SBI FD vs Post Office FD: ઘણી મહેનત બાદ કમાયેલા પૈસા ક્યાં રોકાણ કરવા, જ્યાંથી વધુ આવક મળે તેને લઈને લોકો મુંજવણમાં રહેતા હોય છે. કદાચ આ વાત દરેકને પરેશાન કરે છે. ઘણી વખત લોકો માહિતીના અભાવે એવી જગ્યાએ પૈસા રોકે છે જ્યાંથી તેમને વધારે વળતર મળતું નથી. પણ પાછળથી જ્યારે ખબર પડે છે ત્યારે પસ્તાવા સિવાય કશું બચતું નથી. કારણ કે જો તે સમયે જે સ્કીમમાં પૈસા રોક્યા હોય જ્યારે તેમે ઉપાડવામાં આવે તો તેમાં નુકસાન થતું હોય છે. આવી સ્થિતિમાં, બેંકોની યોજનાઓમાં નાણાંનું રોકાણ કરતી વખતે તમારે સંપૂર્ણ તપાસ કરવી જરૂરી છે. આજે અમે SBI અને પોસ્ટ ઑફિસની ફિક્સ ડિપોઝિટ વિશે માહિતી શેર કરીશું.
પોસ્ટ ઓફિસ વ્યાજ દર
પોસ્ટ ઑફિસ એફડી વ્યાજ દર: પોસ્ટ ઑફિસ ટાઈમ ડિપોઝિટ ખાતામાં પૈસા મૂકવા પર વ્યાજ દર શું છે. આ અંગે માહિતી મેળવીએ તો, એવું કહેવામાં આવ્યું છે કે 1 થી 3 વર્ષની મુદતની સમય થાપણો પર 5.5 ટકાનો વ્યાજ દર ઉપલબ્ધ છે. જ્યારે 5 વર્ષ માટે રોકાણ પર 6.7 ટકાના દરે વ્યાજ આપવામાં આવે છે.
જાણો SBIના વ્યાજ દર
SBI FD વ્યાજ દર: દેશની સૌથી મોટી બેંકિંગ કંપની SBI વિશે વાત કરીએ તો, તે જાણીતું છે કે પોસ્ટ ઓફિસમાં ચૂકવવામાં આવતા વ્યાજના લગભગ સમાન વ્યાજ ચૂકવવાની વ્યવસ્થા કરવામાં આવી છે. માહિતી અનુસાર, SBI FD પર 2.90 થી 5.50 ટકા સુધીનું વ્યાજ આપી રહી છે. તે જ સમયે, વરિષ્ઠ નાગરિકોને 3.40 થી 6.30 ટકા વ્યાજ આપવામાં આવી રહ્યું છે.
કોણ છે સૌથી શ્રેષ્ઠ
એવું કહેવામાં આવે છે કે જો પોસ્ટ ઓફિસ અને SBI વચ્ચેની સરખામણી જોઈએ તો ખબર પડે છે કે પોસ્ટ ઓફિસ વધુ સારી છે. કારણ કે SBIમાં 5 વર્ષની FD મેળવવા પર 5.5 ટકાના દરે વ્યાજ મળે છે. જ્યારે, પોસ્ટ ઑફિસમાં આ સમાન સમયગાળા માટે, 5 વર્ષ માટે સમય જમા કરાવવા પર 6.7 ટકા વ્યાજ મળે છે. આવી સ્થિતિમાં SBI કરતાં પોસ્ટ ઓફિસ વધુ યોગ્ય છે.