Investors Wealth Shoots Up: ગુરુવારના મોટા ઘટાડા પછી, શુક્રવાર શેરબજારના રોકાણકારો માટે રાહત લાવ્યો છે. વિદેશી શેરબજારમાંથી મળેલા સંકેતો બાદ ભારતીય શેરબજાર જોરદાર તેજી સાથે ખુલ્યા હતા. જેના કારણે રોકાણકારોની સંપત્તિમાં 7 લાખ કરોડ રૂપિયાનો વધારો થયો છે. માર્કેટમાં જોરદાર ગ્રોથ જોવા મળી રહ્યો છે. સેન્સેક્સ 1354 અને નિફ્ટી 400થી વધુ પોઈન્ટના વધારા સાથે કારોબાર કરી રહ્યા છે.
રોકાણકારોની સંપત્તિમાં 7.32 લાખ કરોડનો વધારો થયો છે
સ્થાનિક શેરબજારોમાં ઉછાળાને કારણે રોકાણકારોની સંપત્તિમાં રૂ. 7.32 લાખ કરોડનો વધારો થયો છે. ગુરુવારે બજાર બંધ થતાં, BSE પર લિસ્ટેડ કંપનીઓનું માર્કેટ કેપિટલાઇઝેશન ઘટીને રૂ. 2,42,24,179.79 કરોડ થયું હતું, જે શુક્રવારે વધીને રૂ. 2,49,56,943 કરોડ થયું છે.
શેરના ભાવ આકર્ષક બન્યા
હકીકતમાં, યુક્રેન પર રશિયાના હુમલા બાદ શેરબજારમાં આવેલા ઘટાડાને કારણે છેલ્લા બે વર્ષમાં બજારની તેજીનો લાભ લેવાનું ચૂકી ગયેલા રોકાણકારોને રોકાણ કરવાની મોટી તક મળી છે. ઘણા શેરોમાં 20 ટકાથી 50 ટકાનો ઘટાડો થયો છે. આવી સ્થિતિમાં, રોકાણકારો આ ભાવે શેર ખરીદવા માંગે છે, તેથી ગુરુવારે આટલો મોટો આંચકો હોવા છતાં, શુક્રવારે રોકાણકારોનો ઉત્સાહ તેજી પર છે. મુંબઈ સ્ટોક એક્સચેન્જમાં 3336 શેરનું ટ્રેડિંગ થાય છે, જેમાં શુક્રવારના ટ્રેડિંગ સેશનમાં 2,594 શેર્સ ઉપર છે અને માત્ર 629 શેર લાલ નિશાનમાં ટ્રેડ થઈ રહ્યા છે. 113 શેરની કિંમતમાં કોઈ ફેરફાર થયો નથી. 233 શેરોમાં અપર સર્કિટ લાગી છે.
લિસ્ટેડ કંપનીઓનું માર્કેટ કેપ રૂ. 250 લાખ કરોડ છે જે ગુરુવારે રૂ. 242.28 લાખ કરોડ હતું. ગઈકાલે રોકાણકારોને 13.4 લાખ કરોડ રૂપિયાનું નુકસાન થયું હતું. સેન્સેક્સ આજે 792 પોઈન્ટ વધીને 55,321 પર ખુલ્યો હતો. તેણે પ્રથમ કલાકમાં 55,700ની ઊંચી અને 55,299ની નીચી સપાટી બનાવી હતી. તેના 30 શેરોમાંથી 29 શેરો લાભમાં છે. ઘટતા શેરોમાં માત્ર નેસ્લે છે.
ગુરુવારે સ્થાનિક શેરબજારોમાં ભારે ઘટાડાથી રોકાણકારોને રૂ. 13.44 લાખ કરોડથી વધુનું નુકસાન થયું હતું. બજારે તેની ખોટ અમુક હદ સુધી ભરપાઈ કરી છે. પરંતુ તેની સંપૂર્ણ ભરપાઈ થવાની બાકી છે.