ITR-TDS, અને આટલી ઇન્કમ કરતા લોકો માટે કોઇ ટેક્સ નહિ, જાણો બજેટમાં થયેલી 5 મોટી જાહેરાત

સરકારે આ બજેટમાં ટેક્સ મુક્તિ મર્યાદામાં 5 લાખ રૂપિયાનો વધારો કર્યો છે. 2023-2024માં સરકારે વાર્ષિક 7 લાખ રૂપિયા કમાતા લોકોને ટેક્સમાંથી બહાર રાખ્યા હતા, હવે આ મર્યાદા વધારીને 12 લાખ રૂપિયા કરવામાં આવી છે.

Union Budget 2025:સરકારે આ બજેટમાં ટેક્સ મુક્તિ મર્યાદામાં 5 લાખ રૂપિયાનો વધારો કર્યો છે. 2023-2024માં સરકારે વાર્ષિક 7 લાખ રૂપિયા કમાતા લોકોને ટેક્સમાંથી બહાર રાખ્યા હતા, હવે આ મર્યાદા વધારીને 12 લાખ રૂપિયા કરવામાં આવી છે.

નાણામંત્રી નિર્મલા સીતારમણે શનિવારે (1 ફેબ્રુઆરી, 2025) બજેટમાં મધ્યમ વર્ગને મોટી રાહત આપી છે. ITRની સમયમર્યાદા લંબાવવામાં આવી છે, ટેક્સ પર મોટી છૂટ આપવામાં આવી છે અને વરિષ્ઠ નાગરિકને માટે  પણ સારા સમાચાર આપવામાં આવ્યા છે. હવે દર મહિને 1 લાખ રૂપિયાની કમાણી કરનારાઓએ કોઈ ટેક્સ ચૂકવવો પડશે નહીં. સરકારે આ બજેટમાં ટેક્સ મુક્તિ મર્યાદામાં 5 લાખ રૂપિયાનો વધારો કર્યો છે. 2023-2024માં સરકારે વાર્ષિક 7 લાખ રૂપિયા કમાતા લોકોને ટેક્સમાંથી બહાર રાખ્યા હતા, હવે આ મર્યાદા વધારીને 12 લાખ રૂપિયા કરવામાં આવી છે.

આવકવેરા અંગે સરકારની જાહેરાતથી મધ્યમ વર્ગને મોટી રાહત મળી છે. હવે દર મહિને 1 લાખ રૂપિયા કમાતા લોકોએ પણ કોઈ ટેક્સ ચૂકવવો પડશે નહીં. પહેલા આ મર્યાદા લગભગ 60 હજાર રૂપિયા પ્રતિ માસ હતી, જેમાં 40 હજાર રૂપિયાનો વધારો કરવામાં આવ્યો છે. 2023-24ના બજેટમાં સરકારે ટેક્સ છૂટની મર્યાદા વાર્ષિક 7 લાખ રૂપિયા રાખી હતી, જ્યારે તે પહેલા 2019માં આ મર્યાદા વાર્ષિક 5 લાખ રૂપિયા હતી, 2014માં તે 2.5 લાખ રૂપિયા હતી, 2012માં તે 2 લાખ રૂપિયા હતી. 2005 માં તે વાર્ષિક રૂ. 1 લાખ હતો.

ટેક્સ સ્લેબ

ટેક્સ સ્લેબમાં પણ સુધારો કરવામાં આવ્યો છે. વાર્ષિક 12 લાખ રૂપિયાની કમાણી કરનારાઓએ કોઈ ટેક્સ ચૂકવવો પડશે નહીં, પરંતુ તેનાથી વધુ કમાણી કરનારાઓએ નીચે આપેલા સ્લેબ મુજબ ટેક્સ ચૂકવવો પડશે.

4 લાખ રૂપિયા સુધી: 0% ટેક્સ

4 લાખથી 8 લાખ રૂપિયા: 5% ટેક્સ

8 લાખથી 12 લાખ રૂપિયા: 10% ટેક્સ

રૂ. 12 લાખથી રૂ. 16 લાખઃ 15% ટેક્સ

રૂ. 16 લાખથી રૂ. 20 લાખઃ 20% ટેક્સ

રૂ. 20 લાખથી રૂ. 24 લાખઃ 25% ટેક્સ

24 લાખથી વધુ: 30% ટેક્સ

ITIR ની સમયમર્યાદા લંબાવી

નિર્મલા સીતારમણે ITR-TDS ફાઇલ કરવાની અંતિમ તારીખ લંબાવી છે. હવે તમે ચાર વર્ષ માટે ઈન્કમ ટેક્સ રિટર્ન ફાઈલ કરી શકશો, પહેલા ITR એક વર્ષમાં ફાઈલ કરવાની હતી.

TDS મર્યાદા વધી

સરકારે TDSની મર્યાદા વધારીને 10 લાખ રૂપિયા કરી છે, જ્યારે ભાડા પર TDSની મર્યાદા 2 લાખ 40 હજાર રૂપિયાથી વધારીને 6 લાખ રૂપિયા કરી છે. નિર્મલા સીતારમણે જણાવ્યું હતું કે ટેક્સ કલેક્શન એટ સોર્સ (TCS) અને લિબરલાઈઝ્ડ રેમિટન્સ સ્કીમ (LRS)ની મર્યાદા 7 લાખ રૂપિયાથી વધારીને 10 લાખ રૂપિયા કરવામાં આવી છે. TCS એ ટેક્સ છે જે દુકાનદાર વેચાણ સમયે ખરીદનાર પાસેથી વસૂલ કરે છે. LRS યોજના ભારતીયોને વિવિધ હેતુઓ માટે વિદેશમાં નાણાં મોકલવાની મંજૂરી આપે છે.