જો તમે તમારા પરિવાર માટે કોઈ ઘર, મકાન, ફ્લેટ અથવા એપાર્ટમેન્ટ ખરીદવાનું વિચારી રહ્યા છો તો આ સમાચાર ફક્ત તમારા માટે છે. સામાન્ય રીતે, રિયલ એસ્ટેટ માર્કેટમાં બે પ્રકારની પ્રોપર્ટી ઉપલબ્ધ હોય છે - અંડર કંસ્ટ્રક્શન અને રેડી ટુ મૂવ. ખરીદદારો તેમની જરૂરિયાત મુજબ અંડર કંસ્ટ્રક્શન અને રેડી-ટુ-મૂવ મિલકતો ખરીદે છે. પરંતુ રેડી-ટુ-મૂવ પ્રોપર્ટીના પોતાના ફાયદા છે કારણ કે માત્ર એક જ પેમેન્ટથી તમે તમારા આખા પરિવાર સાથે આવી પ્રોપર્ટીમાં શિફ્ટ થઈ શકો છો. પરંતુ રેડી-ટુ-મૂવ પ્રોપર્ટી ખરીદતી વખતે 4 ખૂબ જ મહત્વપૂર્ણ બાબતોનું ધ્યાન રાખવું ખૂબ જ જરૂરી છે.
માલિકીના અધિકારો
જો તમે રેડી-ટુ-મૂવ પ્રોપર્ટી ખરીદવા જઈ રહ્યા છો, તો પહેલા તેના અસલી માલિક વિશે નક્કર માહિતી મેળવો. આ માટે તમારે તે મિલકતના કાગળો સાથે મહેસૂલ કચેરીમાં પહોંચવું જોઈએ અને ખાતરી કરવી જોઈએ કે તમે જેની પાસેથી મિલકત ખરીદો છો તે વ્યક્તિ તે મિલકતનો અસલી માલિક છે અને તેની પાસે તે મિલકતના માલિકી હક છે. જેથી કરીને ભવિષ્યમાં કોઈ સમસ્યાનો સામનો ન કરવો પડે.
પ્રોપટીની ઉંમર
તમે જે પ્રોપર્ટી ખરીદવા જઈ રહ્યા છો તેની ચોક્કસ ઉંમર જાણવી ખૂબ જ જરૂરી છે. આજના સમયમાં કોઈપણ મિલકતની મહત્તમ ઉંમર 70 થી 80 વર્ષ ગણવામાં આવે છે. ધ્યાનમાં રાખો કે તમારી પ્રોપર્ટી જેટલી જૂની હશે, તેની કિંમત નવી પ્રોપર્ટી સાથે ઓછી થશે. પ્રોપર્ટીની ચોક્કસ ઉંમર જાણવા માટે તમે તે વિસ્તારના સ્થાનિક લોકો અને પ્રોપર્ટી ડીલરો સાથે વાત કરી શકો છો. આ સિવાય તમે સ્ટ્રક્ચરલ એન્જિનિયરની મદદ પણ લઈ શકો છો.
સુવિધાઓ
કોઈપણ પ્રોપર્ટી ખરીદતા પહેલા ખાતરી કરો કે ત્યાં કઈ સુવિધાઓ ઉપલબ્ધ છે. ઘરમાં ઉપલબ્ધ વીજળી, પાણી અને ગટર ઉપરાંત આસપાસના વિસ્તારોની પણ માહિતી હોવી જોઈએ. તમે જે જગ્યાએ પ્રોપર્ટી ખરીદી રહ્યા છો ત્યાં રસ્તાઓ કેવા છે, સાર્વજનિક પરિવહનની સ્થિતિ શું છે, શાળાઓ અને હોસ્પિટલો કેટલી દૂર છે, આવશ્યક ચીજવસ્તુઓની ઓનલાઈન ડિલિવરી છે કે નહીં તે અંગેની નક્કર માહિતી મેળવો.તમારા ઘરની નજીકમાં મળતી તમામ સુવિધાઓ વિશેની જાણકારી મેળવી લેવી ખૂબ જ જરુરી છે.
આરડબ્લૂએ
રિયલ એસ્ટેટ નિષ્ણાતોનું કહેવું છે કે આજના સમયમાં રેસિડેન્ટ વેલ્ફેર એસોસિએશન (RWA) ખૂબ જ મહત્વપૂર્ણ બની રહ્યું છે. કોઈપણ શહેરમાં શિફ્ટ થતા નવા લોકો માટે સુરક્ષા એ એક મોટી સમસ્યા છે. સામાન્ય રીતે RWA સોસાયટીની સુરક્ષાની જવાબદારી લે છે અને પોતાના વતી સુરક્ષા પણ પૂરી પાડે છે. આ ઉપરાંત ઘણી જગ્યાએ આરડબ્લ્યુએ વીજળી અને પ્લમ્બિંગ જેવા કામોની જવાબદારી પણ લે છે.