8મું પગાર પંચ: પટાવાળાથી IAS સુધી, કોના પગારમાં કેટલો વધારો થશે?

8મા પગાર પંચના અમલ બાદ દરેક સ્તરના કર્મચારીઓના મૂળ પગારમાં સંભવિત વધારાનું વિશ્લેષણ, પે મેટ્રિક્સના આધારે અંદાજિત આંકડાઓ.

8th Pay Commission salary increase: મોદી સરકારે 8મા પગાર પંચને મંજૂરી આપી દેતાં કેન્દ્રીય કર્મચારીઓમાં ખુશીની લહેર છવાઈ ગઈ છે. વર્ષ 2026માં સરકારી કર્મચારીઓના પગારમાં મોટો વધારો થવાની સંભાવના છે. જો કે, હજુ સુધી પગાર પંચની રચના થઈ નથી અને સરકારે કોઈ સ્પષ્ટ ચિત્ર આપ્યું નથી, પરંતુ ટૂંક સમયમાં આયોગની રચના થશે અને તે સરકારને ભલામણો આપશે.

દરેક સરકારી કર્મચારીના મનમાં એક સવાલ છે કે 8મું પગાર પંચ લાગુ થયા પછી તેમનો મૂળ પગાર કેટલો વધશે. આ અંગે હાલમાં સ્પષ્ટ રીતે કંઈ કહી શકાય તેમ નથી, પરંતુ મીડિયા અહેવાલો અને 7મા પગાર પંચના અમલ પછીના વધારાને ધ્યાનમાં રાખીને અંદાજ લગાવી શકાય છે.

પે મેટ્રિક્સ મુજબ સંભવિત વધારો:

નીચે આપેલ કોષ્ટકમાં પે મેટ્રિક્સના આધારે વિવિધ સ્તરના કર્મચારીઓના મૂળ પગારમાં સંભવિત વધારાનો અંદાજ આપવામાં આવ્યો છે:

લેવલ	વર્તમાન મૂળ પગાર (₹)	સંભવિત મૂળ પગાર (₹)	ગ્રેડ પે (₹)	કર્મચારીઓનો સમાવેશ
1	18,000	21,300	1,800 - 2,800	પટાવાળા, સફાઈ કામદારો
2	19,900	23,880	1,800 - 2,800
3	21,700	26,040	1,800 - 2,800
4	25,500	30,600	1,800 - 2,800
5	29,200	35,040	1,800 - 2,800
6	35,400	42,480	4,200 - 5,400	પ્રાથમિક અને માધ્યમિક શિક્ષકો, ગ્રામ વિકાસ અધિકારીઓ
7	44,900	53,880	4,200 - 5,400
8	47,600	57,120	4,200 - 5,400
9	53,100	63,720	4,200 - 5,400
10	56,100	67,320	5,400 - 7,600
11	67,700	81,240	5,400 - 7,600
12	78,800	94,560	5,400 - 7,600
13	1,23,100	1,47,720	8,700 - 10,000
14	1,44,200	1,73,040	8,700 - 10,000
15	1,82,200	2,18,400		IAS અધિકારીઓ, સચિવો
16	2,05,400	2,46,480
17	2,25,000	2,70,000
18	2,50,000	3,00,000		મુખ્ય સચિવો

મહત્વપૂર્ણ નોંધ: અહીં ફક્ત મૂળ પગારમાં વધારાનો ઉલ્લેખ કરવામાં આવ્યો છે. મૂળભૂત પગાર ઉપરાંત મોંઘવારી ભથ્થું અને અન્ય વિવિધ ભથ્થાઓનો પણ કર્મચારીઓના કુલ પગારમાં સમાવેશ થાય છે.

લાંબા સમયથી ચાલતી માંગણી

કેન્દ્રીય કર્મચારીઓના સંગઠનો ઘણા સમયથી કેબિનેટ સચિવને મળીને 8મા પગાર પંચની રચનાની માંગણી કરી રહ્યા હતા અને આ માટે સરકાર પર સતત દબાણ કરી રહ્યા હતા. છેલ્લા એક વર્ષમાં ઘણી વખત કર્મચારી સંગઠનોએ કેન્દ્ર સરકાર પાસે આ બાબતે સ્પષ્ટતા કરવાની માંગણી કરી હતી. છેલ્લા બજેટ પછી જ્યારે નાણા સચિવ ટીવી સોમનાથનને આ વિશે પૂછવામાં આવ્યું ત્યારે તેમણે કહ્યું હતું કે સરકાર પાસે આ કામ માટે હજુ પૂરતો સમય છે.

7મું પગાર પંચ અને 8મા પગાર પંચનો અમલ

દેશમાં 1 જાન્યુઆરી, 2016થી 7મું પગાર પંચ લાગુ કરવામાં આવ્યું હતું, જેનો લાભ લગભગ 1 કરોડ લોકોને મળ્યો હતો. સામાન્ય રીતે દર 10 વર્ષે પગાર પંચનો અમલ થતો હોવાથી એવી અપેક્ષા છે કે કેન્દ્રની નરેન્દ્ર મોદી સરકાર 1 જાન્યુઆરી, 2026થી 8મું પગાર પંચ લાગુ કરશે. આનાથી લઘુત્તમ વેતન અને પેન્શનમાં મોટા ફેરફારો થવાની સંભાવના છે.

આ પણ વાંચો...