Post Office Scheme: નોકરી કરતા લોકો માટે નિવૃત્તિ પછી દર મહિને આવક મેળવવી સરળ નથી, પરંતુ જો નોકરી દરમિયાન પૈસાનું યોગ્ય જગ્યાએ રોકાણ કરવામાં આવે તો આ કાર્ય પણ સરળ બની જશે અને નિવૃત્તિ પછી પણ તમને માસિક આવક મળતી રહેશે. આજે અમે તમને એવી જ એક સ્કીમ વિશે જણાવવા જઈ રહ્યા છીએ, જ્યાં તમે એકસાથે રોકાણ કરીને માસિક આવક મેળવી શકો છો. આ એક સરકારી યોજના (Govt Scheme) છે, જે નાની બચત યોજના (Small Saving Scheme) હેઠળ ચાલે છે. આ યોજનાને રિટાયરમેન્ટ પ્લાનિંગ માટેની લોકપ્રિય યોજનાઓમાંની એક ગણવામાં આવે છે.
પોસ્ટ ઓફિસની (Post Office Schemes) શાનદાર યોજના સીનિયર સિટીજન સેવિંગ સ્કીમ (SCSS) છે. વરિષ્ઠ નાગરિકો માટે આ યોજના પાંચ વર્ષ સુધી દર મહિને લગભગ 20 હજાર રૂપિયા આપી શકે છે. આ સરકારી યોજના હેઠળ 8.2 ટકા વ્યાજ પણ મળે છે. SCSS યોજના હેઠળ 5 વર્ષની મેચ્યોરિટી હોય છે. આમાં માસિક રોકાણને બદલે તમે ફક્ત એક જ વાર પૈસાનું રોકાણ કરી શકો છો.
કોણ રોકાણ કરી શકે છે?
પોસ્ટ ઓફિસની આ સ્મોલ સેવિંગ સ્કીમ હેઠળ વરિષ્ઠ નાગરિકોને લાભ આપવામાં આવે છે. ફક્ત 60 વર્ષથી વધુ ઉંમરના લોકો જ આમાં રોકાણ કરી શકે છે. હાલમાં આ સ્કીમ 8.2 ટકા વળતર આપે છે. 60 વર્ષથી વધુ ઉંમરનો કોઈપણ ભારતીય નાગરિક આ યોજનામાં એકસાથે પૈસા જમા કરાવી શકે છે. આ સ્કીમમાં વધુમાં વધુ 30 લાખ રૂપિયાનું રોકાણ કરી શકાય છે. પહેલા આ રકમ 15 લાખ રૂપિયા હતી.
માસિક 20 હજાર કેવી રીતે મેળવશો?
જો તમે સિનિયર સિટીઝન સેવિંગ સ્કીમ હેઠળ 30 લાખ રૂપિયાનું રોકાણ કરો છો તો તમને દર વર્ષે લગભગ 2 લાખ 46 હજાર રૂપિયાનું વ્યાજ મળશે. હવે જો આ રકમ માસિક ધોરણે ગણીએ તો આ રકમ 20,500 રૂપિયા થશે. આ યોજના હેઠળ 55 થી 60 વર્ષની વચ્ચે સ્વૈચ્છિક નિવૃત્તિ લેનારા લોકો પણ ખાતું ખોલાવી શકે છે. આ ખાતું કોઈપણ નજીકની પોસ્ટ ઓફિસ શાખામાં જઈને ખોલાવી શકાય છે.
ટેક્સ પણ ભરવો પડે છે
આ યોજના હેઠળ આવક મેળવતા નાગરિકોએ પણ ટેક્સ ચૂકવવો પડશે. જો કે જો આ બચત યોજના પર વ્યાજ 50 હજાર રૂપિયાથી વધુ છે તો તેના પર TDS ચૂકવવો પડશે પરંતુ જો તમે ફોર્મ 15G/15H ભર્યું છે તો વ્યાજ પર TDS કાપવામાં આવશે નહીં.