દરિયા કિનારે પેટ્રોલીંગ શરૂ કરાયું

સુરતમાં સંભવિત બિપરજોય વાવાઝોડાની અસર જોવા મળી રહી છે. CISFના જવાનો દ્વારા સુવાલી દરિયા કિનારે પેટ્રોલીંગ શરૂ કરાયું છે.  પવન સાથે દરિયામાં ઊંચા મોજા ઉછળી રહ્યા છે. સાવચેતીના ભાગ રૂપે સુરતનો ડુમસ અને સુંવાળી બીચ પર્યટકો માટે બંધ  કરવામાં આવ્યો છે. સંભવિત વાવાઝોડાના પગલે સુરત જિલ્લા વહીવટી તંત્ર દ્વારા લોકોને બીચ પર નહીં જવા માટે સૂચનાઓ આપવામાં આવી છે.

10/06/2023 17:06:22

માંગરોળમાં તંત્ર દ્વારા લાઉડ સ્પીકરથી લોકોને કરાયા સાવચેત

માંગરોળમાં વાવઝોડાની અસર પૂર્વે સાવચેતીના પગલાં રૂપે લોકોને  સાવચેત કરવામાં આવ્યા. તંત્ર દ્વારા લાઉડ સ્પીકર દ્વારા જાહેરાત કરવામાં આવી. લોકોને સાવચેતી રાખવા  અપીલ. અફવા પર ધ્યાન ન આપવા અપાઈ સૂચના. માંગરોળનાં દરિયામાં કરંટ જોવા મળ્યો. માંગરોળ બંદર ઉપર બે નંબરનું સિગ્નલ લગાવાયું છે અને માછીમારોને દરિયો નહીં ખેડવાની સૂચના અપાઈ છે.

10/06/2023 16:35:57

પોરબંદરના દરિયામાં 15 ફૂટ ઉંચા મોજા ઉછળ્યા

બિપરજોય વાવાઝોડાના પગલે પોરબંદરનો દરિયો તોફાની બન્યો છે. પોરબંદરના દરિયામાં ભારે કરંટ સાથે 10 થી 15 ફૂટ ઉચા મોજા ઉછળ્યા. ચોપાટી ઇન્દ્રેસ્વર મહાદેવ મંદિર નજીકના રોડ સુધી સમુદ્રના મોજા ઉછળતાં રોડ સુધી પાણી પહોંચ્યા. પોરબંદર સહિતના સૌરાષ્ટ્રના દરીયા કિનારે ભારે પવન સાથે વરસાદ આગાહી છે.

10/06/2023 15:44:54

ગોમતી ઘાટ પર 7 ફૂટ ઉચા મોજા ઉછળ્યા

બિપરજોય વાવાઝોડાના કારણે દ્વારકાનાં પવિત્ર ગોમતી ઘાટ પર આજે પણ 7 ફૂટ જેટલા ઉંચા  મોજા ઉછળ્યા.  દરિયામાં કરંટ અને હવામાન ખાતાની આગાહી વચ્ચે મોજા ઉછળ્યા. તંત્ર એલર્ટ હોય પ્રવાસીઓને ગોમતી ઘાટ પર ન્હાવાની મનાઈ ફરમાવાઈ છે.

10/06/2023 15:17:39

પોરબંદરથી વાવાઝોડુ 590 કિલોમીટર દૂર

બિપરજોય વાવાઝોડાની ગતિને લઈ મોટા સમાચાર સામે આવ્યા છે. પોરબંદરથી વાવાઝોડું  590 કિલોમીટર અને મુંબઈથી વાવાઝોડુ 620 કિલોમીટર દૂર છે. પ્રતિ કલાક પાંચ કિમીની ઝડપે  વાવાઝોડુ આગળ વધી રહ્યું છે.

10/06/2023 14:11:09

વલસાડમાં NDRFની એક ટીમ સ્ટેન્ડબાય

વાવાઝોડાની આગાહીને પગલે વલસાડના તિથલના દરિયા કિનારે જવા પર 14 જુન સુધી લગાવાયો પ્રતિબંધ..દરિયા કિનારે ગોઠવી દેવાયો ચુસ્ત પોલીસ બંદોબસ્ત..તો અધિકારીઓને હેડ ક્વાર્ટર ન છોડવા આદેશ આપી દેવાયા છે. .NDRFની એક ટીમ વલસાડમાં સ્ટેન્ડ બાય રખાશે

10/06/2023 14:10:46

30થી 40 કિલોમિટર પ્રતિ કલાકની ઝડપે પવન ફુંકાશે

હવામાન વિભાગના અનુમાન મુજબ બે દિવસ 30થી 40 કિલોમિટર પ્રતિ કલાકની ઝડપે પવન  ફુંકાઈ શકે છે..આગામી પાંચ દિવસ માછીમારોને દરિયો ન ખેડવાની સુચના અપાઇ છે. ...13થી 15 જુન વચ્ચે દરિયા કાંઠે 40થી 50 કિલોમિટર પ્રતિ કલાકની પવન  ફુંકાશે પવન..આવતી કાળથી ધીમે ધીમે વધશે પવનની ઝડપ વધી શકે છે. ...હાલ તમામ બંદરો પર બે નંબરનું સિગ્નલ આપી દેવાયુ છે.

10/06/2023 14:10:17

અમદાવાદમાં ગાજવીજ સાથે વરસાદની શક્યતા

વાવાઝોડાને લઈને હવામાન વિભાગે આગાહી કરી છે,  ગુજરાતમાં આગામી પાંચ દિવસ  વરસાદ પડી શકે છે. આજે વલસાડ, સુરત, નવસારીમાં વરસાદની શક્યતા છે. તો સૌરાષ્ટ્ર અને કચ્છમાં પણ હળવા વરસાદની આગાહી કરવામાં આવી છે. તો અમદાવાદમાં ગાજવીજ સાથે વરસાદની શક્યતા હવામાન વિભાગે વ્યક્ત કરી છે

10/06/2023 14:10:06

અમદાવાદમાં ગાજવીજ સાથે વરસાદની શક્યતા

વાવાઝોડાને લઈને હવામાન વિભાગે આગાહી કરી છે,  ગુજરાતમાં આગામી પાંચ દિવસ  વરસાદ પડી શકે છે. આજે વલસાડ, સુરત, નવસારીમાં વરસાદની શક્યતા છે. તો સૌરાષ્ટ્ર અને કચ્છમાં પણ હળવા વરસાદની આગાહી કરવામાં આવી છે. તો અમદાવાદમાં ગાજવીજ સાથે વરસાદની શક્યતા હવામાન વિભાગે વ્યક્ત કરી છે

10/06/2023 12:43:56

બિપરજોય સાયકલોનની સંભવિત અસરોને પગલે ભાવનગર તંત્ર એલર્ટ

બિપરજોય સાયકલોનની સંભવિત અસરોને પહોંચી વળવા ભાવનગર જિલ્લા વહીવટી તંત્ર સજ્જ થયું છે. સંભવિત વાવાઝોડા અંગેની તૈયારી ની સમીક્ષા માટે જિલ્લા કલેકટરે બેઠક યોજી હતી.આ બેઠકમાં મહાનગરપાલિકાના કમિશનર જિલ્લા પોલીસ વડા તેમજ અલગ અલગ વિભાગના અધિકારીઓ જિલ્લાના હાજર રહ્યા હતા. આ ઉપરાંત દરેક વિભાગના અધિકારીઓને ઇમર્જન્સીના કિસ્સામાં 24 કલાક ઉપલબ્ધ રહેવા તાકીદ કરવામાં આવી છે. સંભવિત વાવાઝોડાની અસરને પહોંચી વળવા ભાવનગરનું તંત્ર અલર્ટ થયું છે હાલ ભાવનગરના તમામ બંદરો પર બે નંબરના સિગ્નલ લગાવી દેવામાં આવ્યા છે.  

10/06/2023 12:43:31

વાવાઝોડાને લઈને સુરત વહીવટી પ્રશાસન એલર્ટ

સંભવિત વાવાઝોડાની અસરના પગલે તંત્ર અગમચેતીના ભાગરૂપે  વ્યવસ્થા ગોઠવી રહ્યું છે. આજે સુરતના સવાલી ગામમાં મંત્રી  મંત્રી મુકેશ પટેલ દ્વારા તાકીદે બેઠક બોલવાઇ હતી. બેઠકમાં ધારાસભ્ય સંદીપ દેસાઈ, તલાટી અને અધિકારીઓ હાજર રહ્યા છે. ઇમર્જન્સીમાં સેલટર હોમ, સ્કૂલ માં રહેવા માટેની વ્યવસ્થાની પણ સમીક્ષા કરવામાં આવી છે.  

10/06/2023 12:43:20

વાવાઝોડાને લઈને સુરત વહીવટી પ્રશાસન એલર્ટ

સંભવિત વાવાઝોડાની અસરના પગલે તંત્ર અગમચેતીના ભાગરૂપે  વ્યવસ્થા ગોઠવી રહ્યું છે. આજે સુરતના સવાલી ગામમાં મંત્રી  મંત્રી મુકેશ પટેલ દ્વારા તાકીદે બેઠક બોલવાઇ હતી. બેઠકમાં ધારાસભ્ય સંદીપ દેસાઈ, તલાટી અને અધિકારીઓ હાજર રહ્યા છે. ઇમર્જન્સીમાં સેલટર હોમ, સ્કૂલ માં રહેવા માટેની વ્યવસ્થાની પણ સમીક્ષા કરવામાં આવી છે.  

10/06/2023 11:48:08

બિપરજોય વાવાઝોડાની અસરના કારણે દમણના દરિયામાં ભરતી

બિપરજોય વાવાઝોડાની અસર દમણના દરિયામાં પણ જોવા મળી અહીં દરિયામાં મોટી ભરતી આવતા ઊંચા મોજા ઉછળતા જોવા મળી રહ્યાં છે. દેવકા ના દરિયામાં ઊંચા તોતિંગ મોજાં ઉછળતા  સુંદર લાગતા દમણનો દરિયો ડરામણો બન્યો છે. દમણના દરિયાના પાણીએ કિનારો વટાવ્યો છે અને બહુ આગળ સુધી તેના મોજા આવી રહ્યાં છે.
પર્યટકો ને દરિયા કિનારા થી દુર રાખવા પોલીસ બંદોબસ્ત ગોઠવી દેવાયો છે. દમણ પોલીસ સ્પીકર વડે પ્રવાસીઓ ને સતર્ક કરી રહી છે.

10/06/2023 11:37:39

વાવાઝોડાને લઈને સુરત પોલીસનું જાહેરનામું

સુરતના ડુમસ અને સુંવાલી બીચ પણ હવામાનને જોતા  બંધ કરી દેવાયો છે. આજથી 13 જૂન સુધી પર્યટકોને બીચ માટે બંધ કરી દેવાયો છે. બીચ પર પોલીસનો  ચુસ્ત બંદોબસ્ત ગોઠવાયો છે.

10/06/2023 11:37:18

બિપરજોઇ વાવાઝાડોની દરિયા પર અસર, ગુજરાતના બીચ પર ઉછળ્યાં ઊંચા મોજા

બિપરજોય ભીષણ ચક્રવાતના કારણે સંઘ પ્રદેશ દમણનો દરિયો  ગાંડોતુર બન્યો છે. પર્યટકોને દરિયાકિનારે ન જવા અપીલ કરવામાં આવી છે. વાવાઝોડાના પગલે દરિયાકાંઠાના વિસ્તારોમાં પોલીસનો ચુસ્ત બંદોબસ્ત ગોઠવી દેવાયો છે.

વાવાઝોડાને લઈને નવસારીના દરિયા કિનારે પણ પર્યટકોને દરિયાકાંઠે જવા પર  સંપૂર્ણ પ્રતિબંધ લગાવી દેવાયો છે. ઉભરાટ દરિયાકાંઠે   પોલીસનો ચુસ્ત બંદોબસ્ત ગોઠવી દેવાયો છે.

વાવાઝોડાને લઈને જામનગર જિલ્લા પ્રશાસન એલર્ટ મોડ પર છે. જિલ્લા અને તાલુકા મથકે 24 કલાક કંટ્રોલરૂમ કાર્યરત છે. મામ બંદરો પર બે નંબરનું સિગ્નલ યથાવત.

10/06/2023 11:36:34

બિપરજોઇ વાવાઝાડું બનશે વધુ ભીષણ, આ વિસ્તારમાં પડશે વરસાદ

બિપરજોય વાવાઝોડાને લઇને હવામાન વિભાગે મહત્વની આગાહી કરી છે. અરબ સાગરમાં સર્જાયેલા આ ભીષણ સાયક્લોનિક સિસ્ટમના કારણે ગુજરાતમાં વરસાદ પડી છે. 80થી 90 કિલોમીટર પ્રતિ પવન સાથે સૌરાષ્ટ્ર અને દક્ષિણ ગુજરાતમાં વરસાદ થઇ શકે છે.

10/06/2023 11:36:17

બિપરજોય વાવાઝોડાને લઈને સ્કાઈમેટનું શું છે આંકલન?

બિપરજોય વાવાઝોડાને લઇને જુદા જુદા હવામાનના મોડલ હવાની દિશાનો અનુમાન લગાવી રહયાં છે. સ્કાઇમેટના આંકલન પર  નજર કરીએ તો તેમણે ચોમાસાને લઇને એક મહત્વપૂણ આગાહી કરી છે. વાવાઝોડાને લઈને ચોમાસામાં  મોડું થઇ શકે છે. સ્કાઇમેટ મુજબ ચોસાસું 14 જૂન બાદ ચોમાસુ વધુ ગતિ પકડશે,દક્ષિણ-પશ્ચિમ હવાઓ મજબુત બનતા ચોમાસુ આગળ વધશે.

10/06/2023 11:35:54

વાવાઝોડાને લઈને કચ્છના કંડલા પોર્ટ પર ચેતવણી જાહેર

બિપરજોઇ વાવાઝડોના લઇને તંત્ર સતત એક્શન મોડમા જોવા મળી રહ્યું છે. વાવાઝડો સતત દિશા બદલી રહ્યો છે. જખો તરફ વળતા ગુજરાત પર  ખતરો વધ્યો છે. જેના પગલે કંડલા પોર્ટે સલામતી માટે જહાજોની એન્ટ્રી પર પ્રતિબંધ મૂકી દેવાયો છે. સાંજથી કોઈ નવા જહાજને પોર્ટમાં લગારવા  દેવાઈ નહિ આવે

10/06/2023 11:35:21

બિપરજોયને લઈને દ્વારકા જિલ્લા પ્રશાસન એલર્ટ

બિપરજોઇ વાવાઝોડાને લઇને દ્રારકા પ્રસાશન પણ એલર્ટ મોડ પર છે. હાલ વાવાઝોડાના કારણે દ્રારકાના દરિયામાં કરંટ જોવા મળી રહ્યો છે જેના પગલે  દરિયાકાંઠે ન્હાવા, જવા પર પ્રતિબંધ લગાવાયો છે. છેલ્લા બે દિવસથી દરિયામાં ઉંચા મોજા  ઉછળી રહ્યાં છે.દરિયાથી દુર રહેવા માટે લોકોને અપીલ કરવામાં આવી છે.

10/06/2023 11:35:00

વાવાઝોડાને લઈને અંબાલાલ પટેલે શું આપ્યા સંકેત

બિપર વાવાઝોડાને લઇને  અંબાલાલ પટેલે કેટલીક આગાહી કરી છે. તેમણે આપેલા સંકેત મુજબ આગામી 24 કલાકમાં વાવાઝોડું ભયાનક બનશે.પશ્ચિમ સૌરાષ્ટ્રમાં ભારે પવન ફુંકાશે.દક્ષિણ ગુજરાત, સૌરાષ્ટ્રમાં ભારે વરસાદની શક્યતા પણ વ્યક્ત કરી છે. દ્વારકા, પોરબંદર, જામનગરમાં ભારે વરસાદની શક્યતા અંબાલાલે વ્ય્ક્ત તરી છે. તો સૌરાષ્ટ્રમાં ભાવનગર, જૂનાગઢમાં પણ  ભારે પવન ફુંકાઇ શકે છે.

10/06/2023 11:16:23

વાવાઝોડું ગુજરાત દરિયાકાંઠાના નજીકથી પસાર થવાની શક્યતા

બિપરજોય વાવાઝડો આગામી 24 કલાકમાં ભીષણ સ્વરૂપ ધારણ કરે તેવી શક્યતા જોવાઇ રહી છે. છેલ્લા 12 કલાકમાં દિશા બદલી વાવાઝોડું જખૌ તરફ ફંટાયું છે. વાવાઝોડું 9 કિ.મીની ઝડપે આગળ વધી રહ્યું છે. વાવાઝોડું મુંબઈથી 620, તો ગોવાથી 700 કિ.મી દુર છે.

10/06/2023 11:16:00

વાવાઝોડાને લઈને NDRFની ત્રણ ટીમ રવાના

બિપરજોય વાવાઝડાને લઇને વહીવટી તંત્ર એકશન મોડમાં છે. NDRFની ટીમ પોરબંદર, ગીર સોમનાથ અને વલસાડ જવા રવાના થઇ છે. 25 સભ્યોની એક ટીમ રેસ્ક્યુ સામગ્રી સાથે રવાના થઇ છે.

10/06/2023 11:15:36

અરબી સમુદ્રમાં વાવાઝોડાએ ધારણ કર્યુ અતિ ભયાનક સ્વરૂપ, દિશા બદલીને જખૌ તરફ ફંટાયું

બિપરજોય સાયક્લોનને હવે દિશા બદલી છે. હવે આ ચક્રવાત દિશા બદલીને વાવાઝોડું જખૌ તરફ ફંટાયું છે. 9 કિ.મી પ્રતિ કલાકની ઝડપે દરિયામાં આગળ વધી રહ્યું છે.વાવાઝોડું પોરબંદરથી 640 કિ.મી દુર છે. વાવાઝોડું જખૌ તરફ આગળ વધતા ગુજરાત પર ખતરો વધ્યો છે