5000 Rupee Note: તાજેતરમાં સોશિયલ મીડિયા પર એવા સમાચાર વાયરલ થઈ રહ્યા છે કે રિઝર્વ બેંક ઓફ ઈન્ડિયા (RBI) ટૂંક સમયમાં રૂ. ૫,૦૦૦ની નવી નોટ બહાર પાડવા જઈ રહી છે. આ સમાચાર સાથે એક તસવીર પણ વાયરલ થઈ રહી છે. રૂ. ૨,૦૦૦ની નોટ બંધ થયા બાદ આ અફવાએ જોર પકડ્યું હતું. જો કે, PIBના ફેક્ટ ચેક યુનિટે આ બાબતે સ્પષ્ટતા કરી છે.
શું ખરેખર 5 હજાર રૂપિયાની નોટ બહાર પાડવામાં આવશે?
હવે PIBના ફેક્ટ ચેક યુનિટે સોશિયલ મીડિયા પર વાયરલ થઈ રહેલા આ મેસેજનો જવાબ આપ્યો છે. પીઆઈબીએ તેની પોસ્ટમાં સ્પષ્ટ કર્યું છે કે આરબીઆઈ આવી કોઈ નોટ જારી કરવા જઈ રહી નથી. આ સમાચાર સંપૂર્ણપણે ખોટા છે. હાલમાં દેશમાં માત્ર 10, 20, 50, 100, 500 અને 2000 રૂપિયાની નોટો જ કાનૂની ટેન્ડર છે. જો કે, વર્ષ 2023થી જ આરબીઆઈએ રૂ. 2,000ની નોટ છાપવાનું બંધ કરી દીધું છે અને લોકોને અપીલ પણ કરી છે કે જો તેમની પાસે રૂ. 2,000ની નોટ છે તો તેઓ બેન્કમાં જમા કરાવે.
વાયરલ થઈ રહેલી પોસ્ટમાં શું લખ્યું છે
સોશિયલ મીડિયા પર વાયરલ થઈ રહેલી પોસ્ટમાં યુઝરે લખ્યું છે કે, '5000ની નવી નોટ. પાંચ હજાર રૂપિયાની નવી નોટો બહાર પાડવામાં આવનાર છે. RBIએ આ જાણકારી આપી છે. RBI ટૂંક સમયમાં 5000 રૂપિયાની નવી નોટો બહાર પાડશે.
જો કે, આ પોસ્ટનું ખંડન કરતાં, PIBની ફેક્ટ ચેક ટીમે X અને અન્ય સોશિયલ મીડિયા પ્લેટફોર્મ પર માહિતી આપી છે કે આ સમાચાર સંપૂર્ણપણે નકલી છે અને RBI આવી કોઈ નોટ જારી કરશે નહીં.
પહેલા 5 હજાર રૂપિયાની નોટો હતી
એવું નથી કે ભારતમાં ક્યારેય 5000 રૂપિયાની નોટ આવી જ નથી. 1938માં દેશમાં પહેલીવાર 5000 રૂપિયાની નોટો છાપવામાં આવી હતી, તે સમયે બ્રિટિશ શાસન હતું. બાદમાં તેને 1946માં બંધ કરવામાં આવ્યું હતું. જો કે, આઝાદી પછી, 1954 માં, દેશમાં ફરી એકવાર 5000 રૂપિયાની નોટ છાપવામાં આવી અને તે સ્વતંત્ર ભારતની સરકાર દ્વારા છાપવામાં આવી. પરંતુ, 1978માં 5000, 1000 અને 10000 રૂપિયાની નોટો પાછી ખેંચી લેવામાં આવી હતી.
આ પણ વાંચો....
સાવધાન! ઈન્ડિયા પોસ્ટ પેમેન્ટ્સ બેંકના નામે વાયરલ થઈ રહી છે નકલી પોસ્ટ, અંગત માહિતી ચોરવાનો પ્રયાસ