Edible Oil Price: સારા સમાચાર! ખાદ્ય તેલ થશે સસ્તું, મોદી સરકારે ભર્યું આ પગલું, જાણો કેટલો ઘટશે ભાવ?

Edible Oil Price Decrease: દેશમાં વધતી મોંઘવારી વચ્ચે આમ આદમીને રાહત આપવા માટે કેન્દ્ર સરકારે મોટું પગલું ભર્યું છે. સરકારે ખાદ્યતેલની કિંમત પર અંકુશ લગાવવા નવો પ્લાન બનાવ્યો છે.

Edible Oil Companies in India:  દેશમાં વધી રહેલી મોંઘવારી વચ્ચે કેન્દ્ર સરકારે સામાન્ય લોકોને રાહત આપવા માટે એક મોટું પગલું ભર્યું છે. ખાદ્યતેલના ભાવને અંકુશમાં લેવા માટે સરકારે નવી યોજના બનાવી છે. જેથી સામાન્ય લોકોને ખાદ્યતેલના ભાવમાં રાહત મળશે. તેલ અને તેલીબિયાંના ભાવને અંકુશમાં રાખવા માટે કેન્દ્રએ રાજ્યોને ચીજવસ્તુઓ પર સંગ્રહ મર્યાદાના આદેશનો અમલ કરવા જણાવ્યું છે.

રાજ્યોને આદેશ

કેન્દ્રએ રાજ્યોને સપ્લાય ચેઈન અને વેપારમાં ખલેલ પહોંચાડ્યા વિના આ આદેશનો અમલ કરવા જણાવ્યું છે. 3 ફેબ્રુઆરીએ કેન્દ્રીય ગ્રાહક બાબતોના મંત્રાલયે ખાદ્યતેલ અને તેલીબિયાં પરના સ્ટોક લિમિટને ત્રણ મહિના એટલે કે 30 જૂન સુધી વધારવાનો આદેશ આપ્યો હતો. ઓર્ડરમાં સ્ટોરેજની મર્યાદાનો પણ ઉલ્લેખ કરવામાં આવ્યો છે.

મોંઘવારીનો માર સામાન્ય જનતા પર ન પડવો જોઈએ

મંત્રાલયે તમામ રાજ્યો અને કેન્દ્રશાસિત પ્રદેશોને આ યોજના લાગુ કરવાનો આદેશ આપ્યો છે, જેથી સામાન્ય લોકોને મોંઘા તેલનો માર સહન ન કરવો પડે. મંત્રાલયે એક નિવેદનમાં જણાવ્યું હતું કે, મીટિંગ દરમિયાન, એ વાત પર ભાર મૂકવામાં આવ્યો હતો કે રાજ્યો/કેન્દ્રશાસિત પ્રદેશોએ સ્ટોક મર્યાદાના આદેશનો અમલ કરવો જોઈએ, પરંતુ આ આદેશનો અમલ કરતી વખતે, એ સુનિશ્ચિત કરવું જોઈએ કે સપ્લાય ચેઇન અને વ્યવસાયમાં કોઈ ખલેલ ન પડે.

નિવેદન બહાર પાડી આપી માહિતી

નિવેદનમાં કહેવામાં આવ્યું છે કે આ પગલું સંગ્રહખોરી, બ્લેક માર્કેટિંગ જેવી અન્યાયી પ્રથાઓને અટકાવશે. ખાદ્ય તેલના વર્તમાન આંતરરાષ્ટ્રીય ભાવની સ્થિતિ વિશે પણ રાજ્યોને જાણ કરવામાં આવી છે. રાજ્યોને જાણ કરવામાં આવી હતી કે આંતરરાષ્ટ્રીય કિંમતો ભારતીય બજાર પર કેવી અસર કરી રહી છે.

90 દિવસ જેટલો સ્ટોક રાખો

ખાદ્ય તેલના કિસ્સામાં, રિટેલરો માટે સંગ્રહ મર્યાદા 30 ક્વિન્ટલ છે. આ મર્યાદા જથ્થાબંધ વેપારીઓ માટે 500 ક્વિન્ટલ, જથ્થાબંધ ગ્રાહકો માટે 30 ક્વિન્ટલ રિટેલ આઉટલેટ્સ અને છૂટક વિક્રેતાઓ તથા તેમના ડેપો માટે 1,000 ક્વિન્ટલ છે. ખાદ્ય તેલના પ્રોસેસર્સ તેમની સંગ્રહ ક્ષમતાના 90 દિવસ સુધી સ્ટોક રાખી શકે છે.

જથ્થાબંધ વેપારીઓ માટે 2,000 ક્વિન્ટલ મર્યાદા

તેલીબિયાંના કિસ્સામાં સંગ્રહ મર્યાદા છૂટક વેપારીઓ માટે 100 ક્વિન્ટલ અને જથ્થાબંધ વેપારીઓ માટે 2,000 ક્વિન્ટલ છે. ખાદ્ય તેલીબિયાંના પ્રોસેસર્સ 90 દિવસ સુધી ખાદ્ય તેલના ઉત્પાદનની સમકક્ષ તેલીબિયાંનો સ્ટોક જાળવી શકશે. નિકાસકારો અને આયાતકારોને અમુક શરતો સાથે આ ઓર્ડરના કાર્યક્ષેત્રમાંથી બાકાત રાખવામાં આવ્યા છે.