Upcoming IPO: આગામી સપ્તાહ શેરબજાર અને રોકાણકારો માટે શાનદાર રહેવાનું છે. દેશનો સૌથી મોટો IPO આ અઠવાડિયે બજારમાં એન્ટ્ર કરવા જઈ રહ્યો છે. Hyundai Motor India બજારમાં રૂ. 27000 કરોડ (3.3 અરબ ડોલર) કરતાં વધુ મૂલ્યનો તેનો IPO લોન્ચ કરવા જઈ રહી છે. આ સાથે દેશની બીજી સૌથી મોટી ઓટોમોબાઈલ કંપની હ્યુન્ડાઈ એલઆઈસીને પાછળ છોડી દેશે. LICનો રૂ. 21,000 કરોડનો IPO દેશનો અત્યાર સુધીનો સૌથી મોટો ઇશ્યૂ છે. આ ઉપરાંત લક્ષ્ય પાવરટેક (Lakshya Powertech)અને ફ્રેશરા એગ્રો એક્સપોર્ટ્સ (Freshara Agro Exports)પણ તેમના IPO રજૂ કરશે.
Hyundai IPO સબસ્ક્રિપ્શન 15 થી 17 ઓક્ટોબર સુધી ખુલ્લું રહેશે
Hyundai મોટરનો રૂ. 27,870 કરોડનો IPO 15 ઓક્ટોબરે દલાલ સ્ટ્રીટ પર એન્ટ્રી લેવા જઈ રહ્યો છે. તેનું સબસ્ક્રિપ્શન 17 ઓક્ટોબર સુધી કરી શકાશે. અત્યાર સુધી, મોટા IPOમાં પ્રથમ નામ એલઆઈસી (Life Insurance Corporation) નું છે, જેણે 2022માં રૂ. 21,008 કરોડનો IPO લોન્ચ કર્યો હતો. આ પછી પેટીએમ (Paytm)ના રૂ. 18,300 કરોડના 2021 આઇપીઓ અને રૂ. 15,199 કરોડના કોલ ઇન્ડિયા(Coal India) ના 2010ના આઇપીઓનું નામ આવે છે. આ કોઈપણ કાર કંપનીનો સૌથી મોટો આઈપીઓ પણ બની જશે.
પ્રાઇસ બેન્ડ રૂ. 1,865 થી રૂ. 1,960 વચ્ચે હશે, ઓફર ફોર સેલ હશે
Hyundai Motorના IPOની પ્રાઇસ બેન્ડ રૂ. 1,865 થી રૂ. 1,960 વચ્ચે રાખવામાં આવી છે. આ પહેલા 8,315 કરોડ રૂપિયાનો એન્કર ઈશ્યુ પણ ખુલશે. આ એક સંપૂર્ણ ઓફર ફોર સેલ ઈશ્યુ હશે. આમાં કંપની 14.2 કરોડ ઈક્વિટી શેર બજારમાં ઉતારવા જઈ રહી છે. આ સાથે કંપનીની બજાર કિંમત 1.59 લાખ કરોડ રૂપિયા થઈ જશે. આ સિવાય કંપનીના કર્મચારીઓ માટે પણ એક ભાગ અનામત રાખવામાં આવશે. તેની ગ્રે માર્કેટ કિંમત હાલમાં 5 થી 7 ટકાના પ્રીમિયમ પર ચાલી રહી છે.
આ બંને કંપનીઓના નાના IPO પણ રોકાણકારો માટે ખુલશે
લક્ષ્ય પાવરટેકનો રૂ. 50 કરોડનો IPO પણ આવતા સપ્તાહે ખુલશે. તેનું સબસ્ક્રિપ્શન 16 ઓક્ટોબરથી 18 ઓક્ટોબર સુધી કરી શકાશે. તેની પ્રાઇસ બેન્ડ 171 થી 180 રૂપિયા રાખવામાં આવી છે. કંપનીના શેરનું લિસ્ટિંગ 23 ઓક્ટોબરના રોજ NSE ઇમર્જ પર થશે. આ ઉપરાંત ફ્રેશરા એગ્રો એક્સપોર્ટ્સનો રૂ. 75.4 કરોડનો IPO પણ 17 થી 21 ઓક્ટોબર સુધી સબસ્ક્રિપ્શન માટે ખુલ્લો રહેશે. તેની પ્રાઇસ બેન્ડ 110 થી 116 રૂપિયા રાખવામાં આવી છે. NSE ઇમર્જ પર તેનું લિસ્ટિંગ 24 ઓક્ટોબરે થવાનું છે.
આ પણ વાંચો...