PNB Digital Payment System: પંજાબ નેશનલ બેંકે IVR આધારિત UPI સોલ્યુશન લોન્ચ કર્યું છે. આ સાથે, તે જાહેર ક્ષેત્રની પ્રથમ બેંક બની છે, જેણે AVR આધારિત UPI દ્વારા ચુકવણીની સુવિધા શરૂ કરી છે. હવે ફીચર ફોન ધરાવતા યુઝર્સ તેના IVR નંબરનો ઉપયોગ કરીને UPI દ્વારા ડિજિટલ પેમેન્ટ પણ કરી શકે છે.
જાહેર ક્ષેત્રની અગ્રણી બેંક PNB એ 2025 સુધીમાં ડિજિટલ વિઝન હેઠળ કાર્ડલેસ અને કેશલેસ સોસાયટી બનાવવા માટે UPI 123PAY IVR આધારિત UPI સોલ્યુશન રજૂ કર્યું છે. તેના દ્વારા હવે ફીચર ફોન યુઝર્સ પણ UPI પેમેન્ટનો લાભ લઈ શકશે.
ઇન્ટરનેટ વિના પણ ચૂકવણી કરી શકશે
યુનિફાઈડ પેમેન્ટ્સ ઈન્ટરફેસ (UPI) રિયલ ટાઈમ ક્વિક અને ઈન્સ્ટન્ટ પેમેન્ટ સુવિધા પૂરી પાડે છે, જેનો ઉપયોગ 24 કલાકમાં ગમે ત્યારે થઈ શકે છે. અત્યાર સુધી યુપીઆઈ દ્વારા ચૂકવણીની સુવિધા સ્માર્ટફોન અથવા યુએસએસડી દ્વારા ચૂકવણીની સુવિધા હતી અને તમે ફક્ત ઇન્ટરનેટનો ઉપયોગ કરીને ચુકવણી કરી શકતા હતા. જો કે, હવે UPI 123PAY દ્વારા, PNB વપરાશકર્તાઓ ઇન્ટરનેટ વિના પણ ચુકવણીનો લાભ મેળવી શકે છે. આ સુવિધા કોઈપણ ફીચર ફોન પર અથવા ઓછી ઈન્ટરનેટ કનેક્ટિવિટી ધરાવતા વિસ્તારોમાં UPI ટ્રાન્ઝેક્શન માટે ઉપલબ્ધ હશે.
મોટાભાગના ગ્રાહકો ગ્રામીણ અને નાના શહેરોમાં છે
પંજાબ નેશનલ બેંકના MD અને CEOએ કહ્યું કે ભારતની સૌથી વધુ વસ્તી ગ્રામીણ અને નાના શહેર વિસ્તારોમાં છે. આવા લોકો હજુ પણ રોકડથી જ મોટા ભાગની ચૂકવણી કરે છે. તેમણે કહ્યું કે PNBની 63 ટકા શાખાઓ ગ્રામીણ અને નાના શહેરોમાં આવેલી છે. આ વિસ્તારોમાં પીએનબીના ગ્રાહકો મોટી સંખ્યામાં છે.
UPI 123PAY વડે કેવી રીતે ચૂકવણી કરવી?
પહેલા તમારા ફોન પરથી IVR નંબર 9188-123-123 ડાયલ કરો
લાભાર્થી પસંદ કરો
તમારા વ્યવહારને પ્રમાણિત કરો
તમે બહુવિધ ભાષાઓમાં UPI 123PAY નો ઉપયોગ કરી શકો છો.
નોન PNB ગ્રાહકો માટે પણ સુવિધા
એમડીએ કહ્યું કે આ સુવિધા તે લોકો માટે ફાયદાકારક છે જેમની પાસે સ્માર્ટફોન અને ઇન્ટરનેટ કનેક્ટિવિટી નથી. UPI 123PAY ની સુવિધા આવા લોકોને સંપૂર્ણપણે મદદ કરશે. તેની મદદથી ભારતમાં ગમે ત્યાં પેમેન્ટ કરી શકાય છે. આ સુવિધા નોન PNB ગ્રાહકો માટે પણ ઉપલબ્ધ છે.