New Income Tax Rule: જુલાઈ મહિનો આવતાની સાથે જ આવકવેરાના ઘણા નવા નિયમો એક સાથે લાગુ થવા જઈ રહ્યા છે, જેની અસર કરદાતાઓ પર પડશે અને આવનારા સમયમાં વધુ ટેક્સ ચૂકવવો પડી શકે છે. 1 જુલાઈ, 2022 થી અમલમાં આવનારા આવકવેરા સંબંધિત ત્રણ નિયમો નીચે મુજબ છે.
ક્રિપ્ટોકરન્સી પર TDS
નાણાપ્રધાન નિર્મલા સીતારમણે વર્ચ્યુઅલ ડિજિટલ એસેટ (VDAs) એટલે કે ક્રિપ્ટોકરન્સી અને નોન ફંગિબલ ટોકન્સ (NFTs)ના ટ્રાન્સફર પર કરવામાં આવેલી ચૂકવણી પર 1 ટકા TDS (ટેક્સ ડિડક્ટેડ એટ સોર્સ) લાદવાની જાહેરાત કરી હતી. રૂ. 10,000થી વધુના વ્યવહારો પર 1% TDS લાગશે, જે શુક્રવાર, 1 જુલાઈ, 2022થી લાગુ થશે. જો ક્રિપ્ટોકરન્સી ટ્રાન્સફર કરતી વખતે ખરીદનાર પાસે PAN ન હોય તો 20 ટકાના દરે ટેક્સ ચૂકવવો પડશે. અને જો ખરીદદારે આવકવેરા રિટર્ન ભર્યું ન હોય, તો 5 ટકાના દરે TDS ચૂકવવો પડશે.
1 જુલાઈ, 2022 થી, તમામ ક્રિપ્ટો વ્યવહારો પર TDS ચૂકવવો પડશે, પછી ભલે તે નફા અથવા નુકસાન માટે વેચવામાં આવે. વર્ષ 2022-23 થી ક્રિપ્ટોકરન્સીમાંથી થતી આવક પર 30% કેપિટલ ગેઈન ટેક્સ વસૂલવાનું નક્કી કરવામાં આવ્યું છે જે લાગુ છે. તમને જણાવી દઈએ કે જે રોકાણકારો નફા માટે ક્રિપ્ટોકરન્સી વેચતા નથી તેમને પણ ટેક્સ ચૂકવવો પડશે. આવા ક્રિપ્ટોમાં રોકાણ કરનારા રોકાણકારોએ એક ટકા TDS ચૂકવવો પડશે જેથી કરીને સરકાર ક્રિપ્ટોકરન્સીમાં વ્યવહાર કરનારાઓનું ચોક્કસ ઠેકાણું શોધી શકે.
સોશિયલ મીડિયા Influencers અને ડોકટરો માટે નવો TDS નિયમ
1 જુલાઈ, 2022થી ડોક્ટરો અને સોશિયલ મીડિયા Influencers એ 10 ટકા TDS ચૂકવવો પડશે. વેચાણને પ્રોત્સાહન આપવા માટે કંપની પાસેથી લાભ મેળવનારા ડૉક્ટરો અને સોશિયલ મીડિયા પ્રભાવકોએ 10 ટકા TDS ચૂકવવો પડશે. CBDT અનુસાર, 20,000 રૂપિયાથી વધુની કોમોડિટીના સ્વરૂપમાં કોઈ નફો અથવા લાભ પ્રાપ્ત કરવા પર, આ લાભ આપનાર વ્યક્તિએ તેને બાદ કર્યા પછી 10 TDS ચૂકવવા પડશે. જો લાભની કિંમત 20,000 રૂપિયાથી ઓછી હોય, તો કોઈ TDS ચૂકવવાની જરૂર રહેશે નહીં.
આધાર-PAN લિંક પર ડબલ પેનલ્ટી
1 જુલાઈ, 2022થી પાન કાર્ડને આધાર સાથે લિંક કરવા માટે ડબલ પેનલ્ટી ચૂકવવી પડશે. વાસ્તવમાં, 1 એપ્રિલ, 2022 થી, આધારને PAN નંબર સાથે લિંક કરવા માટે 500 રૂપિયાનો દંડ ચૂકવવો પડતો હતો. પરંતુ CBDTના આદેશ અનુસાર, જો તમે 30 જૂન 2022 સુધીમાં લિંક નહીં કરો તો તમારે 1 જુલાઈથી 1,000 રૂપિયાનો દંડ ભરવો પડશે. CBDTએ કહ્યું છે કે કરદાતાઓને અસુવિધા ન થાય તે માટે, તેમને આ સુવિધા આપવામાં આવી રહી છે કે તેઓ 31 માર્ચ, 2023 સુધીમાં આધારને PAN સાથે લિંક કરી શકે છે. જોકે, દંડ ભરવો પડશે.