Gold Price Decline Today: જો તમે સોનાના દાગીના ખરીદવા માંગતા હોવ તો ખરીદવા માટે સારી તક છે. કારણ કે સોનાના ભાવમાં ધરખમ ઘટાડો થયો છે. સોનું આજે ખૂબ જ સસ્તા ભાવે મળી રહ્યું છે, તો તમારા માટે આ એક સુવર્ણ તક છે. ચાંદીની કિંમતમાં 1100 રૂપિયાથી વધુનો ઘટાડો જોવા મળ્યો છે.
કેટલું સસ્તું સોનું અને ચાંદી
આજે સોનું અને ચાંદી બન્નેના ભાવમાં ઘટાડો જોવા મળી રહ્યો છે. આજે, મલ્ટી કોમોડિટી એક્સચેન્જ પર સોનાનો ફેબ્રુઆરી વાયદો રૂ. 612 સસ્તો થઈને 1.25 ટકા ઘટીને રૂ. 48,239 પ્રતિ 10 ગ્રામ પર ટ્રેડ થઈ રહ્યો છે. તે જ સમયે, ચાંદીનો માર્ચ વાયદો રૂ. 1145ના મોટા ઘટાડા બાદ 1.79 ટકા સસ્તો થયો છે અને તેની કિંમત પ્રતિ કિલો રૂ. 62,926 પર આવી છે.
ઘરે બેઠા સોના-ચાંદીની કિંમત કેવી રીતે જાણી શકાય
તમે મોબાઈલ પર પણ ચેક કરી શકો છો કે તમારા શહેરમાં સોનાની કિંમત કેટલી છે. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમારે 8955664433 નંબર પર મિસ્ડ કોલ આપવો પડશે અને તમે આ નંબર દ્વારા કિંમત જાણી શકો છો. તમે મિસ્ડ કોલ કરશો કે તરત જ તમારા મોબાઈલ પર મેસેજ આવશે. આ રીતે તમે ઘરે બેઠા સોનાના લેટેસ્ટ રેટ જાણી શકશો.
આજે સોનાના ભાવ કેમ ઘટ્યા?
આજના કારોબારમાં, સોનાના ભાવમાં ઘટાડો થયો છે કારણ કે આંતરરાષ્ટ્રીય બજારમાં ડોલરની કિંમત વધી રહી છે. યુએસ ફેડરલ રિઝર્વ દ્વારા વ્યાજદરમાં વધારો કરવાના સંકેતોને કારણે ડોલર માટે સારું સેન્ટિમેન્ટ જોવા મળી રહ્યું છે.
જાણો કે સોનું સાચું છે કે નકલી
આ સિવાય, તમે સોનું ખરીદતી વખતે એપ દ્વારા તેની શુદ્ધતા પણ ચકાસી શકો છો. સરકારે સોનાની શુદ્ધતા તપાસવા માટે એક એપ બનાવી છે. આ એપનું નામ 'બીઆઈએસ કેર એપ' છે. આમાં, ગ્રાહકો શુદ્ધતા ચકાસી શકે છે. આ સિવાય જો સોનાની શુદ્ધતામાં કોઈ ઉણપ હોય તો તમે તેના માટે ફરિયાદ પણ કરી શકો છો. ઉપરાંત, જો તમારા માલનું હોલમાર્ક અથવા લાયસન્સ ખોટું જણાય છે, તો તમે તેના વિશે ફરિયાદ પણ કરી શકો છો.