નવા વર્ષ 2026માં તમે પણ રોકાણ કરી શકો છો. છેલ્લા ઘણા વર્ષોમાં સામાન્ય લોકો પણ રોકાણ કરવા પ્રત્યે જાગૃત થયા છે. લોકો મ્યુચ્યુઅલ ફંડ, બેંક એફડી, સેવિંગ સ્કીમ્સમાં રોકાણ કરતા હોય છે. તમે પણ નાની ઉંમરમાં રોકાણ શરુ કરી એક મોટું ફંડ બનાવી શકો છો. દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (SBI) તેના ગ્રાહકોને FD પર ઉત્તમ વ્યાજ દરો આપી રહી છે.
દેશની ઘણી બેંકોએ તેમના FD વ્યાજ દરોમાં ઘટાડો કર્યો છે. પરિણામે, સ્ટેટ બેંક ઓફ ઈન્ડિયા (SBI) એ પણ તેના FD વ્યાજ દરોમાં ઘટાડો કર્યો છે. જોકે, દર ઘટાડા છતાં SBI ની FD યોજનાઓ આકર્ષક વળતર આપવાનું ચાલુ રાખે છે. અહીં, અમે તમને આવી જ એક SBI FD યોજના વિશે જણાવીશું જેમાં તમે ફક્ત ₹1 લાખ જમા કરાવીને તમે 41826 નું ગેરંટી સાથે નિશ્ચિત વ્યાજ મેળવી શકો છો.
વરિષ્ઠ નાગરિકો માટે મહત્તમ 7.10 ટકા વ્યાજ દર
સ્ટેટ બેંક ઓફ ઈન્ડિયામાં 7 દિવસથી 10 વર્ષ સુધીના સમયગાળા માટે FD ખાતા ખોલી શકાય છે. SBI FD ખાતાઓ પર 3.05% થી 7.10% સુધીના વ્યાજ દરો આપે છે. દેશની સૌથી મોટી જાહેર ક્ષેત્રની બેંક તેની 444 દિવસની અમૃત વૃષ્ટી સ્પેશિયલ એફડી યોજના પર સામાન્ય નાગરિકો માટે મહત્તમ 6.60 ટકા અને વરિષ્ઠ નાગરિકો માટે મહત્તમ 7.10 ટકા વ્યાજ દર ઓફર કરી રહી છે. એસબીઆઈ તેની 5 વર્ષની એફડી યોજના પર સામાન્ય નાગરિકો માટે 6.05 ટકા વ્યાજ દર ઓફર કરી રહી છે, જ્યારે વરિષ્ઠ નાગરિકોને તેની 5 વર્ષની એફડી પર 7.05 ટકા વળતર મળી રહ્યું છે.
1 લાખ ડિપોઝિટ પર તમને 40 હજારથી વધુ વ્યાજ
જો તમે સામાન્ય નાગરિક છો એટલે કે 60 વર્ષથી ઓછી ઉંમરના છો અને સ્ટેટ બેંક ઓફ ઈન્ડિયામાં 5 વર્ષની એફડીમાં 1 લાખ રૂપિયા જમા કરાવો છો, તો તમને પાકતી મુદત પર કુલ 1,35,018 રૂપિયા મળશે. આમાં 35,018 રૂપિયાનો ફિક્સ્ડ વ્યાજ દર શામેલ છે. તેવી જ રીતે, જો તમે વરિષ્ઠ નાગરિક છો એટલે કે તમારી ઉંમર 60 વર્ષ કે તેથી વધુ છે અને તમે SBI માં 5 વર્ષની FD માં 1 લાખ રૂપિયા જમા કરાવો છો તો તમને પાકતી મુદત પર કુલ 1,41,826 રૂપિયા મળશે. આમાં તમારું 41,826 રૂપિયાનું નિશ્ચિત વ્યાજ પણ શામેલ છે.