Employee Pension Scheme e-Nomination: એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) સંગઠિત ક્ષેત્રમાં કામ કરતા લોકોને મોટી નાણાકીય સહાય આપે છે. તેના દેશભરમાં કરોડો ખાતાધારકો છે જે જરૂર પડ્યે તેમના ખાતામાંથી પૈસા ઉપાડી શકે છે. 60 વર્ષની ઉંમર પૂર્ણ કર્યા પછી, તમે તમારા પીએફ ખાતામાં જમા થયેલ તમામ પૈસા ઉપાડી શકો છો.
દેશમાં વધી રહેલા ડિજિટાઈઝેશનની સાથે EPFOએ તેની તમામ સુવિધાઓને પણ ડિજિટાઈઝ કરી છે. EPFO તેના ખાતાધારકોને 7 લાખ રૂપિયાનો સંપૂર્ણ લાભ આપે છે, જેના વિશે બહુ ઓછા લોકો જાણતા હોય છે.
તમને 7 લાખ રૂપિયાનો ફાયદો કેવી રીતે મળશે?
જો EPFO ખાતાધારકો 7 લાખ રૂપિયાનો લાભ મેળવવા માંગતા હોય તો ઈ-નોમિનેશનની પ્રક્રિયા પૂર્ણ કરવી ખૂબ જ જરૂરી છે. EPFO એમ્પ્લોઇઝ ડિપોઝિટ લિંક્ડ ઇન્શ્યોરન્સ સ્કીમ હેઠળ દરેક ખાતાધારકને રૂ. 7 લાખનું વીમા કવચ આપે છે. જો કોઈ ખાતાધારકનું અકસ્માતમાં મૃત્યુ થાય છે, તો આવી સ્થિતિમાં નોમિની (EPF Nomination Process)ને 7 લાખ રૂપિયાનો સંપૂર્ણ લાભ મળી શકે છે. તે EDLI Employees Deposit Linked Insurance Scheme) વીમા યોજના હેઠળ સરળતાથી દાવો લઈ શકે છે. કર્મચારી ભવિષ્ય નિધિ યોજના (EPF) અને કર્મચારી પેન્શન યોજના (EPS) યોજનાના લાભાર્થીઓએ તેમના ખાતામાં નોમિનેશનની પ્રક્રિયા પૂર્ણ કરવી આવશ્યક છે.
ઈ-નોમિનેશનથી મળે છે આ મોટા ફાયદા
ઈ-નોમિનેશન કર્યા પછી તમારે EPFO ઓફિસમાં જવું પડશે નહીં.
આ પછી તમારે EDLI સ્કીમનો દાવો કરવા માટે દસ્તાવેજોની જરૂર રહેશે નહીં.
તમે એક જ સમયે એક કરતાં વધુ વ્યક્તિને નોમિની બનાવી શકો છો.4
નોમિનીને જરૂરિયાત મુજબ બદલી શકાય છે
નોમિની એકાઉન્ટ ધારકના મૃત્યુ પછી, તમે ઈન્સ્યોરન્સ મની ઓનલાઈન ક્લેમ કરી શકો છો.
EPFO ઈ-નોમિનેશન ઓનલાઈન પ્રક્રિયા
EPFO ઈ-નોમિનેશન માટે, ઈ-સેવા પોર્ટલ www.unifiedportal-mem-epfindia.gov.in ની મુલાકાત લો.
આગળ UAN અને પાસવર્ડ દાખલ કરીને લોગીન કરો.
ત્યારપછી View Profile ના વિકલ્પ પર પાસપોર્ટ સાઈઝ અપલોડ કરો.
આગળ મેનેજ વિભાગ પર ક્લિક કરીને ઈ-નોમિનેશનની પ્રક્રિયા પૂર્ણ કરો.
પછી તમારા નોમિનીનું નામ, જન્મ તારીખ, આધાર નંબર, બેંક વિગતો વગેરે ભરો.
ત્યારપછી આધાર સાથે જોડાયેલા રજિસ્ટર્ડ મોબાઈલ નંબર પર OTP આવશે, જે એન્ટર કરવાનો છે.
OTP દાખલ થતાંની સાથે જ EPFO ઈ-નોમિનેશનની પ્રક્રિયા પૂર્ણ થઈ જશે.