Aadhaar Card Update: આધાર કાર્ડ યુઝર્સ માટે રાહતના સમાચાર છે. જારી કરનાર સંસ્થા UIDAIએ કહ્યું કે હવે તમે આધાર સાથે સંબંધિત કામ વધુ સરળતાથી કરી શકશો. આધાર કેન્દ્રો પર ભીડથી રાહત મળશે. તમને જણાવી દઈએ કે યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા આયોજિત 166 આધાર સેવા કેન્દ્રોમાંથી, 58 કેન્દ્રોએ અત્યાર સુધીમાં કામ કરવાનું શરૂ કર્યું છે, જ્યાં તેઓ સરળતાથી તેમના અપડેટનું કામ કરી શકે છે.
આધાર સંબંધિત સમસ્યાઓ દૂર થશે
તમને જણાવી દઈએ કે UIDAI દ્વારા જારી કરવામાં આવેલા આ આધાર સેવા કેન્દ્રો (ASKs)માં રહેવાસીઓ તેમના સરનામું, નામ અને જન્મ તારીખથી સંબંધિત ઘણી વસ્તુઓ સરળતાથી કરી શકે છે. આ સિવાય આધાર સંબંધિત અન્ય કોઈપણ પ્રકારની સમસ્યા માટે તમે અહીં સંપર્ક કરી શકો છો.
58 કેન્દ્રોની સ્થાપના કરવામાં આવી છે
UIDAIના ચીફ એક્ઝિક્યુટિવ ઓફિસર સૌરવ ગર્ગે ગાઝિયાબાદમાં આધાર સેવા કેન્દ્રના લોન્ચિંગ પ્રસંગે જણાવ્યું હતું કે, “UIDAIએ દેશભરના 122 શહેરોમાં 166 આધાર સેવા કેન્દ્રો ચલાવવાની યોજના બનાવી છે. તેમાંથી અત્યાર સુધીમાં 58 કેન્દ્રોની સ્થાપના કરવામાં આવી છે અને તેમણે કામ કરવાનું શરૂ કર્યું." "આ તમામ કેન્દ્રો વાતાનુકૂલિત છે અને પર્યાપ્ત બેઠક ક્ષમતા સાથે ડિઝાઇન કરવામાં આવ્યા છે અને અલગ-અલગ-વિકલાંગોની જરૂરિયાતોને ધ્યાનમાં રાખીને ડિઝાઇન કરવામાં આવ્યા છે,"
આધાર કેન્દ્રનું ઉદ્ઘાટન
એક સત્તાવાર નિવેદન અનુસાર, ઈલેક્ટ્રોનિક્સ અને આઈટી રાજ્ય મંત્રી રાજીવ ચંદ્રશેખર અને રોડ ટ્રાન્સપોર્ટ, હાઈવે અને નાગરિક ઉડ્ડયન રાજ્ય મંત્રી વીકે સિંહે રવિવારે ગાઝિયાબાદમાં ઉત્તર પ્રદેશમાં સ્થિત પાંચમા આધાર સેવા કેન્દ્રનું સંયુક્તપણે ઉદ્ઘાટન કર્યું.
આધાર કાર્ડ ડાઉનલોડ કરવાની સ્ટેપ બાય સ્ટેપ પ્રોસેસ
Step 1: આધાર કાર્ડ ડાઉનલોડ કરવા માટે સૌથી પહેલા UIDAI ની સત્તાવાર વેબાસાઇટ https://uidai.gov.in/ પર જાવ.
Step 2: તમે ઈચ્છો તો સીધા જ લિંક https://eaadhaar.uidai.gov.in/ પર પણ જઈ શકો છો.
Step 3: જે બાદ તમારું પૂરું નામ, ઈમેલ આઈડી અને આધાર નંબર આપો.
Step 4: આ પછી તમને આ ઓપ્શન જોવા મળશે. જેમાં આધાર, એનરોલમેંટ ID, વર્ચુઅલ ID દેખાશે.
Step 5: જેમાંથી આધાર કાર્ડનો વિકલ્પ પસંદ કરો.
Step 6: જે બાદ તમારો12 નંબરનો આધાર કાર્ડ નંબર આપો.
Step 7: આ પછી તમારે Verification માટે Captcha કોડ નાંખીને OTP ઓપ્શન પસંદ કરવો પડશે.
Step 8: જે બાદ તમારા મોબાઈલ નંબર પર આવેલો OTP આપીને Submit કરો.
Step 9: આ પછી તમે તમારું E Aadhaar Card ડાઉનલોડ કરી શકશો.