IPO Update: જો તમે પણ IPO માં રોકાણ કરીને પૈસા કમાવા માંગો છો, તો આ અઠવાડિયે તમારી પાસે આવું કરવાની ઘણી તકો હશે. આ અઠવાડિયે 3 IPO સબસ્ક્રિપ્શન માટે ખુલશે. આ ત્રણ કંપનીઓ મેનકાઇન્ડ ફાર્મા, ડી નીયર્સ ટૂલ્સ અને રેટિના પેઇન્ટ્સ છે.
મેનકાઇન્ડ ફાર્મા IPO
આ અઠવાડિયે, કોન્ડોમ નિર્માતા મેનફોર્સની મૂળ કંપની મેનકાઇન્ડ ફાર્માનો IPO આવવાનો છે. આ IPO સબસ્ક્રિપ્શન માટે 25 એપ્રિલે ખુલશે અને તેની અંતિમ તારીખ 27 એપ્રિલ 2023 છે. કંપની આ ઈસ્યુ દ્વારા 4326.36 કરોડ રૂપિયા એકત્ર કરવા માંગે છે. આ માટે પ્રતિ શેર 1026-1080 રૂપિયાની પ્રાઇસ બેન્ડ નક્કી કરવામાં આવી છે. આ IPO સંપૂર્ણ રીતે ઑફર ફોર સેલ (OFS) પર આધારિત છે.
આ IPO સંપૂર્ણ રીતે ઑફર ફોર સેલ (OFS) પર આધારિત છે. આનો અર્થ એ છે કે કંપનીને આ ઓફર દ્વારા ભંડોળ પ્રાપ્ત થશે નહીં અને સમગ્ર રકમ વેચનાર શેરધારકોને જશે.
એક લોટમાં કંપનીના 13 શેર છે. IPOમાં અરજી કરવા માટે, રોકાણકારોએ ઓછામાં ઓછી રૂ. 14,040 (1080 x 13)ની રકમનું રોકાણ કરવું જરૂરી છે.
તેના શેરની ફાળવણીની સંભવિત તારીખ 3 મે, 2023 છે. આઈપીઓ BSE અને NSE બંને પર લિસ્ટેડ થવાની દરખાસ્ત છે. શેર લિસ્ટિંગ 8 મે, 2023 ના રોજ થવાની સંભાવના છે. Kfin Technologies Limitedને પબ્લિક ઑફર માટે સત્તાવાર રજિસ્ટ્રાર તરીકે નિયુક્ત કરવામાં આવી છે.
મેનકાઇન્ડ ફાર્માની શરૂઆત રમેશ જુનેજા દ્વારા કરવામાં આવી હતી. ક્રિસ કેપિટલ અને કેપિટલ ઈન્ટરનેશનલ જેવી પ્રાઈવેટ ઈક્વિટી કંપનીઓએ આમાં રોકાણ કર્યું છે. બિઝનેસની વાત કરીએ તો, તેનું મહત્તમ ફોકસ સ્થાનિક બજાર પર છે અને FY2022 ના પરિણામો અનુસાર, તેને અહીંથી 97.60 ટકા આવક મળે છે. તેની લગભગ 36 બ્રાન્ડ્સ છે.
ડી નીર્સ ટૂલ્સ IPO
De Niers Toolsનો IPO 28 એપ્રિલે સબસ્ક્રિપ્શન માટે ખુલશે અને રોકાણકારોને 3 મે 2023 સુધી આ IPOમાં સબ્સ્ક્રાઇબ કરવાની તક મળશે. કંપનીએ IPO માટે શેર દીઠ રૂ. 95 થી રૂ. 101ની પ્રાઇસ બેન્ડ નક્કી કરી છે.
રેટિના પેઇન્ટ્સ IPO
રેટિના પેઇન્ટ્સનો IPO ફક્ત 19 એપ્રિલ 2023 ના રોજ ખુલ્યો હતો, પરંતુ રોકાણકારો પાસે 24 એપ્રિલ એટલે કે આવતીકાલ સુધી આ IPO માં સબ્સ્ક્રાઇબ કરવાની તક છે. કંપનીએ IPO માટે શેર દીઠ રૂ. 30ની પ્રાઇસ બેન્ડ નક્કી કરી છે.