Union Budget 2022: ITRમાં ભૂલ સુધારવા મળશે હવે આટલો સમય, બજેટમાં થઈ મોટી જાહેરાત

Budget 2022 Update: નિર્મલા સીતારમણે કહ્યું છે કે હવે અપડેટેડ રિટર્ન ઓરિજિનલ રિટર્ન ફાઈલ કર્યાના બે વર્ષ સુધી ફાઈલ કરી શકાશે.

Budget 2022: નાણામંત્રી નિર્મલા સીતારમણે મંગળવારે સંસદમાં કેન્દ્રીય બજેટ રજૂ કર્યું. નાણાપ્રધાન નિર્મલા સીતારમણે જાહેરાત કરી છે કે હવે તમે તમારા આવકવેરા રિટર્નને બે વર્ષ માટે સુધારી શકો છો. સીએ અખિલેશ જૈનના જણાવ્યા અનુસાર, જો સુધારેલા રિટર્નમાં ટેક્સની જવાબદારી આવે છે તો કરદાતા સામાન્ય દરે ટેક્સ ચૂકવીને તેનું આવકવેરા રિટર્ન સુધારશે અને તેને કોઈપણ પ્રકારનો દંડ લાગશે નહીં. કેન્દ્રીય નાણામંત્રી નિર્મલા સીતારમણે સંસદમાં બજેટ ભાષણ દરમિયાન કરદાતાઓને રાહત આપતા જાહેરાત કરી હતી કે હવે આવકવેરા રિટર્નમાં ભૂલ સુધારવા માટે બે વર્ષ સુધીનો સમય આપવામાં આવશે.

આવકવેરા રિટર્ન બે વર્ષ સુધી સુધારી શકાશે

નિર્મલા સીતારમણે કહ્યું છે કે હવે અપડેટેડ રિટર્ન ઓરિજિનલ રિટર્ન ફાઈલ કર્યાના બે વર્ષ સુધી ફાઈલ કરી શકાય છે. કેન્દ્રીય બજેટ 2022 રજૂ કરતા, નાણામંત્રી નિર્મલા સીતારમણે દાવો કર્યો હતો કે આનાથી સામાન્ય લોકોને સુવિધા મળશે અને કેસમાં ઘટાડો થશે. જબલપુરના સીએ અખિલેશ જૈને કરદાતાઓ માટે રાહતનો નિર્ણય ગણાવ્યો છે. તેમણે કહ્યું કે બે વર્ષમાં આવકવેરા રિટર્નમાં સુધારો કરીને એવા કરદાતાઓને ફાયદો થશે, જેમના રિટર્નમાં જાણ્યે-અજાણ્યે કેટલીક ભૂલ થઈ હોય.

આ સમયગાળા દરમિયાન, જો ટેક્સની જવાબદારી બહાર આવે તો પણ, સામાન્ય દરે ટેક્સ ચૂકવીને રિટર્ન ફાઇલ કરી શકાય છે. આકારણી વર્ષ 2021-22 માં દેશભરમાં 5.89 કરોડ ITR ફાઈલ કરવામાં આવ્યા હતા. તેમાંથી 49.6 ટકા ITR-1 (2.92 કરોડ), 9.3 ટકા ITR-2 (54.8 લાખ), 12.1 ટકા ITR-3 (71.05 લાખ) સામેલ છે. 27.2 ટકા ITR-4 (1.60 કરોડ), 1.3 ટકા ITR-5 (7.66 લાખ) ફાઇલ કરવામાં આવ્યા હતા. આ સિવાય 2.58 લાખ ITR-6 અને 0.67 લાખ ITR-7 ભરાયા હતા. 

આ પણ વાંચોઃ