કોરોના વાયરસની બીજી લહેરમં આર્થિક અનિશ્ચિતતાઓની વચ્ચે સોનાની કિંમતમાં ઉતાર ચડાવ જોવા મળી રહી છે. સોનામાં મોટા રોકાણકારોના રોકાણથી કિંમત વધી રહી છે. પંરતુ તેની ફિઝિકલ માગ ઘટી છે. લગ્ન અને તહેવારની સીઝન બાદ સોનાની કિંમત વધારે નથી વધી. આજે એમસીએક્સમાં સોનું 0.23 ટકાની તેજી સાથે 47108 પ્રતિ 10 ગ્રામ ટ્રેડ થઈ રહ્યું છે. જ્યારે ચાંદી 0.27 ટકાની તેજી સાથે 69809 રૂપિયા પ્રતિ કિલોગ્રામ પર ટ્રેડ થઈ રહી છે. ઓગસ્ટ 2020માં સોનાની કિંમત 56200 રૂપિયા પ્રતિ 10 ગ્રામની રેકોર્ડ સપાટીએ પહોંચી ગઈ હીત. માટે હજુ પણ સોનું આ સપાટીથી 9100 રૂપિયા નીચું છે. જ્યારે ચાંદી પણ પોતાની રેકોર્ડ સપાટીથી 10100 રૂપિયા સસ્તી છે.
સોનામાં ફરી તેજીની શક્યતા
ભારતમાં કોરોનાની બીજી લહેરને કારણે અનેક રાજ્યોએ લોકડાઉન અને સ્થાનીક સ્તરે નિયંત્રણઓ લાદવામાં આવ્યા છે. એવામાં આર્થિક ગતિવિધિ અટકી જવાનું જોખમ છે. આર્થિક અનિશ્ચિતતાના આ સમયમાં સોનામાં રોકાણ વધી જાય છે. કારણ કે લોકો સુરક્ષિત રોકાણ તરીકે સોના તરફ વળે છે. માટે જો તમે સોનું ખરીદવા માગતા હો તો હાલમાં સારી તક છે. આવનારા દિવસોમાં ભલે સોનાની માગ ન હોય પરંતુ ભાવ ઉછળવાની સંભાવના છે. જ્વેલરી અને રિટેલ ખરીદી ન પણ વધે તો પણ મોટા રોકાણકારો હેજિંગ તરીકે તેમાં રોકાણ કરી શકે છે અને તેના કારણે કિંમત પણ વધી શકે છે.
સુરક્ષિત રોકાણ તરીકે સોનામાં રોકાણની શક્યતા
હાલમાં ઘરેલુ માર્કેટમાં સોનામાં તેજી જોવા મળી રહી છે. ડોલર સામે રૂપિયો નબળો પડવાને કારણે સોનામાં તેજીનો જમકારો જોવા મળ્યો છે. સાથે જ કોરોના વાયરસના નવા કેસમાં આવેલ ઉછાળાને કારણે પણ રોકાણકારો સુરક્ષિત રોકાણ તરીકે સોના તરફ વળ્યા છે. તેનાથી સોનાની કિંમત હજુ પણ વધવાની શક્યતા છે. આશા છે કે આવનારા દિવસોમાં સોનાની કિંમતમાં સારી એવી તેજી થઈ શકે છે. હાલમાં દેશમાં સોનાની આયાત વધી રહી છે. માટે કહેવાય છે કે, આવનારા દિવોસમાં રિટેલ ખરીદદારો પણ સુરક્ષિત રોકાણ તરીકે સોના તરફ વળી શકે છે. તેનાથી સોનામાં એક નવી તેજી જોવા મળી શકે છે.