સુઝલોન એનર્જી પણ તાજેતરના મહિનાઓમાં મલ્ટિબેગર રિટર્ન આપતો મુખ્ય સ્ટોક છે. સુઝલોન એનર્જીના નીચા શેરના ભાવ તેને વધુ ખાસ બનાવે છે. આમ તે છેલ્લા કેટલાક મહિનામાં સર્વશ્રેષ્ઠ પ્રદર્શન કરનાર મલ્ટિબેગર પેની સ્ટોક્સ પૈકીનો એક બની ગયો છે.
3 મહિનામાં 133 ટકાનો વધારો
સુઝલોન એનર્જીના શેરોએ પણ બજારમાં અદભૂત પ્રદર્શન કર્યું છે. આ સ્ટૉકના ભાવ માત્ર ત્રણ મહિનામાં બમણાથી વધુ વધી ગયા છે. આજથી માત્ર ત્રણ મહિના પહેલા એટલે કે 19 મે 2023ના રોજ સુઝલોન એનર્જીના એક શેરની કિંમત માત્ર રૂ.8.50 હતી જે હવે રૂ.20ની આસપાસ છે. આ રીતે છેલ્લા 3 મહિનામાં આ શેરની કિંમતમાં 133 ટકાનો વધારો થયો છે.
અત્યારે સુઝલોન એનર્જીનો શેર થોડો નીચે જઈ રહ્યો છે. શુક્રવાર 18 ઓગસ્ટે, શેર 0.51 ટકાના નજીવા વધારા સાથે રૂ. 19.80 પર બંધ થયો હતો, જ્યારે છેલ્લા 5 દિવસમાં શેરમાં 5 ટકાથી વધુનો ઘટાડો થયો છે. છેલ્લા એક મહિનામાં સુઝલોન એનર્જીના શેરના ભાવમાં લગભગ 6 ટકાનો વધારો થયો છે, જ્યારે 6 મહિનામાં તે લગભગ 132 ટકા વધ્યો છે.
10 મહિનામાં આટલો ઉછાળો
ગયા વર્ષે ઓક્ટોબરમાં એટલે કે લગભગ 10 મહિના પહેલા આ શેર ઘટીને રૂ. 6.60 થયો હતો, જે સુઝલોન એનર્જીના શેરની 52 સપ્તાહની નીચી સપાટી પણ છે. તાજેતરમાં તેણે રૂ.21.25ની નવી 52 સપ્તાહની ઊંચી સપાટી બનાવી છે. આ રીતે 10 મહિનામાં આ શેરે 222 ટકા સુધીની વૃદ્ધિ દર્શાવી છે, જે તેને શ્રેષ્ઠ શેરોમાંનો એક બનાવે છે.
કિંમત આ સ્તર સુધી વધી શકે છે
સુઝલોન એનર્જીએ તાજેતરમાં ક્વોલિફાઇડ ઇન્સ્ટિટ્યૂશનલ પ્લેસમેન્ટ દ્વારા રૂ. 2000 કરોડ એકત્ર કર્યા છે. કંપનીએ રૂ. 500 કરોડના ઓવરસબ્સ્ક્રિપ્શનના વિકલ્પ સાથે રૂ. 1,500 કરોડ સુધીનો QIP લાવવાની જાહેરાત કરી હતી. કંપનીએ QIP માટે શેર દીઠ રૂ. 18.44નો ભાવ નક્કી કર્યો હતો. આવનારા દિવસોની વાત કરીએ તો એનાલિસ્ટ સુઝલોન એનર્જીને રૂ. 25 થી 29નો ટાર્ગેટ આપી રહ્યા છે.
Disclaimer : અહીં આપેલી માહિતી માત્ર માહિતી માટે છે. અત્રે એ ઉલ્લેખ કરવો જરૂરી છે કે બજારમાં રોકાણ એ બજારના જોખમોને આધીન છે. રોકાણકાર તરીકે નાણાંનું રોકાણ કરતા પહેલા હંમેશા નિષ્ણાતની સલાહ લો. ABPLive.com વતી નાણાંનું રોકાણ કરવાની અહીં ક્યારેય સલાહ આપવામાં આવતી નથી.
Join Our Official Telegram Channel:
https://t.me/abpasmitaofficial