Gold Rate: સોનાના ભાવમાં મોટો ઘટાડો, 3 દિવસમાં 1600 રૂપિયા સસ્તું થયું ગોલ્ડ
Gold Rate: ૨૦૨૫માં સોનાનો ભાવ 8,310 રૂપિયા અથવા 10.5 ટકા વધીને 87,700 રૂપિયા પ્રતિ 10 ગ્રામ થયો છે, જ્યારે ૧ જાન્યુઆરીએ સોનાનો ભાવ 79,390 રૂપિયા પ્રતિ 10 ગ્રામ હતો.
Gold Price Update: શેરબજારમાં ભારે ઘટાડાની સાથે હવે સોનાના ભાવમાં પણ ભારે ઘટાડો જોવા મળી રહ્યો છે. છેલ્લા ત્રણ દિવસમાં સોનું પ્રતિ 10 ગ્રામ લગભગ 1600 રૂપિયા સસ્તું થયું છે. સ્થાનિક બજારમાં સોનાનો ભાવ 537 રૂપિયા ઘટીને 85,056 રૂપિયા પ્રતિ 10 ગ્રામ થયો છે. તે જ સમયે, ઝવેરીઓની નબળી માંગ અને રોકાણકારો દ્વારા વેચાણને કારણે રાષ્ટ્રીય રાજધાનીના બુલિયન બજારમાં સોનાના ભાવ 500 રૂપિયા ઘટીને 87,700 રૂપિયા પ્રતિ 10 ગ્રામના બે અઠવાડિયાના નીચલા સ્તરે પહોંચી ગયા. ઓલ ઈન્ડિયા બુલિયન એસોસિએશને આ માહિતી આપી છે. છેલ્લા ટ્રેડિંગ સત્રમાં, 99.9 ટકા શુદ્ધતા ધરાવતું સોનું 88,૨00 રૂપિયા પ્રતિ 10 ગ્રામ પર બંધ થયું હતું.
જોકે, 2025 ના પહેલા બે મહિનામાં સોનાના ભાવમાં તીવ્ર વધારો થયો છે. આ વર્ષે અત્યાર સુધીમાં સોનાના ભાવ 8,310 રૂપિયા અથવા 10.5 ટકા વધીને 87,700 રૂપિયા પ્રતિ 10 ગ્રામ થયા છે, જે 1 જાન્યુઆરીએ 79,390 રૂપિયા પ્રતિ 10 ગ્રામ હતા. હાલમાં, 99.5 ટકા શુદ્ધ સોનાનો ભાવ 500 રૂપિયા ઘટીને 87,300 રૂપિયા પ્રતિ 10 ગ્રામ થયો છે. તેનો અગાઉનો બંધ ભાવ 87,800 રૂપિયા પ્રતિ 10 ગ્રામ હતો.
ટ્રેન્ડિંગ
સોના ઉપરાંત ચાંદીમાં પણ ઘટાડો જોવા મળી રહ્યો છે. સતત ત્રીજા દિવસે ઘટાડા સાથે, ચાંદીનો ભાવ પણ 2,100 રૂપિયા ઘટીને 96,400 રૂપિયા પ્રતિ કિલો થયો, જ્યારે તેનો અગાઉનો બંધ ભાવ 98,500 રૂપિયા પ્રતિ કિલો હતો. મહેતા ઇક્વિટીઝ લિમિટેડના વાઇસ પ્રેસિડેન્ટ (કોમોડિટીઝ) રાહુલ કલાન્ત્રીએ જણાવ્યું હતું કે, "ડોલર ઇન્ડેક્સમાં તીવ્ર વધારાને કારણે સોના અને ચાંદીના ભાવમાં ફરી એકવાર ઘટાડો થયો છે. યુએસ રાષ્ટ્રપતિ દ્વારા મેક્સિકો અને કેનેડા પર 4 માર્ચથી લાગુ કરાયેલા નવા ટેરિફની જાહેરાતથી ડોલર મજબૂત થયો, જેના કારણે સોના-ચાંદીના ભાવ પર દબાણ આવ્યું.
આ ઉપરાંત, ચીન પર વધારાના 10 ટકા ટેરિફ લાદવાની ટ્રમ્પની જાહેરાતથી બજારોમાં આ ટેરિફને મુલતવી રાખવાની સંભવિત આશાઓ પર પાણી ફરી ગયું છે, એમ કોમોડિટી નિષ્ણાતોનું કહેવું છે. વૈશ્વિક સ્તરે, કોમેક્સ ગોલ્ડ ફ્યુચર્સ પ્રતિ ઔંસ $21.20 ઘટીને $2,874.70 પ્રતિ ઔંસ થયા. ઉપરાંત, સ્પોટ ગોલ્ડ પ્રતિ ઔંસ $15 ઘટીને $2,862.53 પ્રતિ ઔંસ થયું.
અબાન્સ હોલ્ડિંગ્સના ચીફ એક્ઝિક્યુટિવ ઓફિસર ચિંતન મહેતાએ જણાવ્યું હતું કે, “અમેરિકન ડોલર મજબૂત થવાને કારણે સોનાના ભાવમાં સુધારો થઈ રહ્યો છે. આ સૂચવે છે કે યુએસ ફેડરલ રિઝર્વ અર્થતંત્રમાં સતત ફુગાવાના દબાણને કારણે દર ઘટાડામાં વિલંબ કરી શકે છે." એશિયન બજારમાં, કોમેક્સ સિલ્વર ફ્યુચર્સ 1.21 ટકા ઘટીને $31.72 પ્રતિ ઔંસ પર ટ્રેડ થઈ રહ્યા હતા.
આ પણ વાંચો....