Reliance 43rd AGM: રિલાયન્સ જિઓમાં ગૂગલે 7.7 ટકા હિસ્સો ખરીદ્યો, 33,737 કરોડ રૂપિયાનું રોકાણ કરશે

કોરોના સંકટને કારણે આ વખતે આ એજીએમ ઓનલાઈન કરવાનો નિર્ણય કરવામાં આવ્યો.

એબીપી અસ્મિતા વેબ ટીમ Last Updated: 15 Jul 2020 06:16 PM

બ્રેકગ્રાઉન્ડ

Reliance AGM: આજે રિલાયન્સ ઇન્ડસ્ટ્રીઝની વાર્ષિક જનરલ મીટિંગ એટલે કે એજીએમ થવા જઈ રહી છે. આ કંપનીની 43મી એજીએમ હશે. અલગ અલગ વર્ચુઅલ પ્લેટફોર્મ દ્વારા રિલાયન્સ એક લાખથી વધારે શેહ...More

Reliance AGM: આજે રિલાયન્સ ઇન્ડસ્ટ્રીઝની વાર્ષિક જનરલ મીટિંગ એટલે કે એજીએમ થવા જઈ રહી છે. આ કંપનીની 43મી એજીએમ હશે. અલગ અલગ વર્ચુઅલ પ્લેટફોર્મ દ્વારા રિલાયન્સ એક લાખથી વધારે શેહ હોલ્ડર આ બેઠકમાં સામેલ થશે. આ એજીએમ માટે કંપનીએ જોરદાર તૈયારી કરી છે. અને પ્રથમ વખત રિલાયન્સ ઇન્ડસ્ટ્રીઝની એજીએમ વર્ચુઅલ પ્લેટફોર્મ પર થઈ રહી છે. કોરોના સંકટને કારણે આ વખતે આ એજીએમ ઓનલાઈન કરવાનો નિર્ણય કરવામાં આવ્યો અને ખાસ વર્ચુઅલ પ્લેટફોર્મનું આયોજન કરવામાં આવ્યું છે.

15/07/2020 16:08:07

મુકેશ અંબાણી બાદ તેમના પત્ની નીતા અંબાણાએ પણ રિલાયન્સ ફાઉન્ડેશન દ્વારા કરવામાં આવેલા કાર્ય વિશેની જાણકારી આપી અને જણાવ્યું કે, કોરોના સંકટમાં પીપીએ કિટ બનાવવાથી લઈને હેલ્થ ઈક્વિપમેન્ટ ઉપલબ્ધ કરાવવા સુધી તેમના ફાઉન્ડેશના લોકોએ સતત કામ કર્યું છે.

15/07/2020 16:02:52

મુકેશ અંબાણીએ કહ્યું કે, બ્રિટિશ પ્રેટ્રોલિયમે જિયો -બીપીની એક નવી બ્રાન્ડ હેઠળ કંપનીના પ્રવર્તમાન ફ્યૂઅલ રિટેલિંગ બિઝનેસમાં ઈન્વેસ્ટ કર્યું છે અને જિયો બીપીએ ભારતના કંઝ્યૂમર્સને બેહતર સોલ્યૂશન્સ પ્રદાન કરવાનો સંકલ્પ લીધો છે.

15/07/2020 15:56:08

મુકેશ અંબાણીએ કહ્યું કે, જિયો માર્ટે પોતાની પહોંચ ખૂબજ ઝડપથી વધારી છે અને અત્યાર સુધી 200 શહેરોમાં તેની પહોંચ છે.
જિયો માર્ટ પર દૈનિક ઓર્ડર્સની સંખ્યા 2.5 લાખ સુધી પણ પહોંચી ચૂકી છે.

15/07/2020 15:51:36

ઈશા અંબાણીએ એક મહત્વપૂર્ણ જાણકારી આપતા જણાવ્યું કે, રિલાયન્સ ફાઉન્ડેશન વર્ચુઅલ ઓપીડી સેવાઓ માટે જિયો હેલ્થહબ પ્લેટફોર્મનો ઉપયોગ કરવા પર કામ કરી રહ્યાં છે.

15/07/2020 15:39:13

ઈશા અંબાણીએ રિલાયન્સની એન્યુઅલ જનરલ મીટિંગને સંબોધન કરતા જિયો માર્ટના ભવિષ્યના પ્લાન અંગે જાણકારી આપી કે, આગામી દિવસોમાં જિયોમાર્ટ પર ઈલેક્ટ્રોનિક્સ, ફેશ, ફાર્મા અને હેલ્થકેર પ્રોડક્ટ્સનું વેચાણ કરવામાં આવશે.

15/07/2020 15:35:44

આકાશ અંબાણીએ કહ્યું કે, જિયો ડેવલપર્સ પ્રોગ્રામ દ્વારા કોઈ પણ એપ ડેવલપર પોતાની રીતે ડેવલપ કરી શકે છે. નવી એપ લોન્ચ કરી શકે છે અને તેનું મુદ્રીકરણ કરી શકે છે. તે સિવાય તેમણે તે ડેવલપર્સ માટે પણ એક પ્લેટફોર્મની જાહેરાત કરી જે જિયો સાથે ભાગીદાર બનવા ઈચ્છે ધરાવે છે.

15/07/2020 15:29:32

ઈશા અંબાણી એએજીએમમાં કહ્યું કે , જિયો એજ્યુકેશન પ્લેટફોર્મ દ્વારા દેશમાં ભારતમાં ક્વાલિટી ટીચર્સની અછતને પૂરી કરવાનું કામ કરવામાં આવશે. તેના થકી શિક્ષક સશક્તિકરણની દિશામાં આગળ વધવામાં આવશે.

15/07/2020 15:27:15

ઈશા અંબાણીએ કહ્યું કે, રિલાયન્સ ઈન્ડસ્ટ્રીઝ અને રિલાયન્સ જિયો મારફતે અમે ડિજિટલ હેલ્થકેરને લઈને મોટા કામ કરવાના છે અને તેમાં જિયો 4G મોબાઈલ નેટવર્ક અને જિયો ફાઈબર બ્રોડબેન્ડ, જિયોમીટ પ્લેટફોર્મ અને જિયો હેલ્થ પ્લેટફોર્મ છે.

15/07/2020 15:00:23

આકાશ અંબાણીએ એજીમમાં જિયો ટીવી+ રજૂ કરતાં કહ્યું કે, જિઓ ટીવી+માં વિશ્વની 12 અગ્રણી ઓટીટી કંપનીઓના કન્ટેન્ટ ઉપલબ્ધ કરાવવામાં આવશે. તેમાં નેટફ્લિક્સ, એમેઝોન પ્રાઈમ, ડિઝ્ની પ્લસ હોટસ્ટાર, વૂટની સાથે સાથે ઝી5, સોની લિવ, જિઓ સિનેમા, જિઓ સાવન અને યૂટ્યૂબ જેવા અનેક એપ સામેલ છે.

15/07/2020 14:57:50

ઉપરાંત મુકેશ અંબાણીએ આકાશ અંબાણી, ઈશા અંબાણી અને કિરણને પોતાની કંપનીઓમાં નવા અને ઇનોવેટિવ પ્રોગ્રામ વિશે જાણકારી આપવા માટે બોલાવ્યા.

15/07/2020 14:55:49

મુકેશ અંબાણીએ કહ્યું કે, તેમને ગર્વ છે કે રિલાયન્સ ઇન્ડસ્ટ્રીઝ હવે ઝીરો ડેટવાળી કંપની થઈ ગઈ છે અને તેમણે માર્ચ 2021 સુધી ડેટ ફ્રી થવાનો ટાર્ગેટ રાખ્યો હતો તેના પહેલા જ ટાર્ગેટ મેળવી લીધો છે. રિલાયન્સના રાઈટ્સ ઈશ્યૂ, જિઓ પ્લેટફોર્મમાં આવેલ ઇન્વેસ્ટમેન્ટ અને બ્રિટિશ પેટ્રોલિયમ દ્વારા રોકાણ દ્વારા કુલ 2,12,809 કરોડ રૂપિયા મેળવ્યા છે. આ નાણાંકીય વર્ષ 2019-20ના કંપનીના કુલ લેણાં 1,61,035 કરોડ રૂપિયાથી વધારે છે.

15/07/2020 14:42:52

મુકેશ અંબાણીએ કહ્યું કે, અમે ભારતમાં વર્લ્ડ ક્લાસ 5જી સેવાઓ લાવીશું. તેની સાથે જ મુકેશ અંબાણીએ કહ્યું કે, અમે ગ્લોબલી ટેલિકોમ ઓપરેટર્સને 5જી લોસ્યૂશન આપીશું. તેમણે કહ્યું કે, જિઓનું 5જી સોલ્યૂશન પીએમ મોદીના વિઝનને સમર્પિત છે.

15/07/2020 14:41:43

મુકેશ અંબાણીએ કહ્યું કે, જિઓ ફાઈબરથી દસ લાખથી વધારે ઘર જોડાઈ ચૂક્યા છે. તેની સાથે જ તેમણે કહ્યું કે, જિઓએ 5જી સોલ્યૂશન ડેવલપ કર્યું છે. ત્રણ વર્ષમાં 50 કરોડથી વધારે જિઓ મોબાઈલ ગ્રાહક હશે.

15/07/2020 14:38:50

મુકેશ અંબાણીએ કહ્યું, સંકટ સમયે મોટી તક પણ મળે છે. RILનું માર્કેટ કેપ 150 બિલિડય ડોલરને પાર કરી ગયું છે. તેની સાથે જ અંબાણીએ ગૂગલની સાથે કરારની જાહેરાત કરી. તેમણે કહ્યું કે, ગૂગલ જિઓમાં 7.7 ટકા હિસ્સો ખરીદસે. આ માટે ગૂગલ જિઓમાં 33,737 કરોડ રૂપિયાનું રોકાણ કરશે.

15/07/2020 14:35:58

મુકેશ અંબાણીએ કહ્યું- કોરોના વાયરસ એક મોટો પડકાર છે અને ભારત અને વિશ્વ ઝડપથી રિકવર કરશે અને સારો ગ્રોથ મેળવશે. મુકેશ અંબાણીએ જણાવ્યું કે જિઓ મીટને 50 લાખ લોકોએ ડાઉનલોડ કર્યું.